សែន​សង្វេគ​ពេក​ក្រៃ ! ដោយសារ​ក្រពះ​ត្រូវ​រន្ទះបាញ់​ស្លាប់

ខេត្តបន្ទាយមានជ័យ ៖ រន្ទះ​អប្រីយ៍​បាន​ប្រល័យ​ជីវិត​បុរស​ម្នាក់​ចោល​ប្រពន្ធ​និង​កូន​ឲ្យ​នៅ​កំព្រា​ឯកា ដែល​ហេតុការណ៍​នេះ​ត្រូវ​បាន​គេ​ប្រទះ​ឃើញ​កាល​ពី​​វេលា​ម៉ោង​៣​ទៀប​ភ្លឺ ថ្ងៃ​ទី​១៥ ខែឧសភា ឆ្នាំ​២០១៦ នៅ​ចំណុច​ខាងត្បូង​ចម្ងាយ​២០០​ម៉ែត្រ​ពី​ភូមិ​សំបួរ ឃុំ​ប៉ោយ​ចារ ស្រុក​ភ្នំស្រុក ខេត្តបន្ទាយមានជ័យ ។

ប្រភព​ព័ត៌មាន​ពី​នគរបាល​ស្រុក​ភ្នំស្រុក​បាន​ឲ្យ​ដឹង​ថា ជន​រង​គ្រោះ​ឈ្មោះ ចិន ទូច ភេទ​ប្រុស អាយុ​៥២​ឆ្នាំ នៅ​ភូមិ​សំបួរ ឃុំ​ប៉ោយ​ចារ ស្រុក​ភ្នំស្រុក ខេត្តបន្ទាយមានជ័យ ។ មុន​ពេល​កើតហេតុ វេលា​ម៉ោង​១​រំលង​អធ្រាត្រ​ឈាន​ចូល​ថ្ងៃ​ទី​១៥​ឧសភា មេឃ​មាន​ភ្លៀង​ធ្លាក់​យ៉ាង​ធំ​មួយ​មេ ជន​រង​គ្រោះ​បាន​ចេញពីផ្ទះ​ទៅ​ដើរ​រក​ចាប់​ហ៊ីង និង​កង្ហែ​ប ស្រាប់តែ​នៅ​វេលា​ម៉ោង​៣​ទៀប​ភ្លឺ​ថ្ងៃ​ដដែល​ត្រូវ​គេ​ប្រទះ​ឃើញ​សព​ជន​រង​គ្រោះ​ដេក​ស្លាប់​ដោយសារ​រន្ទះបាញ់​នៅ​វាលស្រែ​ខាងត្បូង​ភូមិ ។

គួរ​បញ្ជាក់​ផង​ដែរ ក្នុង​រយៈពេល​២​ថ្ងៃនេះ​នៅ​ខេត្តបន្ទាយមានជ័យ​មាន​ករណី​រន្ទះបាញ់​មនុស្ស​ស្លាប់​៣​នាក់​ហើយ ក្នុង​នោះ​នៅ​ស្រុក​ម៉ា​ឡៃ​២​នាក់ គោ​១​ក្បាល និង​ស្រុក​ភ្នំស្រុក​១​នាក់ ៕

ប្រភព ៖

កំណត់ហេតុខ្មែរឡូត៖ 

ដោយឡែក  ដោយសាររន្ទះបាញ់ចំផ្ទះរបស់គាត់ បណ្តាលឱ្យឆេះខ្ទេចគ្មានសល់ នៅល្ងាចថ្ងៃទី១១ ខែឧសភា ឆ្នាំ២០១៦ ស្ថិតក្នុងភូមិឬស្សី ឃុំ ជាំសង្កែ ស្រុកភ្នំស្រួច ខេត្តកំពង់ស្ពឺ។

លោកវរសេនីយ៍ទោសាយ ប៊ុនថន អធិការនគរបាលស្រុកភ្នំស្រួចបានប្រាប់ភ្នាក់ងារ Fresh News នៅព្រឹកថ្ងៃទី១២ ខែឧសភា ឆ្នាំ២០១៦នេះថា «កាលពីល្ងាចមិញ មានភ្លៀងធ្លាក់មួយមេធំលាយជាមួយខ្យល់កន្ត្រាក់ និងរន្ទះបាញ់ទៅលើឈ្មោះ មែង ឡុង អាយុ៦៩ឆ្នាំ ភេទស្រី នៅភូមិ ព្រៃឫស្សី ឃុំជាំសង្កែ បណ្តាលឲ្យស្លាប់ និងឆេះផ្ទះអស់១ខ្នង ទំហំ៤ម៉ែត្រ×៥ម៉ែត្រ ធ្វើអំពីឈើ ប្រក់សង្ក័សី ជញ្ជាំងបាំងស្បូវ»។ 

លោកបន្តថា ពេលកំពុងភ្លៀងធ្លាក់មានផ្លេកបន្ទោលពេលនោះជនរងគ្រោះ នៅក្នុងផ្ទះស្រាប់មានរន្ទះបាញ់ចំផ្ទះរបស់គាត់បណ្តាលឱ្យយ៉ាងសន្ធោសន្ធៅ បណ្តាលឲ្យគាត់ត្រូវភ្លើងឆេះស្លាប់ ក្នុងភ្នក់ភ្លើងយ៉ាងវេទនាជាទីបំផុត។

បច្ចុប្បន្នសាកសពត្រូវបានក្រុមគ្រួសារ រៀបចំធ្វើបុណ្យតាមប្រពៃណី៕ 

ទន្ទឹមនឹងនោះផងដែរ  រីឯប្រពន្ធរងរបួសធ្ងន់ បញ្ជូនទៅសង្គ្រោះនៅមន្ទីរពេទ្យបង្អែក ខេត្តពោធិ៍សាត់ ខណៈត្រឡប់មកពីផ្លាស់ក្របីវិញ។

ហេតុការណ៍នេះកើតឡើង នៅវេលាម៉ោង៣៖៣០នាទីរសៀល ថ្ងៃទី១២ ខែឧសភា ឆ្នាំ២០១៦ នៅចំណុចការដ្ឋានទី៧ ភូមិព្រៃឱម៉ាល់ សង្កាត់រលាប ក្រុងពោធិ៍សាត់់ ខេត្តពោធិ៍សាត់។

លោកអនុសេនីយ៍ទោ អ៊ុន ហូ មេប៉ុស្តិ៍នគរបាលរដ្ឋបាលសង្កាត់រលាប បានប្រាប់ភ្នាក់ងារ Fresh News ឲ្យដឹងនៅនឹងកន្លែងកើតហេតុថា ជនរងគ្រោះ ដែលជាប្តី មានឈ្មោះ មឿន សុភ័ក្ត្រ អាយុ២៦ឆ្នាំ ស្លាប់នៅកន្លែងកើតហេតុ និង ប្រពន្ធមានឈ្មោះ មូល ស្រីតូច អាយុ២៣ឆ្នាំ ពួកគេទាំង២នាក់ប្តីប្រពន្ធរស់នៅភូមិព្រៃឱម៉ាល់ សង្កាត់រលាប ក្រុងពោធិ៍សាត់់ ខេត្តពោធិ៍សាត់។

លោកអនុសេនីយ៍ទោ បានបន្តថា មុនពេលកើតហេតុជនរងគ្រោះពីរនាក់ប្តីប្រពន្ធបានទៅកាច់ទំពាំងជាមួយក្មួយស្រី និង ភ្លាមនោះមានមេឃស្រទុំរកភ្លៀង លាយឡុំដោយសូររន្ទះពេញផ្ទៃមេឃ ក៏នាំគ្នាស្រូតទៅផ្លាស់ក្របីនៅខាងក្រោយផ្ទះ ស្រាប់តែរន្ទះបាញ់ស្លាប់នៅកន្លែងកើតហេតុ រីឯប្រពន្ធរងរបួសធ្ងន់ បញ្ជូនទៅសង្គ្រោះនៅមន្ទីរពេទ្យបង្អែក ខេត្តពោធិ៍សាត់។

បច្ចុប្បន្ន លោក ម៉ៅ ធនិន អភិបាលខេត្ត និងប្រធានក្រុមការងារចុះជួយក្រុងពោធិ៍សាត់ បាននឹងកំពុងនាំយកអំណោយជួយសង្គោះបន្ទាន់ផងដែរ៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

សែន​សង្វេគ​ពេក​ក្រៃ ! ដោយសារ​ក្រពះ​ត្រូវ​រន្ទះបាញ់​ស្លាប់

សែន​សង្វេគ​ពេក​ក្រៃ ! ដោយសារ​ក្រពះ​ត្រូវ​រន្ទះបាញ់​ស្លាប់

សែន​សង្វេគ​ពេក​ក្រៃ ! ដោយសារ​ក្រពះ​ត្រូវ​រន្ទះបាញ់​ស្លាប់