ហួសចិត្ត! បើកឡានធ្លាក់ចូលទឹក ព្រោះតែទុកចិត្ត លើប្រព័ន្ធ GPS ខ្លាំងពេក

កាណាដា៖ វាជារឿងដ៏គួរឲ្យអស់សំណើច និងហួសចិត្តមួយ នៅពេលរថយន្តមួយគ្រឿង ត្រូវធ្លាក់ចូលទឹក ដោយសារតែអ្នកបើក ជឿទុកចិត្តលើ GPS ខ្លាំងពេក។

នេះបើយោងតាម ប្រភពសារព័ត៌មានបានឲ្យដឹងថា នារីរងគ្រោះវ័យ ២៣ឆ្នាំម្នាក់ មិនបញ្ចេញឈ្មោះ មកពីរដ្ឋ Ontario បានបើករថយន្តធ្លាក់ចូលទៅក្នុងបឹង Lake Huron រួចមក។

ប្រភពបន្តថា នារីរងគ្រោះបានធ្វើដំណើរតាមតំបន់ឆ្នេរ Tobermory ដោយសារអាកាសធាតុពេលយប់មិនសូវអំណោយផល មេឃចុះអ័ព្ទ ទើបបណ្តាលឲ្យត្រង់ចំណុចទីតាំងកំពង់ចម្លងទូក មើលទៅហាក់បីដូចជាផ្លូវថ្នល់ធម្មតា ជាហេតុនាំឲ្យឡានធ្លាក់ទឹកតែម្តង លិចក្នុងជម្រៅប្រមាណ៣០ម៉ែត្រ។

សំណាងល្អនាងបានរួចជីវិត ដោយសារដឹងខ្លួនទាន់ ចុចបើកបង្អួចទ្វារឡាន មុនពេលម៉ាស៊ីនឡានមិនទាន់រលត់ ហើយបានហែលរំដោះខ្លួន ចេញមកក្រៅទាន់ពេល។ ក្រោយមកនាងបានដើររកកន្លែងមានបម្រើសេវាទូរស័ព្ទ នៅម្តុំក្បែរសណ្ឋាគារ ដើម្បីទាក់ទងហៅជំនួយ ព្រោះថាទូរស័ព្ទរបស់នាងជាប់នៅក្នុងឡាន។

ប្រភពបន្តទៀតថា មូលហេតុដែរបង្កឲ្យ នារីរងគ្រោះខាងលើ ជួបរឿងស៊យបែបនេះ ក៏ដោយសារតែនាង មិនសូវស្គាល់ទីតាំងភូមិសាស្រ្តច្បាស់លាស់ គួបផ្សំនឹងមេឃចុះអ័ព្ទ មិនអាចមើលផ្លូវបានច្បាស់ល្អ ទើបសម្រេចចិត្តបើកបរ ដោយជឿជាក់ទៅលើប្រព័ន្ធ GPS ហើយលទ្ធផលចុងក្រោយធ្វើឲ្យរូបនាងធ្លាក់ទឹកបែបនេះតែម្តង។

ប្រភពដដែលបានលើកឡើងទៀតថា រូបនាងមិនបានរងគ្រោះថ្នាក់អ្វីធំដុំទេ ព្រោះនាងជាមនុស្សមានស្មារតីរឹងប៉ឹង មិនមានពាក់ព័ន្ធគ្រឿងស្រវឹង ឬគ្រឿងញៀនអ្វីឡើយ ហើយនាងក៏ខ្មាសគេមិនស្ទើរដែរ ដែលជួបរឿងស៊យបែបនេះ ដោយសារភាពធ្វេសប្រហែសរបស់នាង។

លុះព្រឹកឡើងអ្នកមុជទឹក លោក Zsolt Vincze ចុះធ្វើការអូសទាញរថយន្តនោះត្រឡប់មកវិញ ប៉ុន្តែទោះយ៉ាងណាក៏ដោយ រថយន្តបានខូចខាតជាដំណំ៕

ប្រភព ៖

កំណត់ហេតុខ្មែរឡូត៖

គួររំលឹកដែរថា ទាក់ទងនិងករណីស្រដៀងគ្នានេះដែរ ស្ត្រីជនជាតិចិន អាយុ២៨ឆ្នាំម្នាក់ ព្រោះតែវក់នឹងការចុចទូរសព្ទដៃខ្លាំងពេក។

វីដេអូកាមេរ៉ាសុវត្ថិភាព​នៅក្នុងទីក្រុង Wenzhou ខេត្ត Zhejiang ត្រូវបានប្រភពព័ត៌មាន CCTVNews បង្ហោះផ្សាយនៅលើបណ្តាញសង្គម នៅថ្ងៃនេះ បង្ហាញឲ្យឃើញមូលហេតុ ដែលស្ត្រីរងគ្រោះត្រកូល Wang បានស្លាប់ ដែលបានកើតឡើង កាលពីថ្ងៃទី ២៩ ខែធ្នូ ឆ្នាំ២០១៥ ពោលគឺមុនថ្ងៃឆ្លងឆ្នាំ ២ថ្ងៃ។ តាមរយ:វីដេអូនេះ គេអាចឃើញស្ត្រីរងគ្រោះ ធ្វើដំណើរបន្តើរ មុខសន្លឹងមើលទូរសព្ទបន្តើរ ដោយមិនបានចាប់អារម្មណ៍ចំពោះផ្លូវដើរ ថាខ្លួនកំពុងសំដៅ ទៅរកទឹកទន្លេឡើយ។

យ៉ាងណាមិញ សាកសពស្ត្រីរងគ្រោះ ត្រូវបានរកឃើញ ក្រោយពេលដែលប្តីរបស់នាង ប្រទះឃើញស្បែកជើងប្រពន្ធខ្លួន អណ្តែតទឹកទន្លេរួចមក។

នេះជាសារដាន់តឿន ទៅដល់ប្រិយមិត្តអ្នកអានផងដែរ ឲ្យមានការប្រុងប្រយ័ត្ន រាល់ពេលធ្វើដំណើរ ដោយកុំបណ្តោយខ្លួនឲ្យជក់នឹងការចុចទូរសព្ទខ្លាំងពេក ដែលអាចនាំឲ្យមានគ្រោះថ្នាក់ជាយថាហេតុ ដូចករណីមួយនេះ៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ហួសចិត្ត! បើកឡានធ្លាក់ចូលទឹក ព្រោះតែទុកចិត្ត លើប្រព័ន្ធ GPS ខ្លាំងពេក

ហួសចិត្ត! បើកឡានធ្លាក់ចូលទឹក ព្រោះតែទុកចិត្ត លើប្រព័ន្ធ GPS ខ្លាំងពេក

ហួសចិត្ត! បើកឡានធ្លាក់ចូលទឹក ព្រោះតែទុកចិត្ត លើប្រព័ន្ធ GPS ខ្លាំងពេក

ហួសចិត្ត! បើកឡានធ្លាក់ចូលទឹក ព្រោះតែទុកចិត្ត លើប្រព័ន្ធ GPS ខ្លាំងពេក

ហួសចិត្ត! បើកឡានធ្លាក់ចូលទឹក ព្រោះតែទុកចិត្ត លើប្រព័ន្ធ GPS ខ្លាំងពេក