មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

ឧទាហរណ៍ថាអ្នករកឃើញ ប្រអប់នំស្រួយមួយ នៅក្នុងទូដាក់អាហាររបស់អ្នក ប៉ុន្តែវាហួសកាលបរិច្ឆេទកំណត់ទៅហើយ។ តើអ្នកនឹងបរិភោគវាឬទេ? នៅក្នុងករណីមួយចំនួន កាលបរិច្ឆេទផុតកំណត់ ជាសូចនាករដ៏សំខាន់​លើសុវត្ថិភាពម្ហូបអាហារ។ ថ្ងៃផុតកំណត់ មិនមែនតែងតែតំណាង ភាពត្រឹមត្រូវនៃគុណភាពជីវិតរបស់អាហាររហូតទេ។ ខាងក្រោមនេះជាអាហារមួយចំនួន ដែលអាចបរិភោគបាន ទោះជាផុតសុពលភាព ឬថ្ងៃកំណត់ក៏ដោយ៖

# ១. អាហារកំប៉ុង

កាលបរិច្ឆេទផុតកំណត់ នៃម្ហូបកំប៉ុងភាគច្រើន​ មានសុពលភាពរយៈពេលបីឆ្នាំ ចាប់់ពីពេលដែលវាត្រូវបានគេផលិត ប៉ុន្តែអ្នកអាចប្រើប្រាស់រហូតដល់ទៅបួនឆ្នាំទៀត ពីលើថ្ងៃផុតកំណត់ ដែលសរុបមកស្មើនឹង ប្រាំពីរឆ្នាំ។ ត្រូវប្រាកដថាអ្នករក្សាម្ហូបកំប៉ុងនៅកន្លែងត្រជាក់ ហើយស្ងួត និងងងឹត។ តែប្រសិនបើវាមានស្នាមកំប៉ិត ច្រេះ ឬលេចធ្លាយ នោះគឺជាពេលវេលាដែលត្រូវ បោះចោលហើយ។

# ២. ឈីស (Cheese)

ឈីស មានសុវត្ថិភាពសម្រាប់បរិភោគ និងមិនផ្តល់ផលអាក្រក់ទេ ទោះជាបរិភោគហួសកាលបរិច្ឆេទក៏ដោយ។ ប្រសិនបើវាដុះផ្សិតនៅផ្នែកខាងក្រៅ អ្នកគ្រាន់តែកាត់វាចេញ និងប្រើប្រាស់ផ្ទៃខាងក្នុងជាការស្រេច។ ដូច្នេះហើយកុំបោះចោលឈីសទៀតអោយសោះ។

# ៣. គ្រាប់ធញ្ញជាតិ (Cereal)

ទោះជាគ្រាប់ធញ្ញជាតិ អាចចាប់ផ្តើមមានក្លិន ឬបាត់បង់ភាពស្រស់បស់ តែធញ្ញជាតិនៅអាចមានគុណភាពជីវិត លើសពីកាលបរិច្ឆេទផុតកំណត់ដែលបានបោះពុម្ព។ ដូចជាអាហារជាច្រើនផ្សេងទៀតដែរ ប្រសិនបើវាត្រូវបានរក្សាទុកត្រឹមត្រូវ - នៅក្នុងកន្លែងត្រជាក់ ស្ងួត នោះគ្រាប់ធញ្ញជាតិ អាចមានរយៈពេល ៦ខែ បន្ថែមទៀត បន្ទាប់ពីកាលបរិច្ឆេទដែលហួសនោះ។

# ៤. នំប៉័ង

វាអាចនឹងមើលទៅឃើញមិនស្រស់ ប៉ុន្តែនំបុ័ងដែលមានកាលបរិច្ឆេទផុតកំណត់ ក៏អាចបរិភោគដោយសុវត្ថិភាពបានដែរ សូម្បីតែមានផ្សិតមួយចំនួននៅលើវាក៏ដោយ។ អ្នកអាចច្រៀក ឬកាត់ចេញនូវផ្សិតដែលដុះទាំងនោះ និងអាចបរិភោគចំណែកនំប៉័ងដែលនៅសល់បាន។ តែប្រសិនបើនំបុ័ងមានក្លិនជូរ ឬផ្អូម អ្នកមិនត្រូវបរិភោគវាឡើយ។ អ្នកអាចធ្វើការពន្យាជីវិតរបស់នំបុ័ង ដោយរក្សាទុកនៅក្នុងទូរទឹកកក នោះវាអាចនឹងអាចទុកញ៉ាំបានរហូតដល់ទៅពីរសប្តាហ៍។

# ៥. ស៊ុត 

នេះបើយោងតាមរបាយការណ៍ របស់វិទ្យាសាស្រ្តម្ហូបអាហារ ឲ្យដឹងថា ស៊ុតអាចមានរយៈពេលពី ៣ទៅ៥សប្តាហ៍។ ប៉ុន្តែវាត្រូវរក្សាទុកនៅសីតុណ្ហភាព ក្រោម ៥ អង្សាសេ ដែលជួយការពារពីការរីកលូតលាស់នៃមេរោគ។ ខាងក្រោមនេះជាល្បិចមួយដើម្បីពិនិត្យមើលថាតើ ស៊ុត មានគុណភាពយ៉ាងដូចម្តេចដោយមិនចាំបាច់គោះបំបែក។

@ ដំបូងដាក់ស៊ុតនៅក្នុងចានទឹកមួយ។ ប្រសិនបើវាលិច វាគ្មានបញ្ហាអី្វទេក្នុងការបរិភោគ ប្រសិនបើវាអណ្តែត សូមបោះវាចោលនៅក្នុងធុងសំរាមចុះ។

# ៦. ទឹកដោះគោជូរ ឬយ៉ាអួ

យ៉ាអួដែលបើកញ៉ាំរួចខ្លះ ងាយផ្អូមជាងយ៉ាអួ ដែលមិនទាន់បើកញ៉ាំ។ ជាធម្មតា យ៉ាអួនឹងមានរយៈពេលមួយទៅពីរសប្តាហ៍ បន្ថែមពីលើកាលបរិច្ឆេទផុតកំណត់។ ប៉ុន្តែស្ថានភាពនេះ អនុវត្តបានតែចំពោះ យ៉ាអួធម្មតា ឬយ៉ាអួផ្លែឈើកំប៉ុង មិនមែនយ៉ាអួធ្វើជាបង្អែម ឬមានលាយស៊ុតក្នុងនោះទេ។ តែប្រសិនជាយ៉ាអួនោះ ដុះផ្សិតឬធុំផ្អូម អ្នកត្រូវបោះវាចោលភ្លាម

# ៧. សូកូឡា

តើអ្នកធ្លាប់ឃើញ ពណ៌សៗ ស្តើងៗ នៅលើសូកូឡាចាស់ៗដែរឬទេ? សូមកុំច្រឡំ វាមិនមែនជាផ្សិតទេ។ វាត្រូវបានគេហៅថា "chocolate bloom"  ជាជាតិខ្លាញ់ ឬជាតិស្ករផ្សេងៗ ហើយវាមិនបង្កគ្រោះថ្នាក់ពេលបរិភោគទេ។ សម្រាប់អ្នកដែលញ៉ាំម្តងបន្តិចៗ មិនចាំបាច់មានការភ័យខ្លាចនោះទេ ដុំសូកូឡាមួយអាចទុកបាន ១ - ២ ឆ្នាំបានយ៉ាងល្អ អាស្រ័យលើប្រភេទនៃ សូកូឡា។

# ៨. អាហារស្ងួត (អង្ករ, មី, កាហ្វេ ជាដើម -ល-)

ផលិតផលដែលស្ងួតមិនងាយផ្អូមទេ។ អ្នកអាចយកវាមកប្រើប្រាស់បាន ទោះជាផុតកំណត់ក៏ដោយ។ ជាទូទៅ ម្ហូបស្ងួតមានកាលកំណត់២ឆ្នាំ ប៉ុន្តែវាអាចទុកបានដល់ទៅ៣ឆ្នាំ។ តាមគំនិតដ៏ល្អ អ្នកគួរតែរក្សាទុកពួកវា នៅក្នុងធុងធ្វើពីកែវ ឬដែកបិទជិតពីខ្យល់ និងមានសភាពស្ងួត។

# ៩. នំ (នំខុកឃី, នំស្រួយ, បន្ទះដំឡូងបារាំង ជាដើម)

នំទាំងនេះ អាចលែងស្រួយ និងបាត់បង់រសជាតិដើមខ្លះ ប៉ុន្តែបើវាមិនធុំក្លិនអីអាក្រក់ទេ វាអាចទទួលទានបានដោយសុវត្ថិភាព។ ប្រសិនបើអ្នក ហែកកញ្ចប់នំញ៉ាំម្តងហើយ ប្រភេទនំទាំងនោះ នឹងមិនអីទេសម្រាប់ប៉ុន្មានសប្តាហ៍ក្រោយ ប៉ុន្តែប្រសិនបើអ្នកមិនបានហែកវាទេ វាអាចរក្សាទុកបាននៅ ២ទៅ៣ខែក្រោយទៀត។

១០. ប្រភេទអាហារដែលកក

សីតុណ្ហភាពត្រជាក់របស់ទឹកកក អាចការពារអាហារកុំអោយមានបញ្ហា ដូច្នេះអាហារដែលកក ជាទូទៅមានសុវត្ថិភាពក្នុងការបរិភោគ ទោះជាហួសកំណត់ក៏ដោយ។ ជាទូទៅវាអាចប្រើប្រាស់បាន នៅអំឡុង ២ខែទៀតក្រោយផុតកំណត់។ ប៉ុន្តែប្រសិនបើអ្នកដាក់ម្ហូបអាហារឲ្យកកដោយខ្លួនឯង (សាច់...) ត្រូវប្រាកដថាមិនទុកឲ្យលើសពី ២ខែឡើយ

ប្រភព៖  |  |  | 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ

មកស្គាល់ ប្រភេទអាហារ ដែលយើងអាច យកមកញ៉ាំបាន ទោះជាហួសថ្ងៃកំណត់ក៏ដោយ