មហាបាបកម្ម! កូនស្រីរមិលគុណម្នាក់ ចាក់ឪពុកបង្កើត ១កាំបិត រងរបួសធ្ងន់ ដោយសារជម្លោះតិចតួច

(កំពត)៖ កូនស្រីអកត្តញ្ញូម្នាក់ បានសងគុណឪពុកបង្កើតខ្លួនរបស់ខ្លួន ដោយចាក់មួយកាំបិត បណ្ដាលឲ្យរងរបួសធ្ងន់ខណៈដែលពួកគេ ទាំង២នាក់ បានឈ្លោះប្រកែកគ្នាបន្តិចបន្តួចនៅក្នុងគ្រួសារ។

អំពើហិង្សានៅក្នុងគ្រួសារខាងលើនេះ បានកើតឡើងនៅព្រឹកថ្ងៃទី២៣ ខែឧសភា ឆ្នាំ២០១៦នេះ ស្ថិតក្នុងភូមិប្រាល ឃុំតានី ស្រុកអង្គរជ័យ ខេត្តកំពត។

មន្រ្តីនគរបាលមូលដ្ឋាន បានប្រាប់ភ្នាក់ងារ Fresh News ប្រចាំខេត្តកំពតថា ជនរងគ្រោះជាឪពុក ឈ្មោះ ជ្រិន បេន អាយុ៥៨ឆ្នាំ រីឯជនល្មើសជាកូនស្រីបង្កើតជាមនុស្ស «គ» ឈ្មោះ ជ្រិន ស្រីនួន អាយុ២៥ឆ្នាំ អ្នកទាំង២នាក់ រស់នៅភូមិ-ឃុំ កើតហេតុខាងលើ។

សមត្ថកិច្ចបានបន្ដថា អំពើហិង្សាក្នុងគ្រួសារនេះ កើតឡើងដោយសារទំនាស់ពាក្យសំដីគ្នា រវាងឪពុក និងកូនស្រីបង្កើតទើបធ្វើឲ្យកូនស្រី ផ្ទុះកំហឹង យ៉ាងខ្លាំងឈានទៅយកកូនកាំបិត ចាក់សម្លាប់ឪពុក តែសំណាងល្អគ្រាន់តែរបួសជាទម្ងន់ ចំឆ្នឹងខ្នងបោះដៃផុត។ ក្រោយកើតហេតុភ្លាម ជនរងគ្រោះ ត្រូវបានគេដឹកបញ្ជូនយកទៅសង្គ្រោះបន្ទាន់នៅមន្ទីរពេទ្យបង្អែកស្រុកអង្គរជ័យ។ ចំណែកជនល្មើស ត្រូវបានកម្លាំងនគរបាល នាំខ្លួន ទៅសាកសួរ នៅអធិការដ្ឋាននគរបាលស្រុកអង្គរជ័យ ដើម្បីកសាងសំណុំរឿង ចាត់ការតាមនីតិវិធី៕

ប្រភព ៖

កំណត់ហេតុខ្មែរឡូត៖

ករណីស្រដៀងគ្នានេះដែរ កម្លាំងសមត្ថកិច្ចប្រចាំការ នៅតំបន់ការពារខ្សែក្រវ៉ាត់ បន្ទាត់ព្រំដែនកម្ពុជា-ថៃ នៅម៉ោងប្រមាណ ០៦៖៣០នាទី ថ្ងៃទី២០ ខែមីនា ឆ្នាំ២០១៦នេះ  បណ្តាលឲ្យរងរបួសធ្ងន់ ព្រោះសុំលុយមិនឲ្យ តាមបំណងខ្លួន ខណៈជនរូបនេះ ព្យាយាមរត់គេចឆ្លងដែន ចូលប្រទេសថៃ ។

បើតាមមន្រ្តីនគរបាលមូលដ្ឋាន បានឲ្យដឹងថា ជនសង្ស័យឈ្មោះ អ៊ុន សេរីវុធ ត្រូវបានឃាត់ខ្លួននៅម៉ោង ៦ល្ងាច ថ្ងៃទី២០ ខែមីនា នៅក្បែរច្រកព្រំដែន កម្ពុជា-ថៃ ខណៈជនសង្ស័យរូបនេះ ព្យាយាមរត់ឆ្លងដែន ទៅកាន់ប្រទេសថៃ។ គួរំលឹកថា នៅម៉ោងប្រមាណ ០៩៖១៥នាទី យប់ថ្ងៃទី១៩ ខែមីនា ឆ្នាំ២០១៦ ជនសង្ស័យ អ៊ុន សេរីវុធ វ័យ២២ឆ្នាំ បានកាប់ម្តាយ របស់ខ្លួន ឈ្មោះ ម៉ៅ មិត្ត អាយុ៥៦ឆ្នាំ បណ្តាលឲ្យរបួសដៃធ្ងន់ធ្ងរ បន្ទាប់ពីស្រ្តីដែលជាម្តាយ មិនព្រមឲ្យលុយ ដូចអ្វីដែលរូបគេ បានសុំ ដែលហេតុការណ៍នេះ កើតឡើងស្ថិតនៅភូមិខេងខូង សង្កាត់ស្ទឹងវែង ក្រុមខេមរភូមិន្ទ។

បើតាមអ្នកភូមិខេងខូង បានឲ្យដឹងថា អ៊ុន សេរីវុធ នេះ ជាក្មេងញៀនថ្នាំ ដល់ថ្នាក់ម្តាយឳពុក និយាយលែងស្តាប់គ្នា ហើយលើស ពីនេះទៀត ជនរូបនេះ តែងតែបង្ករឿងក្នុងគ្រួសារស្ទើររាល់ថ្ងៃ ក្នុងថ្ងៃកើតហេតុ សេរីវុធ នេះ បានសុំលុយឳពុក តែត្រូវម្តាយរបស់ខ្លួន ហាមមិនឲ្យ និងស្តីឲ្យបុរសជាប្តីថែមទៀត ភ្លាមនោះឳពុកជនសង្ស័យ បានចុះមកលីប៉ាវធ្យូង ដាក់លើកទូក ស្រាប់តែឮសំឡេង ប្រពន្ធស្រែកឲ្យជួយ ភ្លាមនោះក៏រត់ទៅមើល ឃើញឈាមហូរស្រោចពេញខ្លួន ក៏ដឹងថា កូនប្រុសខ្លួនជានាក់កាប់។

អ្នកភូមិបានបន្តទៀតថា ក្រោយពីកាប់ម្តាយបណ្តាលឲ្យរបួសធ្ងន់ យុវជនញៀនថ្នាំរូបនេះ បានរត់ចូលព្រៃ គេចខ្លួនបាត់ បន្ទាប់មក កម្លាំងសមត្ថកិច្ចបានចុះមកពិនិត្យ កន្លែងកើតហេតុ ឃើញថា ជនសង្ស័យ អ៊ុន សេរីវុធ បានធ្វើសកម្មភាព ចាក់ម្តាយនិងកន្ត្រៃ ហើយកាប់និងពូថៅ បណ្តាលឲ្យរងរបួសធ្ងន់ រួចមកជនសង្ស័យ បានរត់ចូលព្រៃ បាត់ស្រមោល ឯស្រ្តីជាម្តាយត្រូវបាន អ្នកភូមិ និងសមត្ថកិច្ចដឹក មកជួយសង្គ្រោះនៅ មន្ទីរពេទ្យបង្អែកខេត្ត៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

មហាបាបកម្ម! កូនស្រីរមិលគុណម្នាក់ ចាក់ឪពុកបង្កើត ១កាំបិត រងរបួសធ្ងន់ ដោយសារជម្លោះតិចតួច

មហាបាបកម្ម! កូនស្រីរមិលគុណម្នាក់ ចាក់ឪពុកបង្កើត ១កាំបិត រងរបួសធ្ងន់ ដោយសារជម្លោះតិចតួច