ព្រៃផ្សៃ​ណាស់ ! រំលោភ​ក្មេង​ស្រី​អាយុ​១០​ឆ្នាំ​ដល់​ទៅ​៣​ដង

ខេត្តកំពង់ចាម ៖ បុរស​ពោះម៉ាយ​ម្នាក់​ឈ្មោះ កុយ ចាន់​នី អាយុ​៥៤​ឆ្នាំ នៅ​ភូមិ​ព្រែក​ពោធិ៍​លើ ឃុំ​ព្រែក​ពោធិ៍ ស្រុក​ស្រី​សន្ធរ ដោយសារ​តែ​ដាច់​ចំណី​យូរ​ជូរ​មាត់​ដូច​គេ​ញៀន​បារី បាន​ប្រើ​ល្បិច​លួងលោម​ក្មេង​ស្រី​អាយុ​១០​ឆ្នាំ នាំ​យក​ទៅ​រំលោភ​សេពសន្ថវៈ​រហូត​បាន​សំរេច ។ ហើយ​នៅ​ព្រឹក​ថ្ងៃ​ទី​២៣ ខែឧសភា ឆ្នាំ​២០១៦ សមត្ថកិច្ច​បាន​បញ្ជូន​ខ្លួន​មក​កាន់​សាលាដំបូង​ខេត្ត​ហើយ ។

លោក​វរសេនីយ៍ត្រី ហេង វ​ណ្ណា អធិការ​នគរបាល​ស្រុក​ស្រី​សន្ធរ បាន​ឲ្យ​ដឹង​ថា កាលពី​វេលា​ម៉ោង​៧​ព្រឹក​ថ្ងៃ​ទី​១៩​ឧសភា ត្រង់​ចំណុច​ច​ភូមិសាស្ត្រ​ឃុំ​ព្រែក​ពោធិ៍ ស្រុក​ស្រី​សន្ធរ បាន​កើត​មាន​អំពើ​រំលោភ​សេពសន្ថវៈ ដែល​បង្ក​ឡើង​ដោយ​បុរស​ពោះម៉ាយ​ខាងលើ​បាន​ប្រើ​ល្បិច​នាំ​ក្មេង​ស្រី​អាយុ​១០​ឆ្នាំ​ចូល​ទៅ​ក្នុង​ព្រៃ​ស្ងាត់​មួយ​កន្លែង ហើយ​បុរស​នេះ​បាន​ឲ្យ​លុយ​មក​ក្មេង​រង​គ្រោះ​ចំនួន​២០០០​រៀល ក្នុង​ពេល​ដែល​ម្តាយ​ឪពុក​មិន​នៅផ្ទះ​នោះ ។

លោក​អធិការ​នគរបាល​ស្រុក​ស្រី​សន្ធរ​បាន​បន្ត​ថា រហូត​ម​ដល់​វេលា​ម៉ោង​៤ និង​៥០​នាទី​ល្ងាច ថ្ងៃ​ទី​២១​ឧសភា ប៉ុស្តិ៍​រដ្ឋបាល​ឃុំ​ព្រែក​ពោធិ៍​បាន​ទទួល​ពាក្យបណ្តឹង​ពី​ស្ត្រី​ជា​ម្តាយ​របស់​ក្មេង​ស្រី​រង​គ្រោះ ដោយ​បាន​ប្តឹង​ចោទប្រកាន់​ទៅ​លើ​បុរស​ឈ្មោះ ចាន់ នី រស់នៅ​ឃុំ​ស្រុក​ជាមួយ​គ្នា​ថា​បាន​ចាប់​កូនស្រី​របស់​គាត់​រំលោភ​សេពសន្ថវៈ​រហូត​បាន​សំរេច ។ រហូត​ម​ដល់​ព្រឹក​ថ្ងៃ​ទី​២២​ឧសភា សមត្ថកិច្ច​បាន​ហៅ​ជនសង្ស័យ​មក​សួរនាំ​នៅ​អធិការដ្ឋាន​នគរបាល​ស្រុក​ស្រី​សន្ធរ ហើយ​ក៏​បាន​ឃាត់ខ្លួន​តែ​ម្តង​តាម​បញ្ជា​របស់​លោក​ព្រះរាជអាជ្ញា​អម​សាលាដំបូង​ខេត្ត ។

ផ្អែក​តាម​បណ្តឹង​របស់​ស្ត្រី​ជា​ម្តាយ​ក្មេង​ស្រី​រង​គ្រោះ​បាន​រៀបរាប់​ថា នៅ​វេលា​ម៉ោង​៦ និង​៣០​នាទី​ព្រឹក ថ្ងៃ​ទី​២០​ឧសភា គឺ​តាម​សាក្សី​បាន​បំភ្លឺ​ថា​បានឃើញ​ជនសង្ស័យ​ខាងលើ​ឌុ​ប​កូនស្រី​គាត់​ចេញពី​ព្រៃ​ទួល​មួយ​កន្លែង​នៅ​ខាង​មុខ​វត្ត​ព្រែក​ពោធិ៍ ។ ក្រោយ​ពី​បាន​ស្តាប់​ឮ​ដូច្នេះ ម្តាយ​ហៅ​កូនស្រី​មក​កាន់​មន្ទីរពេទ្យ​ស្រុក​ស្រី​សន្ធរ​ឲ្យ​គ្រូពេទ្យ​ពិនិត្យ ហើយ​កូនស្រី​បាន​និយាយ​ប្រាប់​ពី​រឿងហេតុ​ថា ជនសង្ស័យ​គឺ​បាន​ចាប់រំលោភ​នាង​បាន​សម្រេច​រហូត​ដល់​ទៅ​៣​ដង​កាលពី​ថ្ងៃ​ទី​១៩ ឧសភា ២០១៦ ។

នគរបាល​ព្រហ្មទណ្ឌ​កម្រិត​ធ្ងន់​ខេត្ត​បញ្ជាក់​ថា បុរស​ពោះម៉ាយ​ខាងលើ​នោះ​ទើបតែ​លែងប្រពន្ធ​បាន កន្លះ​ខែ​ទេ ដោយ​បាន​ធ្លាប់​មក​ធ្វើ​ជាង​ផ្ទះ​ក្បែរ​នឹង​ផ្ទះ​របស់​ក្មេង​ស្រី​រង​គ្រោះ ថែម​ទាំង​បាន​ធ្លាប់​ឲ្យ​លុយ​ចាយ​ទៀត ។ តាម​របាយការណ៍​បុរស​នេះ​មិន​បាន​ឆ្លើយ​សារភាព​នោះ​ទេ តែ​ក្មេង​ស្រី​រង​គ្រោះ​ក៏​បាន​ឆ្លើយ​រឿង​ពិត​ដែរ និង​មានការ​ពិនិត្យ​កោសល្យវិច័យ​ពី​មន្ទីរពេទ្យ​ទៀត រហូត​ដល់​រសៀល​ថ្ងៃ​ទី​២៣​ឧសភា​នេះ ជនសង្ស័យ​កំពុង​តែ​ស្ថិត​ក្នុង​ការ​សួរនាំ​ពី​មន្ត្រី​តុលាការខេត្ត ៕

ប្រភព ៖

កំណត់ហេតុខ្មែរឡូត៖

ដោយឡែកករណីស្រដែៀងគ្នានេះដែរ  ត្រូវកម្លាំងនគរបាលស្រុកខ្សាច់កណ្ដាល ក្រមួចបាននៅថ្ងៃទី៦ ខែឧសភា ឆ្នាំ២០១៦ម្សិលមិញនេះ នៅក្នុងភូមិព្រែកបង្កង ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល។

បើតាមរបាយការណ៍របស់សមត្ថកិច្ចមូលដ្ឋានបានឱ្យដឹងថា ជនសង្ស័យឈ្មោះ ឌឿ សំអន ហៅ ឌៀប អាយុ៦៦ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកបង្កង ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល។

សមត្ថកិច្ចបានបន្ដថា នៅពេលកើតហេតុជនរងគ្រោះ ឈ្មោះ យ.ស.ដ អាយុ១១ឆ្នាំ ជនជាតិខ្មែរ មុខរបរសិស្ស កំពុងលេងបិតពួនជាមួយក្មេងៗដទៃ ពេលនោះជនល្មើសបានចាប់ទាញជនរងគ្រោះ មកខាងក្រោយផ្ទះរបស់ខ្លួនកន្លែងទ្រុងមាន់ បានចាប់ស្រាតខោជនរងគ្រោះរំលោភ រហូតបានសំរេច លុះក្រោយមកជនល្មើស រំលោភបាន២ដងទៀត នៅក្រោមផ្ទះឈ្មោះ ម៉ិច យ៉ាន។

លុះដល់ថ្ងៃទី៣០ ខែមេសា ឆ្នាំ២០១៦ ម្តាយជនរងគ្រោះ ឃើញកូនមានសភាព មិនសូវស្តីនិយាយចេះភាំងៗ បានសួរដេញដោលកូន រហូតកូននិយាយប្រាប់ពីដំណើររឿងទាំងអស់នេះ នៅថ្ងៃទី៦ ខែឧសភា ឆ្នាំ២០១៦ម្សិលមិញនេះ ម្តាយជនរងគ្រោះឈ្មោះ ម៉ី ស្រីរត្ន័ អាយុ៣២ឆ្នាំ មុខរបរកសិករ បានមកដាក់ពាក្យបណ្តឹងនៅប៉ុស្តិ៍ព្រែកតាកូវ ក្រោយពីកម្លាំងប៉ុស្តិ៍បានទទួលពាក្យបណ្ដឹងក៏ធ្វើការចុះស្រាវជ្រាវ ហៅជនសង្ស័យមកសួរនាំ ហើយជនសង្ស័យបានសារភាពថាខ្លួនពិតជាបានធ្វើសកម្មភាពរំលោភជនរងគ្រោះពិតប្រាកដមែន។

ក្រោយពីធ្វើការសួរចម្លើយរួចមក ជនសង្ស័យត្រូវបានបញ្ជូនខ្លួនទៅកាន់អធិការដ្ឋាននគរបាលស្រុកខ្សាច់កណ្ដាល ដើម្បីបន្តចាត់ការតាមនីតិវិធី៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ព្រៃផ្សៃ​ណាស់ ! រំលោភ​ក្មេង​ស្រី​អាយុ​១០​ឆ្នាំ​ដល់​ទៅ​៣​ដង

ព្រៃផ្សៃ​ណាស់ ! រំលោភ​ក្មេង​ស្រី​អាយុ​១០​ឆ្នាំ​ដល់​ទៅ​៣​ដង