ដឹង​ហើយ! តម្លៃ​សំបុត្រ​ចូល​ទស្សនា បាល់​ទាត់​កម្ពុជា ប៉ះ​ទីម័រ ក្នុង​​មិត្ត​​ភាព​ថ្ងៃ​ទី​២៩ ឧសភា

(ភ្នំពេញ)៖ តម្លៃសំបុត្រចូលទស្សនាការប្រកួតបាល់ទាត់រវាងក្រុមជម្រើសជាតិកម្ពុជា ស្វាគមន៍ក្រុមភ្ញៀវទីម័រខាងកើត ក្នុងមិត្តភាពអន្តរជាតិថ្ងៃអាទិត្យ ទី២៩ ខែឧសភា ឆ្នាំ២០១៦ ត្រូវបានកំណត់ថ្លៃហើយ គឺមានតម្លៃ ១០០០០រៀល សម្រាប់ក្នុងដំបូល និងតម្លៃ ៥០០០រៀល នៅក្រៅដំបូល នេះបើយោងតាម Facebook Page របស់សហព័ន្ធបាល់ ទាត់កម្ពុជា (FFC) ។

ប្រភពខាងលើដដែលបានបន្តថា សម្រាប់សំបុត្រចូលទស្សនាទាំងពីរប្រភេទនេះ នឹងចាប់ផ្តើមដាក់លក់ជាផ្លូវការចាប់ពី ព្រឹកថ្ងៃទី២៥ ខែឧសភា ឆ្នាំ២០១៦ តទៅនៅពហុកីឡដ្ឋានជាតិ មជ្ឈមណ្ឌលកីឡា The BLUE Sports Center និងហាងលក់សម្ភារៈកីឡា Home Sport original ហើយក៏មានផ្សាយផ្ទាល់តាមកញ្ចក់ទូរទស្សន៍ BTV ផងដែរ។

សូមបញ្ជាក់ផងដែរថា យុទ្ធនាការប្រកួតកម្តៅសាច់ដុំ និងដកស្រង់បទពិសោធន៍នេះនឹងចាប់ផ្តើមនាម៉ោង ៧៖០០នាទី យប់ថ្ងៃទី២៩ ឧសភា គឺត្រូវបានធ្វើឡើងដើម្បីសមជើង មុនប្រកួតជម្រុះបឋម ពានរង្វាន់ AFC Asian Cup UAE 2019 ដែលកម្ពុជា ត្រូវប៉ះម្ចាស់ផ្ទះចិនតៃប៉ិ ដើមខែមិថុនាខាងមុខនេះហើយ ៕ 

ប្រភព ៖

កំណត់ហេតុខ្មែរឡូត៖

គួរបញ្ជាក់ផងដែរថា ០៨ ខែមីនា ឆ្នាំ២០១៦ របស់រាជរដ្ឋាភិបាល ជូនដល់កីឡាករ ដែលទទួលបានជ័យជម្នះ ពីការប្រកួតកីឡា អាស៊ានប៉ារ៉ាហ្គេម (ASEAN Para Games) លើកទី៨ នៅប្រទេសសឹង្ហបុរី និងក្រុមកីឡាបាល់ទាត់ Cambodian All Stars ។

នៅក្នុងបណ្ដាញ ទំនាក់ទំនងសង្គម ហ្វេសប៊ុករបស់ សម្ដេចបានសរសេរថា ការជួបជុំនេះ គឺជាការផ្តល់កំលាំង ចិត្តចំពោះក្រុមកីឡាករ កីឡាការនីដែលបាន ចូលរួមយ៉ាងស្វិតស្វាញ ក្នុងវិស័យកីឡាដែលកន្លងមក និងបានទទួល ជោគជ័យគួជាទីមោទនៈ ជាពិសេសក្នុងការប្រកួត កីឡាអាស៊ានប៉ារ៉ាហ្គេម (ASEAN Para Games) លើកទី៨ នៅសិង្ហបុរី និងការប្រកួតកីឡា បាល់ទាត់មិត្តភាពកម្ពុជា ថៃ នៅរាជធានីភ្នំពេញ កាលពីពេលថ្មីៗនេះ។

សម្ដេចបាន សរសេរបន្តថា កន្លងទៅនេះ គណៈកម្មាធិការ ជាតិ ប៉ារ៉ាឡាំពិកកម្ពុជា បានបញ្ជូនកីឡាករ ជនពិការចំនួន ២៩រូប ទៅប្រកួតនៅសិង្ហបុរី ដែលមាន ដូចជាវិញ្ញាសា អត្តពលកម្ម ហែលទឹក និងប្រភេទកីឡា Bowling ។ ជាលទ្ឋផលគឺ កីឡាករយើងទទួលបាន មេដាយសរុបចំនួន១០ ក្នុងនោះមេដាយមាស១ លើកីឡាអត្តពលកម្ម រត់ប្រណាំង ៤០០ម៉ែត្រ និងទី២ លើប្រភេទកីឡា អត្តពលកម្មរត់ប្រណាំងបុរស នារី និងមេដាយសំរិត៧ លើប្រភេទកីឡាអត្តពលកម្ម វិញ្ញាសាររត់ប្រណាំង ១០០ម៉ែត្រ និង៤០០ ម៉ែត្របុរសនារី វិញ្ញាសារប្រណាំងរទេះ ១០០ ម៉ែត្រ ៤០០ ម៉ែត្រ និង ១៥០០ម៉ែត្រ និងកីឡាហែលទឹក វិញ្ញាសារ ៥០ម៉ែត្រ ។

សម្ដេចបានបន្ថែមថា វិស័យកីឡានៅក្នុង ប្រទសកម្ពុជា កំពុងរីកចម្រើន និងទទួលបាន លទ្ធផលជោគជ័យធំៗ ជាច្រើនក្នុងឆ្នាំ ២០១៥ កន្លងទៅ ពិសេសយើងបាន ឈ្នះមេដាយមាស ប្រាក់ និងសំរឹទ្ធ ពីការប្រកួតជើងឯកពិភពលោក ជើងឯកអាស៊ី ជើងឯកអាស៊ាន និងការប្រកួត ស៊ីហ្គេម លើប្រភេទកីឡា ដ៏មានសក្តានុពល មួយចំនួនរបស់កម្ពុជា ខណៈ ការប្រកួតបាល់ទាត់ មានអ្នកចូលរួមទស្សនា ផ្ទាល់យ៉ាងច្រើនបំផុត ដែលមិនធ្លាប់មានពីមុនមកនោះ ហើយដែលកម្ពុជាបានទាត់ឈ្នះ ថៃកាលពីពេលកន្លងទៅថ្មីៗ។

សម្ដេចបានបញ្ជាក់ថា ដើម្បីជាការផ្តល់កំលាំងចិត្ត និងគាំទ្រចំពោះកីឡាកម្ពុជា និងកំណត់យុទ្ឋសាស្រ្តសម្រាប់ ២០២៣ ខាងមុខ សម្តេចតេជោ ហ៊ុន សែន បានសម្រេចយកថ្ងៃទី៤ មេសា ២០១៦ ដើម្បីជួបជុំទទួលទាន អាហារជាមួយកីឡាករ កីឡាការិនីទូទាំងប្រទេស ដែលនឹងធ្វើនៅមជ្ឍមណ្ឌលកោះពេជ្រ ។

មុននឹងបញ្ចប់កម្មវិធីនោះ សម្តេចតេជោ ក៏បានអញ្ជើញផ្តល់ពានជ័យលាភី និងប្រាក់រង្វាន់ដល់ក្រុម Cambodian All Stars ក្រុមកីឡាអាស៊ានប៉ារ៉ាហ្គេម និងក្រុមកីឡាករផ្សេៗមួយចំនួនទៀត ព្រមទាំងបានថតរូប អនុស្សាវរីយ៍ជាមួយកីឡាករ និងកីលាការិនីប្រកបដោយ ភាពស្និទ្ឋស្នាលរីករាយបំផុត៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ដឹង​ហើយ! តម្លៃ​សំបុត្រ​ចូល​ទស្សនា បាល់​ទាត់​កម្ពុជា ប៉ះ​ទីម័រ ក្នុង​​មិត្ត​​ភាព​ថ្ងៃ​ទី​២៩ ឧសភា

ដឹង​ហើយ! តម្លៃ​សំបុត្រ​ចូល​ទស្សនា បាល់​ទាត់​កម្ពុជា ប៉ះ​ទីម័រ ក្នុង​​មិត្ត​​ភាព​ថ្ងៃ​ទី​២៩ ឧសភា