UEFA​ចោទប្រកាន់​ក្លិប​Liverpool និង Sevilla លើ​ករណី​អ្នកគាំទ្រ​បង្កចលាចល

សហព័ន្ធ​បាល់ទាត់​អឺរ៉ុប (UEFA) ថ្លែង​ថា ក្លិប​Liverpool និង​Sevilla ត្រូវ​រង​ការ​ចោទប្រកាន់​លើ​ករណី​ដែល​អ្នកគាំទ្រ​របស់​ពួក​គេ​បង្កចលាចល​ក្នុង​ការ​ប្រកួត​ផ្ដាច់ព្រ័ត្រ​Europa League កាលពី​ថ្ងៃ​ទី​១៨ ឧសភា កន្លង​មក ។

UEFA បាន​ចោទប្រកាន់​ក្លិប​Liverpool ករណី​ដែល​អ្នកគាំទ្រ​របស់​ពួក​គេ​បង្កចលាចល និង​គប់​កាំជ្រួច​ចូល​ក្នុង​ទីលាន​ប្រកួត ហើយ​អ្នកគាំទ្រ​ក្លិប​Sevilla​ក៏​បាន​គប់​គប់​សម្ភារ​ផ្សេង​ៗ​ចូល​ទីលាន​ប្រកួត​ដូច​គ្នា ។ គណៈកម្មការ​វិន័យ​របស់​UEFA នឹង​កាត់ក្ដី​ពី​ករណី​នេះ នៅ​ថ្ងៃ​ទី​២១ កក្កដា ខាង​មុខ ក្រោយ​ពេល​បញ្ចប់​ការ​ប្រកួត​យូ​រ៉ូ​២០១៦ នៅ​ប្រទេស​បារាំង​ដែល​បើក​ឆាក​នៅ​ថ្ងៃ​ទី​១០ មិថុនា ៕