សមាគម​គ្រូបង្រៀន​កម្ពុជា​ឯករាជ្យ​អំពាវនាវ​ឲ្យ​គ្រូបង្រៀន​ធ្វើ​កូដកម្ម​ករណី​មានការ​ចាប់ខ្លួន​លោក កឹ​ម សុខា

រាជធានី​ភ្នំពេញ ៖ សមាគម​គ្រូបង្រៀន​កម្ពុជា​ឯករាជ្យ នៅ​ថ្ងៃ​ទី​២៩ ឧសភា ២០១៦ បាន​ធ្វើការ​អំពាវនាវ​ដល់​លោកគ្រូ​អ្នកគ្រូ​ចូលរួម​កូដកម្ម ឬ បាតុកម្មអហិង្សា​ស្របច្បាប់​ក្នុង​ករណី​មានការ​ចាប់ខ្លួន​លោក កឹ​ម សុខា អ្នកតំណាង​រាស្ត្រ​ដែល​កំពុង​មាន​អភ័យ​ឯក​សិ​ទ្ឋិ​សភា​នៅឡើយ ។

មក​ដល់​ម៉ោង​២​និង​៣០​នាទី​រសៀល​ថ្ងៃអាទិត្យ​ដដែល​នេះ មិន​ទាន់​មាន​ប្រតិកម្ម​តប​នៅឡើយ​ទេពី​មន្ត្រី​រាជរដ្ឋាភិបាល ជា​ពិសេស​មន្ត្រី​ក្រសួង​អប់រំ យុវជន​និង​កីឡា ជុំវិញ​ការ​អំពាវនាវ​ខាងលើ​នេះ ៕