ក្រុមចោរប្រដាប់អាវុធ ៤នាក់ ភ្ជង់និង វាយប្លន់ យកម៉ូតូ១គ្រឿង ពីយុវជនម្នាក់ នៅសង្កាត់ទួលសង្កែ

(ភ្នំពេញ)៖ យុវជនម្នាក់ត្រូវក្រុមចោរប្លន់៤នាក់ ជិះម៉ូតូ២គ្រឿង មកកៀរឲ្យឈប់ រួចដកកាំភ្លើងភ្ជង់ និងវាយប្លន់យកម៉ូតូទៅបាត់ ដោយសុវត្ថិភាព នៅវេលាម៉ោង៤៖៣០នាទីទៀបភ្លឺ ថ្ងៃទី៣០ ខែឧសភា ឆ្នាំ២០១៦ នៅចំណុចជាប់របងវត្តទួលសង្កែស្ថិតក្នុងសង្កាត់ ទួលសង្កែ ខណ្ឌឫស្សីកែវ។

សមត្ថកិច្ចមូលដ្ឋានបានឲ្យដឹងថា ជនរងគ្រោះមានឈ្មោះ ឌួង វាសនា អាយុ២៦ឆ្នាំ មុខរបរធ្វើការរោងចក្រ មានទីលំនៅផ្ទះជួល ក្រោយវត្តទួលសង្កែ សង្កាត់ទួលសង្កែ ខណ្ឌឫស្សីកែវ មានស្រុកកំណើតនៅភូមិនរាយណ៍ ឃុំនិទាន ស្រុកបរសេដ្ឋ ខេត្តកំពង់ស្ពឺ ចំណែកម៉ូតូដែលត្រូវចោរប្លន់នោះម៉ាកហុងដា ឌ្រីម សេ១២៥ ស៊េរីឆ្នាំ២០១៣ ពណ៌្មខ្មៅ ពាក់ស្លាកលេខក្រចេះ1B-4542 ជារបស់ ប្អូនប្រុសឈ្មោះ ញ៉ែម ហោស៊ី អាយុ២៣ឆ្នាំ ជានិស្សិតស្នាក់នៅ វត្តសារ៉ាវ័ន្ត សង្កាត់ស្រះចក ខណ្ឌដូនពេញ ។

ជនរងគ្រោះបានប្រាប់ឲ្យដឹងថា មុនពេលកើតហេតុ ខ្លួនបានជិះម៉ូតូចេញពីផ្ទះបង នៅម្តុំទីលានវាយកូនគោល ក្នុងសង្កាត់ឫស្សីកែវ ខណ្ឌឫស្សីកែវ ដើម្បីយកម៉ូតូមកឲ្យប្អូនប្រុសវិញ ខណៈជិះបានពាក់កណ្ដាលផ្លូវ ត្រង់ចំណុចជាប់របងវត្តទួលសង្កែ ក៏ស្រាប់តែមាន ជនសង្ស័យ៤នាក់ ជិះម៉ូតូ២គ្រឿងមិនចាំម៉ាក បានជិះមកកៀរហើយវ៉ៃឲ្យធ្លាក់ពីលើម៉ូតូ និងដកកាំភ្លើងខ្លី មកភ្ជង់ប្លន់យកម៉ូតូទៅបាត់។

ប្រជាពលរដ្ឋដែលរស់នៅម្តុំនោះ បាននិយាយថា ភូមិសាស្ត្រនៅកន្លែងប្លន់ ជាទីតាំងស្មុគស្មាញណាស់ គួរតែសមត្ថកិច្ចចុះល្បាត ឲ្យបានញឹកញាប់ ដើម្បីទប់ស្កាត់បទល្មើសផ្សេងៗ ដើម្បីធ្វើឲ្យប្រជាពលរដ្ឋមានភាពកក់ក្តៅ មិនមែនកើតរឿងជិតមួយម៉ោងហើយ មិនទាន់ឃើញសម្ថកិច្ចមកដល់នោះទេ នេះសំណាងហើយបានអ្នករត់ម៉ូតូឌុបជូនជនរងគ្រោះ ទៅដាក់ពាក្យបណ្តឹងបើចាំសមត្ថកិច្ច ចុះមកដល់វិញច្បាស់ជាជនរងគ្រោះមិនដឹងជាយ៉ាងណានោះទេ ព្រោះតែរង់ចាំយូរពេក ណាមួយជនរងគ្រោះមិនស្គាល់ប៉ុស្តិ៍នគរបាល ផង។ បើជនរងគ្រោះមិនបានទៅដាក់ពាក្យបណ្តឹងច្បាស់ជាសម្ថកិច្ចមិនបានដឹងទេថា ក្នុងទឹកដីខ្លួនគ្រប់គ្រង់មានរឿងអ្វីខ្លះកើតឡើង នោះទេ៕

ប្រភព ៖

កំណត់ហេតុខ្មែរឡូត៖

ករណីស្រដៀងគ្នានេះដែរ  ​​ធ្វើ​សកម្មភាព​វាយ​ប្លន់​យក​ម៉ូតូ​ពី​យុវជន​២​នាក់​​តែមិន​បាន​សម្រេច ​ត្រូវ​ជាប់​ខ្នោះ​​៣​នាក់ បង្ក​ឱ្យ​ភ្ញាក់ផ្អើល​កាលពី​វេលា​ម៉ោង​១២​ និង​៣០​នាទី​រំលង​អធ្រាត្រ​ ឈាន​ចូល​ថ្ងៃ​ទី​៣ ​ឧសភា ២០១៦ ស្ថិត​នៅ​តាម​បណ្តោយ​ផ្លូវ​​២០០ ​ក្នុង​​សង្កាត់​បឹង​រាំង ខណ្ឌដូនពេញ ។

ប្រភព​​ពី​កន្លែង​កើតហេតុ​​ឱ្យ​​ដឹង​ថា ​គេ​បានឃើញ​ជន​សង្ស័យ​មួយ​ក្រុម​​ជិះ​ម៉ូតូ​៤​គ្រឿង ក្នុង​នោះ​មាន​ស្រី​២​នាក់ ចំណែក​ជន​រង​គ្រោះ​មាន​គ្នា​២​នាក់​ បាន​ចេញ​មក​ពី​ម្តុំ​ផ្សារ​សូ​រិ​យា​ម៉​លជិះ​ទៅ​ផ្លូវ​២០០ លុះ​មក​ដល់​ចំណុច​ខាងលើ​ ក៏​ស្រាប់តែ​ជនសង្ស័យ​ បាន​ជិះ​ទៅ​បុក​​ម៉ូតូ​ជន​រង​គ្រោះ​ ថែម​ទាំង​ហូត​ខ្សែក្រវាត់​វាយ​ក្បាល​ជន​រង​គ្រោះ​២​នាក់​នោះ ។

ភ្លាម​ៗ​នោះ ​​ជន​រង​គ្រោះភ័យ​ពេក​ ក៏​រត់​ចោល​ម៉ូតូ​ធ្វើ​ឱ្យ​​ជនសង្ស័យ​លើក​ម៉ូតូ​យក​ជិះ​រត់គេច​ខ្លួន តែ​សំណាងល្អ​ មាន​សមត្ថកិច្ច​ចេញ​មក​​ជួយ​អន្តរាគមន៍​ន​ទាន់​ពេលវេលា​ និងបាន​យក​ម៉ូតូ​មក​វិញ​ ហើយ​ឃាត់ខ្លួន​ជនសង្ស័យ​​៣​នាក់ ​យក​ទៅ​សាកសួរ​នៅ​អធិការដ្ឋាន​ខណ្ឌដូនពេញ ។ ​

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ក្រុមចោរប្រដាប់អាវុធ ៤នាក់ ភ្ជង់និង វាយប្លន់ យកម៉ូតូ១គ្រឿង ពីយុវជនម្នាក់ នៅសង្កាត់ទួលសង្កែ

ក្រុមចោរប្រដាប់អាវុធ ៤នាក់ ភ្ជង់និង វាយប្លន់ យកម៉ូតូ១គ្រឿង ពីយុវជនម្នាក់ នៅសង្កាត់ទួលសង្កែ

ក្រុមចោរប្រដាប់អាវុធ ៤នាក់ ភ្ជង់និង វាយប្លន់ យកម៉ូតូ១គ្រឿង ពីយុវជនម្នាក់ នៅសង្កាត់ទួលសង្កែ

ក្រុមចោរប្រដាប់អាវុធ ៤នាក់ ភ្ជង់និង វាយប្លន់ យកម៉ូតូ១គ្រឿង ពីយុវជនម្នាក់ នៅសង្កាត់ទួលសង្កែ