ជម្រើសជាតិកម្ពុជា ចេញទៅតតាំងជាមួយចិនតៃប៉ិ ម៉ោង១២៖៤០ថ្ងៃត្រង់នេះ

(ភ្នំពេញ)៖ យោងតាមសម្ដីមន្ដ្រីសហព័ន្ធកីឡាបាល់ទាត់កម្ពុជា បានឲ្យដឹងថា នាវេលាម៉ោង១២ថ្ងៃត្រង់នេះ ក្រុមបាល់ទាត់ជម្រើសជាតិកម្ពុជា នឹងធ្វើដំណើរតាមយន្ដហោះឆ្ពោះទៅទឹកដី នៃកោះតៃវ៉ាន់ ដើម្បីជួបប្រកួតជាមួយក្រុមម្ចាស់ផ្ទះចិនតៃប៉ិ នៅក្នុងជំនួបជម្រុះពានរង្វាន់ AFC Asian Cup 2019 នៅទីនោះ។

គួរបញ្ជាក់ថា នេះជាជំនួបជើងទី១ រវាងក្រុមជម្រើសជាតិកម្ពុជា និងក្រុមម្ចាស់ផ្ទះចិនតៃប៉ិ ដែលការប្រកួតនឹងធ្វើឡើងនៅថ្ងៃទី០២ ខែមិថុនាសប្ដាហ៍នេះ ខណៈការប្រកួតជើងទី២ នឹងត្រូវឡើងនៅលើទីលានពហុកីឡដ្ឋានជាតិ ក្នុងរាជធានីភ្នំពេញវិញម្ដង នៅថ្ងៃទី០៧ ខែមិថុនា ឆ្នាំ២០១៦ខាងមុខ។ 

មុននឹងចេញដំណើរថ្ងៃនេះ ក្រុមជម្រើសជាតិកម្ពុជា បានធ្វើការប្រមូលផ្ដុំហ្វឹកហាត់មួយរយៈមកហើយ ក្រោមការដឹកនាំរបស់គ្រូបង្វឹកលោក Lee Tae Hoon ហើយថែមទាំងបានឆ្លងកាត់ការប្រកួតមិត្តភាព ២លើកទៀតផង ក្នុងនោះប្រកួតស្មើក្លិបក្នុងស្រុកព្រះខ័នរាជស្វាយរៀង ០-០ ម្ដង និងប្រកួតឈ្នះលក្ខណៈមិត្តភាពអន្ដរជាតិ លើក្រុមភ្ញៀវទីម័រខាងកើត ២-០ កាលពីចុងសប្ដាហ៍កន្លងទៅម្ដង៕

ប្រភព ៖

កំណត់ហេតុខ្មែរឡូត៖

គួររំលឹកផងដែរថា កាលពីថ្ងៃទី ២៩ ឧសភា ២០១៦ ដល់កីឡាករ និងគ្រូបង្វឹកសម្រាប់ជ័យជំនះនៅក្នុងការប្រកួត កីឡាបាល់ទាត់អន្តរជាតិមិត្តភាពវាង កម្ពុជា និង ទីម័រលេស (Cambodia vs Timor Leste) ។

សម្ដេចតេជោបានសរសេរ ក្នុងបណ្ដាញទំនាក់ទំនងសង្គមហ្វេសប៊ុកថា "ខ្ញុំសូមឧបត្ថម្ភដល់កីឡាបាល់ទាត់ទាំងអស់ និងគ្រូ បង្វឹកដែលបាន ដឹកនាំការប្រកួតថ្ងៃនេះទទួលបាន ជោគជ័យក្នុងម្នាក់ៗទទួលបាន $1,000 (មួយពាន់ដុល្លារ) ដែលនឹង ប្រគល់ជូនដោយនាយឧត្តមសេនីយ៌ សៅ សុខា។ ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា និង លើកសំណើសុំថវិកាជាតិដើម្បីឧបត្ថម្ភបងប្អូនដូចពេលមុនៗដែរ"។

នេះជាមោទនៈភាពរបស់កម្ពុជាយើងទាំងមូល។ សូមយុវជនចូលរួមក្នុងវិស័យកីឡាអោយកាន់តែច្រើនឡើង៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ជម្រើសជាតិកម្ពុជា ចេញទៅតតាំងជាមួយចិនតៃប៉ិ ម៉ោង១២៖៤០ថ្ងៃត្រង់នេះ

ជម្រើសជាតិកម្ពុជា ចេញទៅតតាំងជាមួយចិនតៃប៉ិ ម៉ោង១២៖៤០ថ្ងៃត្រង់នេះ

ជម្រើសជាតិកម្ពុជា ចេញទៅតតាំងជាមួយចិនតៃប៉ិ ម៉ោង១២៖៤០ថ្ងៃត្រង់នេះ

ជម្រើសជាតិកម្ពុជា ចេញទៅតតាំងជាមួយចិនតៃប៉ិ ម៉ោង១២៖៤០ថ្ងៃត្រង់នេះ