ប៊ីរីយ៉ា ខកខាន​តំណែង​តួ​ឯក​ ៣​រឿង

តារា​សម្ដែង​ ប៊ី​រីយ៉ា ថ្លែង​មក​កាន់​ Sabay​ ថ្ងៃ​ខួប ឃុន ធារិទ្ធ ហៅ Rith Omega អ្នក​ដឹក​នាំ​សម្ដែង​របស់​ផលិតកម្ម​ថោន ថានាង​ខក​ខាន​តំណែង​តួ​ឯក​៣​រឿង​ដោយសារ​ជាប់​រវល់​មើល​កូន​តូច​។

 

អំឡុង​​ផ្អាក​សិល្បៈ​​មើល​ថែ​ទាំ​កូន​ស្រី​ តួ​ស្រី​ក្នុង​​រឿង “អាប​ពាក់​មួក​សុវត្ថិភាព​” ប្រាប់​ថា​ មាន​ខាង​ផលិតកម្ម​ទាក់​ទង​សម្ដែង​រឿង​ច្រើន ហើយ​ភាគ​ច្រើន​ជា​តួ​ឯក ​​តែ​ដោយសារ​គ្មាន​អ្នក​មើល​ថែ​​កូន និង​ម្យ៉ាង​ស្វាមី​ខ្លាច​​នាងនឿយ​ហត់​ទើប​ឲ្យ​សម្រាក​មួយ​រយៈ​សិន។​​

 

ប៊ីរីយ៉ា ខកខាន​តំណែង​តួ​ឯក​ ៣​រឿង

 

“មួយ​រយៈ​មុន​ ផ្អាកដោយសារ​កូន​នាង​ខ្ញុំ​នៅ​តូច​ទើប​មិន​មាន​ពេល​វេលា​សម្រាប់​ថត​​ តែ​ឥឡូវ​អូន​តូច​គាត់​មាន​អាយុ​ជាង​១ខួប​ហើយ ខ្ញុំ​អាច​ប្រឡូក​ក្នុង​វិស័យ​សិល្បៈ​វិញ​ជា​ធម្មតា”។ ប៊ីរីយ៉ា ថ្លែង។

 

​​​ត្រឡប់​វិញ​សា​ជា​ថ្មី​នេះ ​តារា​សម្ដែង​កូន​កាត់​ឥណ្ឌា បន្ត​ឲ្យ​ដឹង​ទៀត​ថា ​នឹង​មាន​វត្ត​មាន​ក្នុង​ខ្សែ​ភាព​យន្ត​ថ្មី​របស់ ​MyTv គឺ​រឿង​ “ស្នេហ៍​៩”៕

 

អត្ថបទ៖ ថា ម៉ាលីដា