រូប​ភាព ​១សន្លឹក កំពុង​ទទួល​រង​ការ​រិះ​គន់​យ៉ាង​ខ្លាំង​ ពី​អ្នក​គាំ​ទ្រ​បាល់​​ទាត់​កម្ពុជា

(ភ្នំពេញ)៖ ក្រោយបញ្ចប់ការប្រកួតរវាងក្រុមជម្រើសជាតិកម្ពុជា និងក្រុមម្ចាស់ផ្ទះឆាយនីសតៃប៉ិ ដោយលទ្ធផលស្មើគ្នា ២-២ ក្នុងជំនួបជម្រុះពានរង្វាន់ AFC Asain Cup 2019 ជើងទី១ យប់មិញ មានរូបថតមួយសន្លឹក ត្រូវបានអ្នកគាំទ្របាល់ទាត់កម្ពុជា បង្ហោះចែកចាយតៗគ្នានៅលើ Facebook ហើយថែមទាំងធ្វើការរិះគន់យ៉ាងចាស់ដៃទៀតផង ។

នៅរូបថតខាងលើនេះ គឺបានបង្ហាញពីឥរិយាបថរបស់កីឡាករម្នាក់ឈ្មោះ Chen Po Liang នៃក្រុមម្ចាស់ផ្ទះឆាយនីសតៃប៉ិ ដែលបានបង្ហាញអាកប្បកិរិយាអសីលធម៌លើកីឡាករ ឈិន ឈឿន ខ្សែបម្រើក្រុមជម្រើសជាតិកម្ពុជា ដោយយកម្រាមដៃចង្អុលមុខ ឈិន ឈឿន ស្របពេលកីឡាករកម្ពុជារូបនេះ មានបញ្ហាដួលនៅលើទីលាន ។

ក្រោយមើលឃើញរូបនេះ អ្នកគាំទ្របាល់ទាត់កម្ពុជាជាច្រើន បាននាំគ្នារិះគន់លើកីឡាករ Chen Po Liang ដែលមានអត្ដចរិកមិនសាកសម្យជាកីឡាករឡើយ ។ អ្នកគាំទ្រមួយចំនួនទៀត បានលើកឡើងទៀតថា ការប្រកួតប្រៀបដូចធ្វើសង្ក្រាមអញ្ចឹង ព្រោះកីឡាករក្រុមឆាយនីសតៃប៉ិលេចកាចៗ គ្មានការអធ្យាស្រ័យ ពិសេសគឺកីលាករ Chen Po Liang តែម្ដង ។

ប៉ុន្ដែយ៉ាងណាក្រោយទទួលបានការយកចិត្តទុកដាក់ពីអ្នកគាំទ្របែបនេះ កីឡាករ ឈិន ឈឿន ក៏បានបង្ហោះសារមួយ នៅលើ Facebook ផ្ទាល់ខ្លួន ដោយសម្ដែងការអរគុណដល់អ្នកគាំទ្រ តែហាក់មិនខ្វល់ពីទង្វើររបស់កីឡាករ Chen Po Liang ធ្វើលើខ្លួនឡើយ ។

ឈិន ឈឿន បានសរសេរថា «ខ្ញុំអរគុណដល់អ្នកគាំទ្រទាំងអស់គ្នា ដែលបារម្ភពីរខ្ញុំ ហើយថ្ងៃនេះពួកយើងពិតជាខិតខំប្រឹងប្រែងខ្លាំងណាស់ ដែលមិនបានលទ្ធផលល្អជូនអ្នកគាំទ្រទាំងអស់គ្នា សោកស្ដាយខ្លាំងណាស់ អោយឱកាសមានច្រើន ហើយរបួសខ្ញុំឥលូវធូជាងមុនហើយអ្នកទាំងអស់គ្នា»៕ 

ប្រភព ៖

កំណត់ហេតុខ្មែរឡូត៖

គួរបញ្ជាក់ផងដែរថា កាលពីម្សិលមិញនេះ

ជំនួបជម្រុះពានរង្វាន់ AFC Asian Cup 2019 ជើងទី១ រវាងក្រុមជម្រើសជាតិកម្ពុជា និងក្រុមឆាយនីសតៃប៉ិ បានចាប់ផ្ដើមនាវេលាម៉ោង កាលពី៦ល្ងាចនេះ (ម៉ោងនៅកម្ពុជា) ដោយទូរទស្សន៍ BTV-News បានធ្វើការផ្សាយបន្ដផ្ទាល់ ។ លើសពីនេះ ដោយមានការសំណូមពរពីអ្នកគាំទ្រច្រើនពេក ទូរទស្សន៍ឈានមុខមួយនេះ ក៏បានបន្ថែមនូវការចាក់បញ្ចាំងផ្ទាំង LED សម្រាប់អ្នកគាំទ្រទស្សនានៅពហុកីឡដ្ឋានជាតិនាល្ងាចនេះផងដែរ ។

គួរបញ្ជាក់ផងដែរថា ក្រុមជម្រើសជាតិកម្ពុជា និងក្រុមជម្រើសជាតិឆាយនីសតៃប៉ិ នឹងត្រូវប្រជែងកៅអីវគ្គបន្ដនៃពាន AFC Asian Cup 2019 ដោយត្រូវជួបគ្នា២ជើង ក្នុងនោះជើងទី១ ត្រូវធ្វើការប្រកួតលើទឹកដីនៃទីក្រុង Kaohsiung លើទីលានពហុកីឡដ្ឋានជាតិរបស់ក្រុមឆាយនីសតៃប៉ិ នាល្ងាចថ្ងៃទី២ ខែមិថុនានេះ ហើយជើងទី២ ត្រូវជួបគ្នាលើទឹកដីនៃប្រទេសកម្ពុជាវិញម្ដង នៅថ្ងៃទី៧ ខែមិថុនា ឆ្នាំ២០១៦ សប្ដាហ៍ក្រោយនេះ ។

ការប្រកួតនេះទៀតសោត ប្រសិនបើក្រុមជម្រើសជាតិកម្ពុជា យកឈ្នះក្រុមឆាយនីសតៃប៉ិទាំង ២ជើង ក្រុមគោព្រៃកម្ពុជា នឹងទទួលបានកៅអីវគ្គជម្រុះចុងក្រោយដោយស្វ័យប្រវត្តិ ជាមួយនឹងក្រុមទទួលបានជ័យជម្នះពីការប្រកួតជម្រុះបឋមនេះដូចគ្នា ប៉ុន្ដែប្រសិនបើកម្ពុជាចាញ់ ក៏នៅមានឱកាសប្រកួតជាមួយក្រុមចាញ់ដទៃទៀតដែរ ដើម្បីបង្កើតឱកាសស្វែងរកអ្នកឈ្នះកៅអីវគ្គជម្រុះជុំចុងក្រោយ ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

រូប​ភាព ​១សន្លឹក កំពុង​ទទួល​រង​ការ​រិះ​គន់​យ៉ាង​ខ្លាំង​ ពី​អ្នក​គាំ​ទ្រ​បាល់​​ទាត់​កម្ពុជា

រូប​ភាព ​១សន្លឹក កំពុង​ទទួល​រង​ការ​រិះ​គន់​យ៉ាង​ខ្លាំង​ ពី​អ្នក​គាំ​ទ្រ​បាល់​​ទាត់​កម្ពុជា

រូប​ភាព ​១សន្លឹក កំពុង​ទទួល​រង​ការ​រិះ​គន់​យ៉ាង​ខ្លាំង​ ពី​អ្នក​គាំ​ទ្រ​បាល់​​ទាត់​កម្ពុជា

រូប​ភាព ​១សន្លឹក កំពុង​ទទួល​រង​ការ​រិះ​គន់​យ៉ាង​ខ្លាំង​ ពី​អ្នក​គាំ​ទ្រ​បាល់​​ទាត់​កម្ពុជា

រូប​ភាព ​១សន្លឹក កំពុង​ទទួល​រង​ការ​រិះ​គន់​យ៉ាង​ខ្លាំង​ ពី​អ្នក​គាំ​ទ្រ​បាល់​​ទាត់​កម្ពុជា