ជម្រើសជាតិកម្ពុជា ពន្យារពេលត្រឡប់មកវិញ ដោយសារជួបបញ្ហាព្យុះភ្លៀងខ្លាំងនៅចិនតៃប៉ិ

(ភ្នំពេញ)៖ ក្រុមបាល់ទាត់ជម្រើសជាតិកម្ពុជា នឹងធ្វើដំណើរមកដល់ទឹកដីរបស់ខ្លួនវិញនៅព្រឹកថ្ងៃទី០៣ មិថុនានេះ ទៅតាមគម្រោងតែដោយសារតែនៅ ប្រទេសចិនតៃប៉ិ ជួបបញ្ហាព្យុះភ្លៀងខ្លាំងនោះ ទើបត្រូវពន្យារពេលដល់យប់ថ្ងៃនេះ វិញ នេះបើតាមការបញ្ជាក់ឲ្យដឹងពីលោក ចាន់ មិថុនា មន្រ្តីព័ត៌មាន សហព័ន្ធកីឡាបាល់ទាត់កម្ពុជា (FFC) បានប្រាប់ Fresh News ព្រឹកនេះ។

ជាមួយនឹងដំណើរវិលត្រឡប់មកមកវិញនេះដែរ ក្រុមជម្រើសជាតិកម្ពុជា នឹងមិនមានពេលច្រើនដើម្បីសម្រាកនោះទេ ព្រោះត្រូវត្រៀមខ្លួនធ្វើជាម្ចាស់ផ្ទះ ទទួលក្រុមចិនតៃប៉ិ វិញម្ដងនៅក្នុងជំនួបជើងទី២ នាថ្ងៃទី០៧ ខែមិថុនាខាងមុខ ដើម្បីកាត់សេចក្ដីក្រុមខ្លាំងឡើងទៅវគ្គបន្ដ។

គួរបញ្ជាក់ផងដែរថា ការប្រកួតស្មើជាមួយក្រុមចិនតៃប៉ិ ២-២ ក្រៅទឹកដី គឺជាឱកាសល្អ សម្រាប់ក្រុមជម្រើសជាតិកម្ពុជា ដែលមានសង្ឃឹមឡើងទៅវគ្គបន្ដបាន ព្រោះការប្រកួតជើងទី២ ធ្វើឡើងក្នុងទឹកដីកម្ពុជា ពិសេសគឺក្រុមជម្រើសជាតិ កម្ពុជា ត្រូវការត្រឹមស្មើក្នុងទឹកដី ក៏កម្ពុជាទទួលបានកៅអីវគ្គជម្រុះជុំចុងក្រោយដែរ ដោយសារតែកម្ពុជាមាន ២គ្រាប់ក្នុងដៃ នៅទឹកដីក្រៅផ្ទះហើយនោះ។

ក្នុងជំនួបដ៏តានតឹងលើកទី២ យប់ក្បាលព្រលប់យប់មិញនេះដែរ កម្ពុជា បានធ្វើការវាយបករហូតដល់តាមបានស្មើ ២-២ ក្នុងវគ្គទី១ បើទោះបីជាមិនមាន គ្រាប់បំប៉ោងសំណាញ់ទីបន្ថែមក្នុងវគ្គទី២ក៏ដោយ ក្នុងជំនួបជើងទី១ នៃវគ្គជម្រុះពាន រង្វាន់ AFC Asian Cup 2019 ក្នុងទឹកដីចិនតៃប៉ិ៕

ប្រភព ៖

កំណត់ហេតុខ្មែរឡូត៖ ដោយយោងតាមព័ត៌មានប៉ុន្មានម៉ោងមុននេះ ក្រុមជម្រើសជាតិកម្ពុជា នឹងធ្វើដំណើរមកដល់ទឹកដីរបស់ខ្លួនវិញ កាលពីវេលាម៉ោង ១១:៣០នាទីព្រឹកនេះ បន្ទាប់ពីប្រកួតស្មើគ្នាជាមួយក្រុមម្ចាស់ផ្ទះចិនតៃប៉ិ ដោយលទ្ធផល ២-២ កាលពីម្សិលមិញ នៅក្នុងជំនួបជើងទី១ នៃវគ្គជម្រុះពានរង្វាន់ AFC Asian Cup 2019 ។

ដោយភ្លាមៗនេះ ដោយសារនៅចិនតៃបិុ កំពុងជួបនូវបញ្ហាព្យុះភ្លៀងខ្លាំង ជាហេតុធ្វើឲ្យក្រុមជម្រើសជាតិកម្ពុជា ពន្យានូវការធ្វើដំណើរមកកាន់មាតុភូមិវិញ។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ជម្រើសជាតិកម្ពុជា ពន្យារពេលត្រឡប់មកវិញ ដោយសារជួបបញ្ហាព្យុះភ្លៀងខ្លាំងនៅចិនតៃប៉ិ

ជម្រើសជាតិកម្ពុជា ពន្យារពេលត្រឡប់មកវិញ ដោយសារជួបបញ្ហាព្យុះភ្លៀងខ្លាំងនៅចិនតៃប៉ិ

ជម្រើសជាតិកម្ពុជា ពន្យារពេលត្រឡប់មកវិញ ដោយសារជួបបញ្ហាព្យុះភ្លៀងខ្លាំងនៅចិនតៃប៉ិ

ជម្រើសជាតិកម្ពុជា ពន្យារពេលត្រឡប់មកវិញ ដោយសារជួបបញ្ហាព្យុះភ្លៀងខ្លាំងនៅចិនតៃប៉ិ