បុរសល្មោភកាម ចាប់អូសដៃក្មេងស្រីអាយុ៧ឆ្នាំ ទៅរំលោភបានសម្រេចនៅគុម្ពចេក ត្រូវឪពុកម្តាយប្តឹងតាមចាប់ខ្លួន

(ភ្នំពេញ)៖ កម្លាំងនគរបាលមូលដ្ឋានខណ្ឌច្បារអំពៅ បាននឹងកំពុងធ្វើការស្រាវជ្រាវយ៉ាងយកចិត្តទុកដាក់ ដើម្បីតាមចាប់ខ្លួន បុរសល្មោភកាមម្នាក់ក្រោយពីឪពុកម្តាយក្មេងស្រីរងគ្រោះ បានរត់ទៅប្តឹង ដោយសារជននេះ បានចាប់អូសដៃក្មេងស្រីរងគ្រោះទៅចាប់រំលោភបានសម្រេច នៅគុម្ពចេកក្រោយផ្ទះប្រជាពលរដ្ឋ នៅរសៀលថ្ងៃទី៤ ខែមិថុនា ឆ្នាំ២០១៦នេះ ស្ថិតនៅចំណុច ភូមិកោះនរា សង្កាត់និរោធ ខណ្ឌច្បារអំពៅ។

មន្រ្តីនគរបាលព្រហ្មទណ្ឌខណ្ឌច្បារអំពៅ បានឲ្យដឹងថា ជនសង្ស័យល្មោភកាមរូបនេះមានឈ្មោះ និត អាយុប្រហែល២០ឆ្នាំ មុខរបរ មិនពិតប្រាកដ ជាអ្នករស់នៅក្នុងភូមិជាមួយជនរងគ្រោះ ដោយឡែកក្មេងស្រីរងគ្រោះឈ្មោះ ផ ផ ន អាយុ ៧ឆ្នាំ មុខរបរ សិស្ស មានទីលំនៅ ផ្ទះគ្មានលេខ ក្រុម៣ ភូមិកោះនរា សង្កាត់និរោធ ខណ្ឌច្បារអំពៅ។

មន្រ្តីនគរបាលបានបញ្ជាក់ថា នៅវេលាម៉ោងង ១៥៖៤៥នាទី ក្មេងស្រីរងគ្រោះ ត្រូវបានម្តាយប្រើឲ្យទៅហៅបងប្រុសជីដូនមួយ ដែលកំពុងដើរលេងក្នុងភូមិ។ ឮដូចនេះក្មេងស្រីរងគ្រោះបានទៅដើររកបងប្រុសជីដូនមួយ ពេលបានជួបហើយក៏បបួលមកផ្ទះ តែបងប្រុសបានប្រាប់ថា ឲ្យទៅមុនទៅហើយក្មេងស្រីរងគ្រោះ ក៏មកមុន ពេលដើរបានពាក់កណ្តាលផ្លូវស្រាប់តែលេច ជនសង្ស័យខាងលើ។ ពេលនោះហើយជនសង្ស័យ បានធ្វើសកម្មភាពខ្ទប់មាត់ក្មេងស្រី ហើយអូសទៅក្នុងគុម្ពចេក (ក្រោយផ្ទះប្រជាពលរដ្ឋ)រួចធ្វើសកម្មភាពរំលោភ រហូតបានសំរេចតែម្តង។

បើតាមមន្រ្តីនគរបាល ជននេះក៏មានដីកាបង្គាប់ ឲ្យចាប់ខ្លួនពីចៅក្រមផងដែរ ពីបទរំលោភក្មេងស្រី មិនទាន់គ្រប់អាយុ នាពេលកន្លងទៅផងដែរ។

បច្ចុប្បន្ន ជនសង្ស័យខាងលើរត់គេចខ្លួនបាត់ហើយ សមត្ថកិច្ចមូលដ្ឋានកំពុងស្វែងរកចាប់ខ្លួន ជនសង្ស័យ យកមកផ្តន្ទាទោសតាមច្បាប់៕ 

ប្រភព ៖

កំណត់ហេតុខ្មែរឡូត៖

គួរបញ្ជាក់ផងដែរថា កាលពីថ្ងៃទី៣ ខែមិថុនា ឆ្នាំ២០១៦  ក្មេងស្រីអាយុ៦ឆ្នាំម្នាក់ បន្ទាប់ពីជនសង្ស័យរូបនេះ បានលួងលោមឲ្យលុយជនរងគ្រោះ រួចក៏នាំយកទៅរំលោភ នៅក្រោមដើមរាំង ដែលស្ថិតក្នុងភូមិ គោកអណ្តែត ឃុំស្អាងភ្នំ ស្រុកស្អាង ខេត្តកណ្តាល។

សមត្ថកិច្ចនគរបាលស្រុកស្អាងបានឲ្យដឹងថា ហេតុការនេះកើតឡើងនៅម៉ោង៩៖០០នាទី ថ្ងៃទី០២ ខែមិថុនា ឆ្នាំ២០១៦។ ជនរងគ្រោះមានឈ្មោះ ហ.ស.ន ភេទស្រី អាយុ៦ឆ្នាំ រស់នៅ

ភូមិគោកអណ្តែត ឃុំស្អាងភ្នំ ស្រុកស្អាង ខេត្តកណ្តាល ចំណែកឯជនសង្ស័យឈ្មោះ ច្រិច កុល ភេទប្រុស អាយុ៥៨ឆ្នាំ ជនជាតិខ្មែរ រាល់ថ្ងៃស្នាក់នៅក្នុងវត្តទួលប្រាំរយ។

សមត្ថកិច្ចដដែលបានឲ្យដឹងទៀតថា នៅថ្ងៃទី០២ ខែមិថុនា ឆ្នាំ២០១៦ វេលាម៉ោង០៩៖០០នាទីព្រឹក ឈ្មោះ ច្រិច កុល (ជនសង្ស័យ) បានលួងលោមឲ្យលុយទៅ ក្មេងស្រីជនរងគ្រោះ

និងប្អូនស្រីម្នាក់ទៀតរបស់ក្មេងស្រីរងគ្រោះ អាយុ០២ឆ្នាំ ដែលកំពុងដើរលេងក្នុងភូមិ រួចនាំអ្នកទាំងពីរដើរទៅក្រោមដើមរាំង។

ពេលទៅដល់ឈ្មោះ ច្រិច កុល បានឲ្យក្មេងស្រីរងគ្រោះ ដេកផ្ងាលើដី រួចស្រាតខោជើងវែងចង្កេះកៅស៊ូចេញ ផុតជើង ហើយជនល្មើសស្លៀកខោជើងខ្លី ពណ៌ខ្មៅ អត់ពាក់អាវ កំពុងលត់ជង្គង់ពោបពីលើជនរងគ្រោះ ពេលជាមួយគ្នានោះមានឈ្មោះ សាញ់ សៀប កំពុងដើរមកពីបឹងរាវខ្ចងវិញ ក៏បានឃើញសកម្មភាពខាងលើ ភ្លាមនោះឈ្មោះ ច្រិច កុល បានឃើញឈ្មោះ សាញ់ សៀប ក៏បញ្ឈប់សកម្មភាពរបស់ខ្លួន រួចដើរមកតាមក្រោយឈ្មោះ សាញ់ សៀប សំដៅមកវត្តទួលប្រាំរយវិញ។

ក្រោយពេលទទួលបានព័ត៌មានខាងលើ សមត្ថកិច្ចនគរបាលប៉ុស្តិ៍ស្អាងភ្នំ បានស្រាវជ្រាវនឹងឃាត់ខ្លួនឈ្មោះ ច្រិច កុល រួចបញ្ជូនមកកាន់អធិការដ្ឋាន នគរបាលស្រុកស្អាង ដើម្បីប្រមូលផ្តុំសំណុំរឿងចាត់ការតាមនីតិវិធី៕  

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

បុរសល្មោភកាម ចាប់អូសដៃក្មេងស្រីអាយុ៧ឆ្នាំ ទៅរំលោភបានសម្រេចនៅគុម្ពចេក ត្រូវឪពុកម្តាយប្តឹងតាមចាប់ខ្លួន

បុរសល្មោភកាម ចាប់អូសដៃក្មេងស្រីអាយុ៧ឆ្នាំ ទៅរំលោភបានសម្រេចនៅគុម្ពចេក ត្រូវឪពុកម្តាយប្តឹងតាមចាប់ខ្លួន

បុរសល្មោភកាម ចាប់អូសដៃក្មេងស្រីអាយុ៧ឆ្នាំ ទៅរំលោភបានសម្រេចនៅគុម្ពចេក ត្រូវឪពុកម្តាយប្តឹងតាមចាប់ខ្លួន