Alan Shearer បើក​សម្ពោធ​ផ្លូវថ្នល់​ឈ្មោះ​របស់​ខ្លួន​នៅ​ក្រុង Blackburn

លោក​Alan Shearer អតីត​ខ្សែប្រយុទ្ធ​ក្រុម​ជម្រើសជាតិ​អង់គ្លេស និង​ក្លិប Blackburn បាន​ត្រឡប់​មក​សួរសុខទុក្ខ​ក្លិប​ចាស់​របស់​ខ្លួន​ជា​ថ្មី​កាលពី​ថ្ងៃ​ទី​១៤ ធ្នូ ក្នុងអំឡុងពេល​បើក​សម្ពោធ​ផ្លូវ​Alan Shearer Way ជា​ឈ្មោះ​របស់​ខ្លួន​។

លោក​Alan Shearer បាន​បង្ហើប​ឱ្យ​ដឹង​តាម​ប្រព័ន្ធ​វេ​ប​សាយ​ផ្លូវការ​របស់​ក្លិប​ថា​៖ «​ខ្ញុំ​មាន​កិត្តិយស​បំផុត​ដែល​ផ្លូវ​ដាក់​ឈ្មោះ​ខ្ញុំ ។ ខ្ញុំ​មិន​ដែល​គិត​រឿង​នេះ​ទេ​តាំងពី​ខ្ញុំ​ចូល​លេង​ឱ្យ​ក្លិប​នៅ​ឆ្នាំ​១៩៩២ ក្នុង​ប្រឺ​មី​ញេ​លី​ក ប៉ុន្តែ​វា​បាន​កើតឡើង ហើយ​ពេល​នេះ ខ្ញុំ​ពិតជា​រីករាយ​ខ្លាំង​ណាស់ និង​សង្ឃឹមថា ក្លិប Blackburn នឹង​មាន​លទ្ធផល​ប្រកួត​កាន់តែ​ប្រសើរ​ឡើង​» ។