ខ្លាំង​ណាស់ ! ហែក​ជញ្ជាំង​បន្ទប់​ចូល​ចាក់​គូទំនាស់​ទាំង​យប់

ខេត្តកណ្ដាល ៖ ស្ត្រី​ចិត្ត​ស្លុយ​ម្នាក់​ផ្ដើម​ចេញពី​គំនុំ និង​ទំនាស់​ពាក្យ​សំដី​គ្នា​ កាលពីមុន​បាន​លួច​ហែក​ជញ្ជាំង​បន្ទប់​ជួល​ ចូល​ទៅ​ចាក់​ស្ត្រី​គូទំនាស់​របស់​ខ្លួន​ ចំនួន​៣​កាំបិត​ចុង​ស្រួច​បណ្ដាល​ឱ្យ​រង​របួសធ្ងន់​ កាលពី​វេលា​ម៉ោង​ ២​ទៀប​ភ្លឺ​ឈាន​ចូល​ថ្ងៃ​ទី​១២ ខែមិថុនា ឆ្នាំ​២០១៦ នៅ​ចំណុច​ក្នុង​បន្ទប់​ផ្ទះ​ជួល​ ក្នុងភូមិ​ព្រែក​តា​ព្រីង ឃុំ​សិ​ត្បូ ស្រុក​ស្អាង ខេត្តកណ្ដាល ។

មន្ត្រី​នគរបាល​ស្រុក​ស្អាង​បាន​ប្រាប់​ឱ្យ​ដឹង​ថា ស្ត្រី​សង្ស័យ​ត្រូវ​បាន​ចាប់ខ្លួន​ឈ្មោះ ង៉ែត បូ​លី​ស អាយុ​២៧​ឆ្នាំ ជនជាតិ​ខ្មែរ មុខរបរ​កម្មករ​រោងចក្រ មាន​ទីលំនៅ​ភូមិ​ត្នោត​ញី ឃុំ​ខ្ពប ស្រុក​ស្អាង ខេត្តកណ្ដាល និង​ដកហូត​បាន​វត្ថុ​តាង​មានកូន​កាំបិត​ចិត្តបន្លែ​ ដង​ឈើ​ប្រវែង​២២.៥​សង្ទីម៉ែត្រ​១ មាន​ប្រឡាក់​ឈាម​ទៀត​ផង ។ ចំណែក​ស្ត្រី​រង​គ្រោះ​ឈ្មោះ ញ៉ឹក ស្រី​អូន អាយុ​២៨​ឆ្នាំ ជនជាតិ​ខ្មែរ មុខរបរ​កម្មករ​រោងចក្រ មាន​ទីលំនៅ​ភូមិ​ពោធិ៍​រោង ឃុំ​ព្រះបាទ​ជាន់ជុំ ស្រុក​គី​រី​វង់ ខេត្តតាកែវ នាងមាន​ស្នាម​របួស​​ត្រង់​ពោះ​២​កន្លែង ភ្លៅ​១​កន្លែង ត្រូវ​បាន​គេ​បញ្ជូន​ទៅ​សម្រាក​ព្យាបាល​ នៅ​មន្ទីរពេទ្យ​ជ​យ័​ជំនះ ក្រុង​តា​ខ្មៅ ។

នគរបាល​បានឱ្យ​ដឹង​បន្ថែម​ទៀត​ថា កាលពី​វេលា​ម៉ោង​២​ទៀប​ភ្លឺ​ថ្ងៃ​ទី​១២​មិថុនា ស្ត្រី​សង្ស័យ​ឈ្មោះ ង៉ែត បូ​លី​ស បាន​ហែក​ជញ្ជាំង​បន្ទប់​ស្ត្រី​រង​គ្រោះ​ ដែល​ធ្វើ​ពី​ក្ដារ​កុង​ផ្លា​កកេ​ចូល​ទៅ​ចាក់​ស្ត្រី​រង​គ្រោះ​ ៣​កាំបិត ត្រង់​ពោះ​២​កាំបិត និង​ភ្លៅ​១​កាំបិត ខណៈ​ពេល​ស្ត្រី​រង​គ្រោះ​កំពុង​ដេក​លក់​ នៅ​គ្រែ​ជាមួយ​ស្ត្រី​ម្នាក់​ផ្សេង​ទៀត ។ ភ្លាម​នោះ​ក៏​ផ្អើល​ឆោឡោ​នាំ​គ្នា​ ចាប់​បាន​ស្ត្រី​សង្ស័យ​ នៅ​ក្នុង​បន្ទប់​កើតហេតុ ហើយ​រាយការណ៍​មក​សមត្ថកិច្ច​នគរបាល​ឱ្យ​ឃាត់ខ្លួន​ បញ្ជូន​មក​អធិការដ្ឋាន​នគរបាល​ស្រុក​ស្អាង ដើម្បី​ធ្វើការ​សាកសួរ ។

នៅ​ចំពោះ​មុខ​សមត្ថកិច្ច ស្ត្រី​សង្ស័យ​ឈ្មោះ ង៉ែត បូ​លី​ស បាន​សារភាព​ថា ខ្លួន​ពិតជា​បាន​ចាក់​ឈ្មោះ ញ៉ឹ​ក ស្រី​អូន ប្រាកដ​មែន ដោយ​មាន​គំនុំ​ ព្រោះ​ពី​មុនបាន​ទំនាស់​ពាក្យ​សំដី​គ្នា​រឿង​ជំពាក់​លុយ ៕

ប្រភព ៖

កំណត់ហេតុខ្មែរឡូត៖

គួររំលឹកដែរថា ករណីស្រដៀងគ្នានេះដែរ ក្រោយកើតជម្លោះ នៅក្នុងគ្រួសារ នាយប់ថ្ងៃទី៧ ខែមិថុនា ឆ្នាំ២០១៦នេះ ស្ថិតនៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ។

សមត្ថកិច្ចមូលដ្ឋាន បានប្រាប់ភ្នាក់ងារ Fresh News ថា ជនរងគ្រោះឈ្មោះ ច្រេង សុភា អាយុ៣៦ឆ្នាំ រីឯប្រពន្ធមិនទាន់អត្តសញ្ញាណនៅឡើយទេ ហើយបានរត់គេចខ្លួនបាត់ ហើយប្តីត្រូវបានក្រុម៧១១ របស់កងពលលេខ៧០ ចុះទៅជួយអន្តរាគមន៍ ដឹកយកទៅសង្គ្រោះភ្លាមៗផងដែរ។

បើតាមសមត្ថកិច្ច មុនពេលកើតហេតុ ជនរងគ្រោះជាអ្នករត់ម៉ូតូឌុប ហើយរាល់ដងតែងតែចូលផ្ទះ នៅយប់ជ្រៅ តែថ្ងៃនេះចូលផ្ទះពីក្បាលព្រលប់ ស្រាប់តែមកដល់ផ្ទះមិនឃើញមានបាយសម្ល ទើបនាំឲ្យកើតជម្លោះ រហូតវាយតប់គ្នា។ ពេលកំពុងឈ្លោះប្រកែកគ្នា និងវាយគ្នានោះ ស្រាប់ប្រពន្ធ បានយកកាំបិតចុងស្រួចចាក់ចំដោះ ប្តីខាងឆ្វេង បណ្តាលហូរឈាម យ៉ាងខ្លាំងតែម្តង៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ខ្លាំង​ណាស់ ! ហែក​ជញ្ជាំង​បន្ទប់​ចូល​ចាក់​គូទំនាស់​ទាំង​យប់

ខ្លាំង​ណាស់ ! ហែក​ជញ្ជាំង​បន្ទប់​ចូល​ចាក់​គូទំនាស់​ទាំង​យប់

ខ្លាំង​ណាស់ ! ហែក​ជញ្ជាំង​បន្ទប់​ចូល​ចាក់​គូទំនាស់​ទាំង​យប់