ឧស្សាហ៍​ឈឺក្បាល កើតមុន រមួល​ក្រពើ ប្រេះ​ក្រចក និង​សក់​ស្ងួត​ដឹងថា​មក​ពី​ហេតុអ្វី​ទេ​?

ប្រជាជនអាមេរិកប្រមាណជាង ៧៥ភាគរយហើយដែលមានបញ្ហាកង្វះជាតិម៉ាញ៉េស្យូម ប៉ុន្តែពួកគេមិនបានដឹងអំពីរឿងនេះទេ។ ម៉ាញ៉េស្យូមគឺជាជាតិរ៉ែដ៏សំខាន់ដែលមានតួនាទីក្នុងការបំពេញមុខងារ យ៉ាងល្អក្នុងខួរក្បាល សរសៃប្រសាទ និងសាច់ដុំ។ ជាមួយគ្នានេះដែរ វាក៏ជួយបំបាត់ការឈឺក្បាល និងគេងលក់ស្រួលនៅពេលយប់។ បើសិនជាអ្នកកង្វះជាតិម៉ាញ៉េស្យូម អ្នកគួរតែញ៉ាំស្ពៃក្តោបឱ្យបានច្រើន។

កើតមុនបណ្តាលមកពីកង្វះជាតិស័ង្គសី
ជំងឺមុនអាចជាសញ្ញាមួយនៃអាការៈកង្វះជាតិស័ង្គសី។ ស័ង្គសីដើរតួនាទីដ៏សំខាន់ចំពោះសុខភាពស្បែក និងជួយសម្របសម្រួលដល់ការបញ្ចេញជាតិសេបូមលើស្បែក។ ចូរប្រើថ្នាំជាតិស័ង្គសី ៣០មីលីក្រាមរាល់ថ្ងៃដើម្បីបំបាត់បញ្ហាកើតមុន និងពង្រឹងដល់ភាពស្រស់ស្អាតរបស់ស្បែក។ គ្រាប់ល្ពៅគឺជាប្រភពដ៏អស្ចារ្យមួយនៃជាតិស័ង្គសី។

ក្រចកផុយ និងសក់ស្ងួត បណ្តាលមកពីកង្វះវីតាមីន B7
វីតាមីន B7 ឬហៅថា Biotin គឺជាជីវជាតិដ៏សំខាន់មួយសម្រាប់ធ្វើឱ្យសរសៃសក់ និងក្រចករឹងមាំ។ ការកង្វះជីវជាតិមួយនេះកម្រនឹងកើតមានណាស់ តែនៅពេលកើតមានវិញ វានឹងធ្វើឱ្យជ្រុះសក់ សក់ស្ងួត និងផុយក្រចកបាន។ ចូរញ៉ាំអាហារណាដែលសម្បូរវីតាមីន B7 ដើម្បីពង្រឹងដល់សុខភាពក្រចក និងសក់វិញ។

ខ្សោយមានភាពទន់ខ្សោយដោយសារកង្វះជាតិដែក
ជាតិដែកជាអ្នកជួយបង្កើតកោសិកាគ្រាប់ឈាមក្រហមដែលអាច ដឹកនាំអុកស៊ីសែនទៅចិញ្ចឹមរាងកាយបាន។ បើសិនជាអ្នកធ្លាប់មានបញ្ហាជ្រុះសក់ភ្លាមៗ ឬស្បែកបែរជាស្តើងខុសធម្មតានោះ វាអាចបញ្ជាក់ថាអ្នកមានបញ្ហាកង្វះជាតិដែកហើយ។ ចូរញ៉ាំអាហារសម្បូរជាតិដែកឱ្យបានច្រើន។

ហើមស្បែកអាចបញ្ជាក់ថាកង្វះជាតិអាស៊ីតខ្លាញ់
បើសិនជាអ្នកសម្គាល់ឃើញមានស្នាមហើមតូចៗពណ៌សលើម្រាមដៃ និងកដៃនោះ វាអាចបញ្ជាក់ថា អ្នកកង្វះជាតិអាស៊ិតខ្លាញ់ក្នុងរាងកាយហើយ។ ដូច្នេះហើយ អ្នកគួរតែញ៉ាំអាហារដែលសម្បូរជាតិខ្លាញ់អាស៊ីតអូមេហ្គាបីឱ្យបាន ច្រើនដូចជា ត្រី អាហារសមុទ្រ និងគ្រាប់ធញ្ញជាតិ៕

ប្រភព៖ whatsupkhmer

  • ឧស្សាហ៍​ឈឺក្បាល កើតមុន រមួល​ក្រពើ ប្រេះ​ក្រចក និង​សក់​ស្ងួត​ដឹងថា​មក​ពី​ហេតុអ្វី​ទេ​?已关闭评论
  • 5 views
  • Hide Sidebar
    A+
Publish on:2016/06/14  Category:សុខភាព
Tags: