ព័រទុយហ្គាល់ បានត្រឹមស្មើជាមួយ អាយឡេន ខណៈ ហុងគ្រី បង្កភាពភ្ញាក់ផ្អើល ក្នុងព្រឹត្តការណ៍ EURO 2016 (មានវីដេអូ)

បារាំង៖ លទ្ធផលនៃការប្រកួត EURO ដែលអ្នកគាំទ្រគ្រប់គ្នានឹកស្មានមិនដល់កាលពីយប់មិញនោះគឺ ព័រទុយហ្គាល់ ដែលមាន Ronaldo ជាតារាឆ្នើមរបស់ក្រុម បានត្រឹមស្មើជាមួយ ក្រុមជម្រើសជាតិ អាយឡេន ១-១ ប៉ុណ្ណោះ ។

នេះជាការខកចិត្តមួយរបស់ ព័រទុយហ្កាល់ ខណៈដែលនេះជាការប្រកួតដំបូង នៅ EURO របស់ក្រុមជម្រើសជាតិ អាយឡេន ដែលជាប្រទេសដែលមានប្រជាជនប្រមាណ ៣៣០,០០០ នាក់ប៉ុណ្ណោះ។

ការប្រកួតពានរង្វាន់ទ្វីបអ៊ឺរ៉ុប EURO 2016 វគ្គជម្រុះក្នុងពូល បានកន្លងផុតមួយជុំហើយ ដែលការពីយប់មិញ ជាការប្រកួតក្នុងពូល F គឺ ព័រទុយហ្កាល់ បានត្រឹមស្មើគ្នា ១-១ ជាមួយ អាយឡេន ដែលគ្រាប់ទីមួយរបស់ ព័រទុយហ្កាល់នោះ ធ្វើឡើងដោយអតីតកីឡាកររបស់ក្លិប Manchester United គឺ Luis Nani ស៊ុតបញ្ចូលទីនៅនាទី ៣១ ដែលធ្វើឲ្យព័រទុយហ្គាល់នាំមុខមុន។ ចូលដល់តង់ទីពីរ ទើបតែបាន ៥នាទី កីឡាករ Birkir Bjarnason ជួយឲ្យ អាយឡេន បានវាយបកយកស្មើវិញ នៅនាទី៥០ ដែលលទ្ធផលនេះអូសបន្លាយរហូតដល់បញ្ចប់ការប្រកួត ។

Ronaldo ដែលជាកីឡាករឆ្នើមនោះ ត្រូវបានអ្នកគាំទ្ររំពឹងថា នឹងបានស៊ុតចូលច្រើនគ្រាប់ ប៉ុន្តែផ្ទុយទៅវិញ អ្វីៗខុសពីការរំពឹងទុក ថែមទាំងមិនបានជួយក្រុមឲ្យទទួលបាននូវជ័យជំនះទៀតផង ។

ចំនែកឯមួយគូទៀត ក្នុងពូលF ក្រុមជម្រើសជាតិ ហុងគ្រី បង្កភាពភ្ញាក់ផ្អើលដល់អ្នកគាំទ្រ ដោយបានយកឈ្នះ ក្រុមជម្រើសជាតិ អូទ្រីស ក្នុងលទ្ធផល ២-០ ឡើងឈរលើកំពូលតារាងបណ្តោះអាសន្ន ដែលក្នុងនោះ កីឡាកររបស់ក្រុមជម្រើសជាតិ អូទ្រីស ទទួលរងពិន័យនូវកាតក្រហម ដែលធ្វើឲ្យ ហុងគ្រី មានឱកាសយកជ័យជំនះបាន៕

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ព័រទុយហ្គាល់ បានត្រឹមស្មើជាមួយ អាយឡេន ខណៈ ហុងគ្រី បង្កភាពភ្ញាក់ផ្អើល ក្នុងព្រឹត្តការណ៍ EURO 2016 (មានវីដេអូ)

ព័រទុយហ្គាល់ បានត្រឹមស្មើជាមួយ អាយឡេន ខណៈ ហុងគ្រី បង្កភាពភ្ញាក់ផ្អើល ក្នុងព្រឹត្តការណ៍ EURO 2016 (មានវីដេអូ)

ព័រទុយហ្គាល់ បានត្រឹមស្មើជាមួយ អាយឡេន ខណៈ ហុងគ្រី បង្កភាពភ្ញាក់ផ្អើល ក្នុងព្រឹត្តការណ៍ EURO 2016 (មានវីដេអូ)

ព័រទុយហ្គាល់ បានត្រឹមស្មើជាមួយ អាយឡេន ខណៈ ហុងគ្រី បង្កភាពភ្ញាក់ផ្អើល ក្នុងព្រឹត្តការណ៍ EURO 2016 (មានវីដេអូ)