ខ្យល់កន្រ្តាក់នៅខេត្តបន្ទាយ​មានជ័យ បំផ្លាញផ្ទះអ្នក​ស្រុក៧០ខ្នង, កម្លាំង​នគរបាល និងយោធា ចុះទៅជួសជុល

(បន្ទាយមានជ័យ)៖ បាតុភូតធម្មជាតិខ្យល់លាយភ្លៀងខ្លាំងដែលហៅថា ខ្យល់កន្រ្តាក់នោះ បានបណ្តាលឲ្យប៉ះពាល់ និងបំផ្លាញផ្ទះប្រជាពលរដ្ឋ ចំនួន៧០ខ្នង ស្ថិតនៅស្រុកអូរជ្រៅ ស្រុកស្វាយចេក និងស្រុកថ្មពួក ដែលបានកើតឡើងនៅល្ងាចថ្ងៃទី២០ ខែមិថុនា ឆ្នាំ២០១៦ ប៉ុន្តែសម្រាប់គ្រោះធម្មជាតិមួយនេះ មិនមានសេចក្តីរាយការណ៍ ពីគ្រោះថ្នាក់ដល់ប្រជាពលរដ្ឋណាម្នាក់នោះទេ។

ស្នងការនគរបាលខេត្តបន្ទាយមានជ័យ លោកឧត្តមសេនីយ៍ត្រី អាត់ ខែម បានឲ្យដឹងថា បាតុភូតខ្យល់កន្រ្តាក់នៅល្ងាចម្សិលមិញនោះ បានធ្វើឲ្យប៉ះពាល់ដល់ផ្ទះប្រជាពលរដ្ឋចំនួន៣ខ្នង នៅឃុំសឹង្ហ និងឃុំចង្ហា របស់ស្រុកអូរជ្រៅ ព្រមទាំងដំបូលជង្រុកស្រូវមួយផងដែរ។ ដោយឡែកនៅស្រុកស្វាយចេកវិញ បានធ្វើឲ្យប៉ះពាល់ដល់ផ្ទះចំនួន៧ខ្នង ស្ថិតនៅឃុំស្លក្រាម និងដំបូលសាលារៀនផងដែរ។

លោកស្នងការបានបញ្ជាក់ទៀតថា នៅឯស្រុកថ្មពួកឯណោះវិញ គឺមានផ្ទះប្រជាពលរដ្ឋ ច្រើនជាងគេ ដែលរងផលប៉ះពាល់ រហូតដល់៦០ខ្នង ក្នុងនោះ១៥ខ្នង រងការខូចខាតធ្ងន់ធ្ងរជាងគេ ដែលបានកើតឡើងនៅឃុំគោករមៀត។

សម្រាប់គ្រោះមហន្តរាយដែលបានកើតឡើងទៅលើផ្ទះប្រជាពលរដ្ឋទាំង៧០ខ្នងនេះ ត្រូវបានលោកស្នងការ បញ្ជាក់ថា នៅថ្ងៃទី២០ ខែមិថុនា និងបន្តនៅថ្ងៃស្អែក កម្លាំងនគរបាលរបស់លោក បានចុះទៅជួយរុះរើ និងជួយជួសជុលផ្ទះដែលរងការខូចខាតឡើងវិញភ្លាមៗ ដោយមានការចូលរួមពីកម្លាំងនគរបាលតាមស្រុក កម្លាំងនគរបាលវរ:៨០៧ សហការជាមួយកម្លាំងយោធាផងដែរ សរុបជាង១០០នាក់។

លោកឧត្តមសេនីយ៍ទោ អាត់ ខែម បានបញ្ជាក់ថា «ក្រោយហេតុការណ៍នេះកើតឡើងភ្លាម លោកឧបនាយករដ្ឋមន្រ្តី កែ គឹមយ៉ាន បានបញ្ជាមកភ្លាម ធ្វើយ៉ាងណាចុះទៅជួយជួសជុលផ្ទះ ជូនប្រជាពលរដ្ឋឡើងវិញ ព្រមទាំងលោកបានជួយឧបត្ថម្ភសង្ក័សី ចំនួន១០០០សន្លឹកផងដែរ សម្រាប់ការងារមួយនេះ»។ 

ប្រភព ៖

កំណត់ហេតុខ្មែរឡូត៖

ជុំវិញខ្យល់កន្រ្តាក់នេះដែរ នៅឯ ឆ្នាំ២០១៦ នៅភូមិក្រញូងសែនជ័យឃុំឃ្សឹម និងឃុំ២ធ្នូ ស្រុកស្នួលខេត្តក្រចេះ។

នាយករដ្ឋបាលសាលាស្រុកស្នួល លោក អ៊ូ ដានីបានឲ្យដឹងថា ការខូចខាតនោះរួមមាន វត្តសម្រងស្រែស្រាយ របេីកដំបូលសាលាឆាន់ទាំងស្រុង ហើយបន្ទុប់អនាមយ័ខូចទាំងស្រុង ព្រះវិហាររបេីកដំបូលសាលារៀនក្នុងវត្ត១ខ្នង ខូចខាតទាំងស្រុងនិងមនុស្សម្នាក់រងរួបជេីងខាងស្ដាំ ខណ:ផ្ទះប្រជាពលរដ្ឋនៅឃុំឃ្សឹមចំនួន៤០ខ្នង ក្នុងនោះ១២ខ្នងរងការខូចខាតទាំងស្រុង ឃុំ២ធ្នូចំនួន១៧ខ្នងរបេីកដំបូលនិងម្រេចចំនួន១៩៥០ជន្លង់។

លោកនាយករដ្ឋបាលបានបន្ដទៀតថា ក្រោយពេលបាតុភូតនេះ កេីតឡេីងអាជ្ញាធរស្រុក ក្រោមការបញ្ជាផ្ទាល់អភិបាលស្រុក គឹម គន់នី បាននឹងកំពុងចុះទៅត្រួតពិនិត្យដេីម្បីជួយសង្រ្គោះពួកគាត់ហើយសាខាកាកបាតក្រហមខេត្តក្រចេះកំពុងត្រៀមចុះទៅជួយពួកគាត់ផងដែរ។  

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ខ្យល់កន្រ្តាក់នៅខេត្តបន្ទាយ​មានជ័យ បំផ្លាញផ្ទះអ្នក​ស្រុក៧០ខ្នង, កម្លាំង​នគរបាល និងយោធា ចុះទៅជួសជុល

ខ្យល់កន្រ្តាក់នៅខេត្តបន្ទាយ​មានជ័យ បំផ្លាញផ្ទះអ្នក​ស្រុក៧០ខ្នង, កម្លាំង​នគរបាល និងយោធា ចុះទៅជួសជុល

ខ្យល់កន្រ្តាក់នៅខេត្តបន្ទាយ​មានជ័យ បំផ្លាញផ្ទះអ្នក​ស្រុក៧០ខ្នង, កម្លាំង​នគរបាល និងយោធា ចុះទៅជួសជុល

ខ្យល់កន្រ្តាក់នៅខេត្តបន្ទាយ​មានជ័យ បំផ្លាញផ្ទះអ្នក​ស្រុក៧០ខ្នង, កម្លាំង​នគរបាល និងយោធា ចុះទៅជួសជុល

ខ្យល់កន្រ្តាក់នៅខេត្តបន្ទាយ​មានជ័យ បំផ្លាញផ្ទះអ្នក​ស្រុក៧០ខ្នង, កម្លាំង​នគរបាល និងយោធា ចុះទៅជួសជុល