ទន្លេ​វែង​ជាងគេ​ចំនួន​10​ក្នុង​ពិភពលោក

កោះសន្តិភាព​សូម​បង្ហាញ​ជូន​ទន្លេ​វែង​ជាងគេ​ក្នុង​លោក​ចំនួន​១០ យោង​តាម​គេហទំព័រ​បរទេស InfoPlease ៖

១-​ទន្លេ Nile
Nile ស្ថិត​នៅ​ភាគ​ឦសាន​ប្រទេស​អាហ្វ្រិក​ជា​ទូទៅ​ត្រូវ​បាន​គេ​ចាត់ទុកជា​ទន្លេ​វែង​ជាងគេ​ក្នុង​លោក ។ ទន្លេ Nile មាន​ប្រវែង​បណ្តោយ​៦.៨៥៣​គីឡូម៉ែត្រ និង​ទទឹង​២,៨ គីឡូម៉ែត្រ ហើយ​វា​គឺជា​ទន្លេ​លំដាប់ថ្នាក់​អន្តរជាតិ​ដែល​ប្រភព​ទឹក​របស់​វា​ហូរ​កាត់​ប្រទេស​ចំនួន​១១​ប្រទេស​តង់​សានី អូ​ហ្គ​ង់​ដា ប៊ូ​រុន​ឌី កេ​ន​យ៉ា អេ​ហ្ស៊ី​ប ស៊ូដង់ សូ​ដង់​ខាងត្បូង អេ​ត្យូ​ពី អេ​រី​ត្រេ រ​វ៉ា​ន់​ដា និង​សាធារណរដ្ឋ​ប្រជាធិបតេយ្យ​កុង​ហ្គោ ។

ទន្លេ Nile គឺជា​ប្រភព​ទឹក​បឋម​របស់​ប្រទេស​អេ​ហ្ស៊ី​ប និង​ប្រទេស​សូ​ដង់ ។ Nile មាន​ដៃទន្លេ ធំ​ៗ​សំខាន់​ចំនួន​ពីរ គឺ​ដៃទន្លេ​ស និង​ដៃទន្លេ​ខៀវ ។

២-​ទន្លេ Amazon
ទន្លេ Amazon គឺជា​ទន្លេធំ​ជាងគេ​នៅ​ទ្វីបអាមេរិក​ខាងត្បូង ។ Amazon មាន​ប្រវែង​បណ្តោយ​៦.៤០០​គីឡូម៉ែត្រ​ជា​ទន្លេ​វែង​ជាងគេ​លំដាប់​ទី​២ ក្នុង​លោក​បន្ទាប់​ពី​ទន្លេ​Nile ។
ទន្លេ Amazon ហូរ​កាត់​ប្រទេស​ប្រ​ស៊ី​ល កូ​ឡុំ​ប៊ី ប៉េ​រូ និង​ប្រទេស​អេក្វាទ័រ ហើយ​វា​តំណាង​ឱ្យ​ប្រភព​ទឹក​ប្រមាណ​ជា ២០% ទៅ​កាន់​មហាសមុទ្រ ។

៣-​ទន្លេ Mississippi
Mississippi គឺជា​ទន្លេ​នៃ​ប្រព័ន្ធ​បង្ហូរ​ទឹកធំ​ជាងគេ​ក្នុង​ទ្វីបអាមេរិក​ខាងជើង វា​ហូរ​កាត់​រដ្ឋ​ចំនួន​១០ របស់​សហរដ្ឋអាមេរិក​គឺ​រដ្ឋ Minnesota, Wisconsin, Iowa, Illinois, Missouri, Kentucky, Tennessee, Arkansas, Mississippi និង​រដ្ឋ Louisiana ។

ទន្លេ Amazon មាន​ប្រវែង​បណ្តោយ​៣.៧៣៤​គីឡូម៉ែត្រ ។

៤-​ទន្លេ Yangtze
ទន្លេ Yangtze ដែល​អ្នកស្រុក​ចិន​តែងតែ​ហៅ​ថា «​ទន្លេ Cháng Jiāng» គឺជា​ទន្លេ​វែង​ជាងគេ​នៅ​អាស៊ី ហូរ​កាត់​១​ភាគ​៥​នៃ​ផ្ទៃដី​របស់​ប្រទេស​ចិន ។ អាង​ទន្លេ​នេះ​គឺជា​ទីជម្រក​១​ភាគ​៣​នៃ​ប្រជាជន​របស់​ប្រទេស ។

ទន្លេ Yangtze មាន​ប្រវែង​បណ្តោយ ៦៣០០​គីឡូម៉ែត្រ បាន​ដើ​តួរ​នាទី​យ៉ាង​សំខាន់​ក្នុង​ប្រវត្តិសាស្ត្រ វប្បធម៌ និង​សេដ្ឋកិច្ច​របស់​ប្រទេស​ចិន ។

៥-​ទន្លេ Ob
Ob គឺជា​ទន្លេ​សំខាន់​ក្នុង​តំបន់​ស៊ី​បេ​រី​យ៉ា​ប្រទេស​រុ​ស្ស៊ី និង​ជា​ទន្លេ​វែង​ជាងគេ​ទី ៧​ក្នុង​លោក ។ វា​មាន​ប្រវែង​បណ្តោយ​៣៦៥០​គីឡូម៉ែត្រ និង​តំបន់​អាង​ស្តុក​ទឹក​ទំហំ​២.៩៧២ លាន​គីឡូ​ម៉ែត្រការ៉េ ។

ទន្លេ Ob Altai Krai, Novosibirsk Oblast, Tomsk Oblast, Khanty–Mansi Autonomous Okrug  និង​តំបន់ Yamalia ។

៦-​ទន្លេ​លឿង
ទន្លេ​លឿង ឬ​ទន្លេ Huang ho គឺជា​ទន្លេធំ​ជាងគេ​ទី​៣ នៅ​អាស៊ី​បន្ទាប់​ពី​ទន្លេ​យ៉ង់​សេ និង​ទន្លេ Yenisei រុ​ស្ស៊ី ។ ទន្លេ​លឿង​ជា​ទន្លេ​វែង​ជាងគេ​ទី ៦​ក្នុង​លោក​ដែល​មាន​ប្រវែង​បណ្តោយ​ប្រមាណ​ជា​៥.៤៦៤​គីឡូម៉ែត្រ ។

ទន្លេ​លឿង​បាន​ហូរ​កាត់​ខេត្ត Qinghai, Sichuan, Gansu, Ningxia, Inner Mongolia, Shaanxi, Shanxi, Henan និង​ខេត្ត Shandong​។

៧-​ទន្លេ  Yenisei
ទន្លេ Yenisei គឺជា​ប្រព័ន្ធ​ទន្លេធំ​ជាងគេ​ហូរ​កាត់​ទៅ​កាន់​មហាសមុទ្រ​អាក់​ទិ​ក ។ វា​មាន​ប្រវែង​៣.៤៨៧​គីឡូម៉ែត្រ និង​មាន​ជម្រៅ​អប្បរ​មា​២៤​ម៉ែត្រ ។ ជម្រៅ​គិត​ជា​មធ្យម ១៤ ម៉ែត្រ ។

ទន្លេ Yenisei ហូរ​កាត់​ប្រទេស​ម៉ុង​ហ្គោ​លី និង​ប្រទេស​រុ​ស្ស៊ី ព្រមទាំង​តំបន់​មួយ​ចំនួន ទៀត​ដូច​ជា​តំបន់ Tyva, Krasnoyarsk Krai, Khakassia, Irkutsk Oblast, Buryatia និង​តំបន់ Zabaykalsky Krai ។

៨-​ទន្លេ Parana
ទន្លេ Parana គឺជា​ទន្លេ​ស្ថិត​នៅ​នៅ​អា​មេ​រិ​ក​ខាងត្បូង​ដោយ​ហូរ​កាត់​ប្រទេស​ប្រេ​ស៊ី​ល​, ប៉ា​រ៉ា​ហ្កា​យ និង​ប្រទេស​អា​ហ្ស​ង់​ទី​ន ។ វា​មាន​ប្រវែង ៤៨៨០​គីឡូម៉ែត្រ ។ 

៩-​ទន្លេ Irtish
ទន្លេ Irtish គឺជា​ទន្លេ​ក្នុង​ប្រទេស​រុ​ស្ស៊ី ចិន និង​ប្រទេស​កា​ហ្ស៊ា​ក់​ស្ថាន ។ វា​គឺជា​ដៃទន្លេ​ធំ​របស់​ទន្លេ Ob ។ តំបន់​ក្បាលទឹក​របស់​ទន្លេ Irtish មាន​ប្រភព​ពី​ភ្នំ​អាល់​តា​យ លើ​ព្រំដែន​ប្រទេស​ចិន និង​ប្រទេស​ម៉ុង​ហ្គោ​លី ។ វា​មាន​ប្រវែង ៤.២៤៨ គីឡូម៉ែត្រ ។

១០-​ទន្លេ Congo
ទន្លេ Congo  ឬ​ទន្លេ Zaire River ស្ថិត​ក្នុង​ទ្វីបអាហ្វ្រិក​ដែល​មាន​ប្រវែង​បណ្តោយ​ប្រមាណ​ជា​៤.៧០០​គីឡូម៉ែត្រ ៕