អាកាសធាតុ​ក្តៅ​ខ្លាំង​ បណ្តាល​ឱ្យ​​​ឆេះ​គំនរ​សំរាម​នៅ​ថៃ​ក្បែរ​ព្រំដែន​ខ្មែរ

គំនរ​សំរាម​ដ៏ធំ​មួយ ស្ថិត​ក្នុងស្រុក Kabin Buri ខេត្ត​ប្រូ​ចាន់​បូ​រី​ជាប់​ខេត្ត​ស្រះ​កែវ​ក្បែរ​ព្រំដែន​ខ្មែរ​ប៉ោយ​ប៉ែ​ត ខេត្តបន្ទាយមានជ័យ បាន​ត្រូវ​ភ្លើង​ឆេះ​បំផ្លាញ​កាលពី​ព្រលប់​ថ្ងៃ​ទី ១៩ មេ​សា ២០១៦ ។

ក្រុម​ពន្លត់​អគ្គិភ័យ​បាន​បាញ់​ទឹក​ ដើម្បី​ទប់ទល់​ភ្លើង​កុំ​ឲ្យ​វា​រីក​រាលដាល​ស្រប​ពេល​ពួក​គេ​រង់ចាំ​ឧបករណ៍​បន្ថែម​មក​ដល់​។

បើ​តាម​លោក Kumpol Srimethakul មន្ត្រី​ស្រុក Kabin Buri បាន​និយាយ​ថា អគ្គិភ័យ​នេះ​ បណ្តាល​ឲ្យ​ឆេះ​ទំហំ​២០​រ៉ៃ ស្មើនឹង​ជាង​៣​ម៉ឺន​ម៉ែត្រការ៉េ និង​ថា​អគ្គិភ័យ​នេះ បណ្ដាល​មក​ពី​អាកាសធាតុ​ក្ដៅ​ហួតហែង​ខ្លាំង​ពេក ៕