ឆ័យ លីដាឡែន ប្រាប់​គម្រោង​ឡើង​ផ្ទះ​ថ្មី​ក្រោយ​ត្រឡប់​ពី​អាមេរិក

តាម​រយៈ​សារ​ឆ្លងឆ្លើយ ឆ័យ លីដាឡែន បាន​ប្រាប់ Sabay ពី​អាមេរិក​ថា នាង​គ្រោង​ធ្វើ​ពិធី​ឡើង​គេហដ្ឋាន​ថ្មី​ពេល​ត្រឡប់​មក​ប្រទេស​កម្ពុជា​វិញ។

 

ឆ័យ លីដាឡែន ប្រាប់​គម្រោង​ឡើង​ផ្ទះ​ថ្មី​ក្រោយ​ត្រឡប់​ពី​អាមេរិក

 

“ផ្ទះ​ហ្នឹង​ខ្ញុំ​ទិញ​តាំង​ពី​បុក​គ្រឹះ​ដំបូង​ម៉េ្លះ កាល​នោះ​ដូច​តម្លៃ​ជា​ជិត ១០​ម៉ឺន​ដុល្លារ​ដែរ ប៉ុន្តែ​ឥឡូវ​វា​ឡើង​ហើយ”។ ដាឡែន ថ្លែង​នៅ​ព្រឹក​នេះ។ តារា​ចម្រៀង និង​សម្ដែង​រូប​នេះ​បន្ត​ថា ផ្ទះ​ថ្មី​របស់​នាង​ទិញ​នៅ​ម្ដុំ​ច្បារ​អំពៅ។ រហូត​មក​ដល់​ពេល​នេះ ដាឡែន មិន​ទាន់​កំណត់​នៅ​ឡើយ​ទេ​ថា ត្រូវ​ធ្វើ​ពិធី​ជប់លៀង​គេហដ្ឋាន​ថ្មី​ប៉ុណ្ណា​នោះ ដោយ​រង់ចាំ​មក​ដល់​ស្រុក​កំណើត​វិញ​នៅ​ដើម​ខែ​ក្រោយ ហើយ​ពិភាក្សា​ជាមួយ​ប្ដី​បន្ថែម។

 

ប៉ុន្តែ​នាង​បន្ត​ថា ទឹក​ប្រាក់​មួយ​ចំណែក​សម្រាប់​ការ​ទិញ​ផ្ទះ​តម្លៃ​ជិត​១០​ម៉ឺន​ដុល្លារ​ខាង​លើ គឺ​បាន​ពី​ការ​សម្ដែង​ច្រៀង​នៅ​សហរដ្ឋអាមេរិក​រយៈ​ពេល ៦​ខែ​មក​នេះ ខណៈ​មួយ​ចំណែក​ទៀត​ជា​លុយ​សន្សំ​រួម​គ្នា​ជាមួយ​ស្វាមី​កន្លង​មក។ ក្រោយ​ការ​វិល​វិញ​​តារា​ស្រី​រូប​នេះ​មាន​គម្រោង​រក​ស៊ី​ជាមួយ​បងប្អូន​បន្ថែម​ទៀត​ផង៕

 

អត្ថបទ៖ សំ ជំនាញ