ព្រះកាយ ​ច័ន្ទ​ ​ផ្ទៃមុខ​វះកាត់​​តែ​មួយ​កន្លែង​ទេ

ទន្ទឹម​នឹង​សម្រស់​កាន់​តែ​ស្រស់​ស្អាត​​ ស្រដៀង​នឹង​តុក្កតា​ មាន​ប្រិយ​មិត្ត​មួយ​ចំនួន​លើក​ឡើង ព្រះកាយ​ ច័ន្ទ​ ធ្លាប់​ឆ្លង​កាត់​ការ​កែ​សម្ផស្ស​​ច្រើន​កន្លែង​ ប៉ុន្តែ​ធាតុ​ពិត​ នាង​ប្រាប់​ថា​ កែ​តែ​ច្រមុះ​មួយ​ទេ។​

 

ព្រះកាយ ច័ន្ទ ថ្លែង៖ “មុខ​ខ្ញុំ​មិន​មែន​ធម្មជាតិ​ទេ​បង គឺ​ខ្ញុំ​មាន​ការ​វះ​កាត់​មួយ​កន្លែង​​ត្រង់​ច្រមុះ​ ប៉ុន្តែ​មាន​បងប្អូន​មួយ​ចំនួន​គិត​ថា ​ខ្ញុំ​កែ​ច្រើន​កន្លែង​ ព្រោះ​មើល​ទៅ​គេ​ថា​មុខ​ឡើង​ដូច​តុក្កតា​”។

 

ព្រះកាយ ​ច័ន្ទ​ ​ផ្ទៃមុខ​វះកាត់​​តែ​មួយ​កន្លែង​ទេ
តារា​ស្រី​រូប​នេះ​ បន្ត​ឲ្យ​ដឹង​ទៀត​ថា​ រាល់​ការ​ចំណាយ​​លើ​ការ​កែ​សម្ផស្ស​មិន​មែន​ជា​ការ​ចំណាយ​ខ្ជះខ្ជាយ​នោះ​ទេ ផ្ទុយ​ទៅ​វិញ​អាច​ជួយ​ឲ្យ​នាង​ទទួល​បាន​ការងារ​ល្អ​ ហើយ​អ្វី​ដែល​ពិសេស​ជាង​នេះ ​គឺ​ចំណេះ​ដឹង​គួប​ផ្សំ​ផង​ដែរ។

 

“និយាយ​រួម​ទៅ​ សម្រស់​ជា​ផ្នែក​មួយ​សំខាន់​ណាស់​បង​ វា​​អាច​ជួយ​ជំរុញ​ឲ្យ​យើង​​​ឆាប់​មាន​ការងារ​ និង​ចំណុច​សំខាន់​មួយ​ទៀត ​គឺ​ផ្តោត​ទៅ​លើ​ចំណេះ​ដឹង​ដែរ បើ​អត់​ចំណេះ​ មាន​តែ​សម្រស់​ក៏​ពិ​បាក​ដែរ​បង។ មួយ​វិញ​ទៀត​ មិន​មែន​សម្រាប់​តែ​តារា​ទេ​បង គឺ​មនុស្ស​គ្រប់​រូប​ បើសិន​ជា​ចង់​ស្អាត​ គួរ​តែ​ទៅ​កែ​សម្ផស្ស​ទៅ​”។ ព្រះ​កាយ​ ច័ន្ទ បន្ថែម។

 

ព្រះកាយ ​ច័ន្ទ​ ​ផ្ទៃមុខ​វះកាត់​​តែ​មួយ​កន្លែង​ទេ

 

យ៉ាង​ណាមិញ​ ពាក់ព័ន្ធ​នឹង​ការ​វះកាត់​កែសម្ផស្ស​ ព្រះកាយ ​ច័ន្ទ ប្រាប់​ថា​ មាន​​ការ​ព្រួយ​បារម្ភដែរ ប៉ុន្តែ​សម្រាប់​នាង​ មុន​នឹង​ធ្វើ​អ្វី​មួយ​ គឺ​ត្រូវ​ពិនិត្យ​មើល​ដែរ ថា​កន្លែង​ណា​ដែល​នាង​អាច​ទុក​ចិត្ត​បាន​ ទើប​ហ៊ាន​វះ​កាត់​៕

 

អត្ថបទ៖ ថា ម៉ាលីដា​​