ក្មេង​ស្រី​ ១០​ឆ្នាំ​ ឈ្នះ​បាន​អាហារូបករណ៍​​ផ្នែក​​​បណ្ឌិត ដើម្បី​បង្កើត​រ៉ូបូត​

ក្មេងស្រីវ័យ ១០ឆ្នាំមួយរូបឈ្មោះ Eva ឈ្នះបាននូវអាហារូបករណ៍ដែលបង្កើតឡើងសម្រាប់សិស្សបណ្ឌិត បន្ទាប់ពីគោលបំណងរបស់នាងបានដឹងឮទៅដល់អ្នកបង្កើតកម្មវិធីអាហារូបករណ៍នេះ។

ក្មេង​ស្រី​ ១០​ឆ្នាំ​ ឈ្នះ​បាន​អាហារូបករណ៍​​ផ្នែក​​​បណ្ឌិត ដើម្បី​បង្កើត​រ៉ូបូត​

ក្មេងស្រីសញ្ជាតិបារាំងខាងលើនេះបានដាក់ពាក្យស្នើសុំអាហារូបករណ៍ពីកម្មវិធី Summer Innovation Fellowship បង្កើតឡើងដោយភ្នាក់ងារឌីជីថល Five by Five ដោយនាងបានសូមឲ្យពួកគេជួយលើគម្រោងការនាង ដោយចង់បង្កើតរ៉ូបូតដែលអាចបង្កើតគំនូរលើដងផ្លូវបាន។

Eva បានសរសេររៀបរាប់លើពាក្យស្នើសុំដូចនេះថា៖ “ដងផ្លូវនៃទីក្រុងប៉ារីសមើលទៅដូចកម្សត់ណាស់។ ខ្ញុំចង់បង្កើតរ៉ូបូតមួយដែលអាចធ្វើឲ្យដងផ្លូវទាំងនោះប្រែជារីករាយបាន។ ខ្ញុំកំពុងចាប់ផ្ដើមរៀនសរសេរកូដលើរ៉ូបូត Thymio ប៉ុន្តែខ្ញុំជួបប្រទះបញ្ហាខ្លះ។ ខ្ញុំចង់ចូលរួមកម្មវិធីអាហារូបករណ៍ ដូចនេះអ្នកបង្ហាត់បង្ហាញនឹងអាចជួយខ្ញុំបាន”។

បន្ទាប់ពីឃើញការរៀបរាប់នេះ Kat Borlongan ស្ថាបនិកភ្នាក់ងា Five by Five បានសរសេរតបទៅវិញថា៖ “ខ្ញុំសរសេរទៅកាន់ប្អូនដោយផ្ទាល់ព្រោះថាពាក្យស្នើសុំរបស់ប្អូនធ្វើឲ្យខ្ញុំរំភើបយ៉ាងខ្លាំង។ ប្អូនបាននិយាយដោយបើកចំហថាមានបញ្ហាជាមួយរ៉ូបូត ហើយត្រូវការជំនួយ។ នេះជាការទទួលស្គាល់ដ៏ក្លាហានមួយ ហើយវាជំរុញឲ្យពួកយើងព្រមទទួលយកគម្រោងការប្អូន”។

ក្រៅពីបានសុំជំនួយ Eva បានបង្កើតឧបករណ៍បច្ចេកវិទ្យាដ៏វៃឆ្លាតមួយរួចមកហើយ។ នាងបានព្រីន 3D នូវកង់ និងកន្លែងដាក់ដីសសម្រាប់រ៉ូបូត Thymio របស់នាង ហើយបានសរសេរកូដបញ្ជាឲ្យរ៉ូបូតនោះគូររូបរាងផ្កាយថែមទៀតផង៕

ប្រភព៖ sabay

  • ក្មេង​ស្រី​ ១០​ឆ្នាំ​ ឈ្នះ​បាន​អាហារូបករណ៍​​ផ្នែក​​​បណ្ឌិត ដើម្បី​បង្កើត​រ៉ូបូត​已关闭评论
  • 2 views
  • Hide Sidebar
    A+
Publish on:2016/07/02  Category:កំសាន្ត
Tags: