បងស្រីបង្កើតលោក កែម ឡី មិនដឹងពីការចាក់ថ្នាំ​ខុសបច្ចេកទេស​លើ​សាក​សពទេ គ្រាន់តែ​ដឹងថា ការចាក់ថ្នាំ​មានការ​យឺតយ៉ាវ

(ភ្នំពេញ)៖ លោកស្រី កែម ថាវី បងស្រីបង្កើតរបស់លោក កែម ឡី បានប្រាប់អង្គភាព Fresh News នៅមុននេះបន្តិចថា លោកស្រី មិនដឹងពីការចាក់ថ្នាំខុសបច្ចេកទេសលើកសាកសពទេ គ្រាន់តែដឹងថា មានការចាក់ថ្នាំរក្សាសាកសពមានការយឺតយ៉ាវ។ លោកស្រីបន្តថា សាកសពលោក កែម ឡី គឺមានការប្រែប្រួលខុសពីថ្ងៃម្សិលមិញ ប៉ុន្តែមិនមានការប្រែប្រួលអ្វីច្រើនគួរឲ្យកត់សំគាល់ឡើយ។

យ៉ាងណាក៏ដោយបងស្រីបង្កើតរបស់លោក កែម ឡី អះអាងថា ការប្រែប្រួលសាកសព គឺជារឿងសាមញ្ញានោះទេ ពីព្រោះជាសាកសព ចង់មិនចង់ គឺត្រូវតែមានសភាពខុសពីមនុស្សរស់។ 

បញ្ជាក់ប្រាប់នៅមុននេះបន្តិច លោកស្រី កែម ថាវី បងស្រីបង្កើតរបស់លោក កែម ឡីឲ្យដឹងថា «ខ្ញុំមិនបានដឹងថា សាកសពប្អូនខ្ញុំ ចាក់ថ្នាំខុសបច្ចេកទេសអ្វីទេ គ្រាន់តែដឹងថា ដល់ពេលកំណត់ ត្រូវចាក់ថ្នាំរក្សាសាកសពបន្ត តែមិនបានចាក់ឲ្យទាន់ពេលវេលា។ តែខ្ញុំឃើញថា សភាពសាកសពរបស់ប្អូនខ្ញុំ គឺគ្មានអ្វីប្រែប្រួលខ្លាំងនោះទេ គឺធម្មតាទៅតាមសភាពសាកសពដែលរក្សាទុក»។

ការបញ្ជាក់របស់លោកស្រី កែម ថាវី បានធ្វើឡើងក្រោយពីមានការលើកឡើងពីព្រះសង្ឃ និងប្រជាពលរដ្ឋមួយចំនួនថា សាកសពរបស់លោក កែម ឡី គឺចាក់ថ្នាំខុសបច្ចេកទេសទើបធ្វើឲ្យសាកសព មានការប្រែប្រួលខ្មៅ និងហើមលឿន ខុសពីធម្មតា។

សូមជំរាបថា មហាជនជាពិសេស អ្នកគាំទ្ររបស់លោក កែម ឡី បានស្នើឲ្យគ្រួសារសព របស់លោក បន្តរក្សាសាកសពឲ្យបានយូរតាមដែលអាចធ្វើបាន ដើម្បីឲ្យបងប្អូនប្រជាពលរដ្ឋ អាចមកអុកធូប និងគោរពវិញ្ញាណក្ខន្ធបានក្នុងរយៈពេលយូរទៀត។

អ្នកស្រី កែម ថាវី បងស្រីបង្កើតរបស់ លោក កែម ឡី បានបញ្ជាក់ថា សាកសពលោក កែម ឡី នៅមិនទាន់ច្បាស់ថា នឹងបូជានៅថ្ងៃទី១៨ ខែកក្កដាទេ អាចនឹងរក្សាទុកបន្តទៀត។ អ្នកស្រីបន្តថា ការកំណត់ថា ថ្ងៃទី១៨ ខែកក្កដា គ្រាន់តែជាកាលបរិច្ឆេទទុកទេ តែមិនប្រាកដឡើយ អ្វីៗអាចនឹងមានការផ្លាស់ប្តូរតែលោកស្រី មិនបានបញ្ជាក់ថា នឹងមានការផ្លាស់ប្តូរថា នឹងរក្សាទុករហូតដល់ ពេលណាឡើយ រង់ចាំការសម្រេចជាថ្មីម្តងទៀតសិន៕ 

ប្រភព ៖

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថានៅក្នុង Star Mart ស្ថានីយ៍ប្រេងកាល់តិចទាំងអស់នៅកន្លែងកើតហេតុ ទាំងទិដ្ឋភាពនៅខាងក្នុង និងនៅខាងក្រៅ តែវាមិនទាន់ដល់ពេលប្រាប់ និងបង្ហាញជាសាធារណ: ដល់មហាជន ក៏ព្រោះតែករណីឃាតកម្មនេះកំពុងស្ថិតក្រោមការស្រាវជ្រាវនៅឡើយ។

ការបញ្ជាក់របស់ស្នងការនគរបាលរាជធានីភ្នំពេញ ខាងលើនេះ បានធ្វើឡើងក្រោយពីមានការផ្សព្វផ្សាយ និងការលើកឡើងផ្សេងៗ នៅតាមបណ្តាញសង្គម Facebook ថា Camera នៅកន្លែងកើតហេតុនោះថតមិនបានពីសកម្មភាពនោះទេ ដោយសារតែពេលនោះដាច់ភ្លើង ហើយមតិខ្លះទៀតបានលើកឡើងថា សមត្ថកិច្ចយក Memory Card របស់ Camera ពុំបានពីទិដ្ឋភាព នៃការបាញ់ប្រហារនេះឡើយ។

នាយឧត្តមសេនីយ៍ ជួន សុវណ្ណ ដែលកំពុងដឹកនាំកម្លាំងជំនាញស៊ើបអង្កេតករណីឃាតកម្មដ៏សាហាវមួយនេះ បានបញ្ជាក់ថា «យើងយកបានរូបភាពវិដេអូ (Camera) តែទាំងអស់ហ្នឹង មានទាំងនៅខាងក្នុង Star Mart របស់កាល់តិច និងនៅខាងក្រៅរបស់អគ្គស្នងការដ្ឋាននគរបាលជាតិ តែពេលនេះយើងមិនអាច បង្ហាញបានទេ ពីព្រោះវាកំពុងស្ថិតនៅក្នុងការស្រាវជ្រាវ នៅឡើយ ហើយបើការស៊ើបអង្កេតត្រូវបានបញ្ចប់ពេលនោះ យើងនឹងបង្ហាញលទ្ធផលហើយ»។

នាយឧត្តមសេនីយ៍បានបន្តទៀតថា សម្រាប់ Camera ដែលយើងទទួលបាននោះ គឺថតបានពីសកម្មភាព អ្នកបើកម៉ូតូឌុប ជនដៃដល់មកបាញ់ប្រហារ ហើយចាប់បាននៅពេលជនដៃដល់ រត់ចេញមកក្រៅ ក្រោយពេលបាញ់រួច គឺយើងមានទាំងអស់ តែយើងកំពុងស្រាវជ្រាវថា តើមានអ្នកពាក់ព័ន្ធណាខ្លះទៀត។

សូមបញ្ជាក់ថា លោកបណ្ឌិត កែម ឡី ត្រូវបានខ្មាន់កាំភ្លើងបាញ់សម្លាប់ចំនួន២គ្រាប់ នៅក្នុង Star Mart ស្ថានីយ៍ប្រេងកាល់តិច ស្តុបបូកគោ ខណ្ឌចំការមន កាលពីព្រឹកថ្ងៃអាទិត្យទី១០ ខែកក្កដា ឆ្នាំ២០១៦ ប៉ុន្តែខ្មាន់កាំភ្លើងត្រូវបានចាប់ខ្លួនភ្លាមៗផងដែរ៕  

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

បងស្រីបង្កើតលោក កែម ឡី មិនដឹងពីការចាក់ថ្នាំ​ខុសបច្ចេកទេស​លើ​សាក​សពទេ គ្រាន់តែ​ដឹងថា ការចាក់ថ្នាំ​មានការ​យឺតយ៉ាវ

បងស្រីបង្កើតលោក កែម ឡី មិនដឹងពីការចាក់ថ្នាំ​ខុសបច្ចេកទេស​លើ​សាក​សពទេ គ្រាន់តែ​ដឹងថា ការចាក់ថ្នាំ​មានការ​យឺតយ៉ាវ