អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

រាជធានីភ្នំពេញ ៖ សេចក្តី​រាយការណ៍ប​ឋមឱ្យដឹងថា បុរសម្នាក់​​បាន​ធ្លាក់​ពីលើ​ដើមត្នោត​​កម្ពស់​១៥ម៉ែត្រ បណ្តាលឱ្យ​រងរបួស​​យ៉ាង​ធ្ងន់​ធ្ងរ ​បន្ទាប់ពីឡើង​ទៅ​បេះផ្លែត្នោត​ដើម្បីទុកលក់ តែ​ជាអកុសល​គាត់​វិល​មុខ មិនអាចទប់​​ជំហរ​បាន ក៏ធ្លាក់​ចុះមកដី​តែម្តង ដែល​ហេតុ​ការណ៍នេះ កើតឡើង​​កាលពីវេលាម៉ោង​០៩ព្រឹក​ថ្ងៃទី​១៥ កក្កដា ២០១៦ ស្ថិតត្រង់ចំណុច​ភូមិ​ព្រៃទីទុយ សង្កាត់​​ព្រៃ.ស ខណ្ឌ​ដង្កោ ។

ប្រភពឱ្យ​ដឹងថា ជនរងគ្រោះ​​ឈ្មោះ​វៃ វិន អាយុ​២៩​ឆ្នាំ ជា​កម្មកររោងចក្រ មានប្រពន្ធ​ឈ្មោះ​ដាច់ លក្ខិណា អាយុ​ជាង២០ឆ្នាំ ​មាន​កូន​៣នាក់ ពួកគេមានទីលំនៅក្នុងផ្ទះជួល​ក្នុងភូមិកើតហេតុខាងលើ ។

ប្រភពបន្តថា ការពិត បុរសរងគ្រោះ​​គឺជាកម្មកររោងចក្រ​ទេ តែ​ថ្ងៃនេះ​ គាត់បានសុំច្បាប់​សម្រាក​ ដើម្បីទៅធ្វើប័ណ្ណ​​អ្នកក្រីក្រ តែ​​គេ​មិន​ដឹងថា គាត់​ហើយ ឬមិនហើយនោះទេ ។ លុះនៅវេលាកើតហេតុ គាត់ក៏​​ឡើងទៅលើដើម​ត្នោត ​ដើម្បីបេះផ្លែ​ទុកឱ្យប្រពន្ធ​លក់ ដើម្បី​បានកម្រៃ​ចិញ្ចឹមគ្រួសារ ។

លុះគាត់ឡើង​ជិត​ដល់​គល់ត្នោត ​ស្រាប់​តែគាត់​វិលមុខ​ខ្លាំង ក៏​សម្រូតចុះដីវិញដោយមិន​អាចទប់ជំហរបាន​ ក៏របូតដៃ​ធ្លាក់​ចុះ​មកក្រោមចូល​ក្នុងថ្លុកទឹកមួយបណ្តាលឱ្យរបួសធ្ងន់ ហើយត្រូវក្រុមគ្រួសារបញ្ជូនទៅសង្គ្រោះ​ទៅមន្ទីរពេទ្យរុស្ស៊ី ។

ប្រភព ៖

កំណត់ហេតុខ្មែរឡូត៖

គួររំលឹកដែរថា ដោយឡែកករណីស្រដៀងគ្នានេះដែរ កាលពីពេលកន្លងទៅនេះ  នៅថ្ងៃទី៣ ខែមករា ឆ្នាំ២០១៦ កន្លងទៅ ស្ថិតនៅភូមិខ្វិតធំ ឃុំខ្វិតធំ ស្រុកព្រៃឈ ខេត្តកំពង់ចាម។

អ្នកភូមិខ្វិតធំ បានឲ្យដឹងថាបុរសនេះ ត្រូវបានប្រជាពលរដ្ឋប្រទះឃើញស្លាប់ ក្រោយបាត់ពីផ្ទះ រយៈពេល៦ម៉ោង ដែលទម្លាប់ គាត់តែងតែទៅយកទឹកត្នោត នៅក្រោយភូមិ។ អ្នកភូមិបានបញ្ជាក់ទៀតថា ជនរងគ្រោះឈ្មោះ អឹម សុខ អាយុ៥៦ឆ្នាំ មុខរបរជាអ្នកឡើងត្នោត ត្រូវបានកសិករម្នាក់ឈ្មោះ អយ ពិនី ខណៈដែលទៅយកគោពីវាលស្រែ បានប្រទះឃើញដេកស្លាប់ នៅក្រោមដើមត្នោត នៅម៉ោង៤៖៤០នាទី ថ្ងៃទី៣ ខែមករា ឆ្នាំ២០១៦។

មន្ត្រីនគរបាលមូលដ្ឋាន បានឲ្យដឹងថា នៅម៉ោង១១ ថ្ងៃទី៣ ខែមករា លោក អឹម សុខ បានចេញទៅឡើងត្នោត នៅចម្ងាយ ពីភូមិខ្វិតធំ ប្រមាណ១០០០ម៉ែត្រ ដូចសព្វដង លុះរហូតដល់ម៉ោង ៤និង៤០នាទីរសៀល ថ្ងៃដដែលនោះ កសិករម្នាក់ ឈ្មោះ អយ ពិនី ពេលទៅយកគោពីវាលស្រែ ក៏បានប្រទះឃើញ ជនរងគ្រោះដេកស្លាប់ ហើយគាត់ បានមកប្រាប់សាច់ញាតិ ជនរងគ្រោះ ដើម្បីរាយកាណ៍ប្រាប់សមត្ថកិច្ច ។

មន្ត្រីដដែលបន្តថា ក្រោយពីការពិនិត្យ សមត្ថកិច្ចបានសន្និដ្ឋានថា ជនរងគ្រោះ ស្លាប់ដោយសារ ធ្លាក់ពីលើដើមត្នោត ហើយសព សមត្ថកិច្ចបានប្រគល់ជូនក្រុមគ្រួសារ យកទៅធ្វើបុណ្យ តាមប្រពៃណី៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​

អាសូរ! ឡើង​បេះ​ត្នោត​លក់ ស្រាប់​តែ​វិលមុខ​​​ធ្លាក់​​ដី​