Ronaldo ជះលុយជាង ២លានដុល្លារ ទិញរថយន្ត Bugatti មួយគ្រឿង អបអរខ្លួនឯង ក្រោយពីឈ្នះ EURO

អេស្ប៉ាញ៖ ក្រោយពីជ័យជំនះ EURO នៅប្រទេសបារាំងរួចមក កីឡាករកំពូលលំដាប់ពិភពលោក Cristiano Ronaldo ថ្មីៗនេះហាក់បីដូចជា កំពុងតែសោយសុខក្នុងជីវិតដោយបាននាំគ្រួសារមកលំហែកាយនៅកោះ Ibiza ហើយថែមទាំងមានសកម្មភាពសប្បុរសធម៌ បរិច្ចាគទឹកប្រាក់មួយចំនួនជួយជនរងគ្រោះដោយសារជម្ងឺមហារីកទៀតផង។

យ៉ាងណាមិញ កាលពីពេលថ្មីៗនេះវិញ Ronaldo បានចំនាយលុយរហូតដល់ ១.៧ លានផោន ដែលប្រហាក់ប្រហែលនឹងទឹកប្រាក់ជាង ២ លានដុល្លារអាមេរិក ទិញរថយន្ត Bugatti ស៊េរីទំនើបមួយគ្រឿង ទុកជាការអបអរ ឲ្យខ្លួនឯងផងដែរ ។

កីឡាករ Ronaldo បានចំណាយលុយយ៉ាងសន្ធឹកសន្ធាប់ ដើម្បីទិញរថយន្តស៊េរីទំនើបមួយគ្រឿងម៉ាក Bugatti Veyron 16.4 Grand Sport ដែលមានតម្លៃរហូតដល់ ជាង ២លានដុល្លារអាមេរិកឯណោះ។ រថយន្ត Bugatti Veyron ដែល Ronaldo ទើបតែទិញនេះ គឺជាប្រភេទរថយន្តស្ព័រគុណភាពខ្ពស់ ផលិតដោយក្រុមហ៊ុន Bugatti ។ រថយន្តនេះ ធ្លាប់ដាក់តាំងបង្ហាញក្នុងកម្មវិធីមួយ នៅប្រទេសបារាំងម្តងដែរ  ប៉ុន្តែថ្មីៗនេះ ត្រូវបានទិញយកដោយកីឡាករ Cristiano Ronaldo ។ រថយន្តស្ព័រពណ៌ខ្មៅដែលរូបគេទិញ មានល្បឿនរហូតដល់ ២៥៥ម៉ាយ ក្នុង១ម៉ោង ( ៤១០គីឡូមែ៉ត្រក្នុង១ម៉ោង) ហើយចំនែកឯស្រទាប់ខាងក្រៅរថយន្តវិញ ផលិតឡើងទាំងស្រុងពីសសៃកាបូន។

សូមបញ្ជាក់ផងដែរថា នេះគ្រាន់តែជារឿងសាមញ្ញរបស់ Ronaldo ប៉ុណ្ណោះ ពីព្រោះកីឡាកររូបនេះ ចូលចិត្តទិញរថយន្តទំនើបៗ និងថ្លៃ ហើយបើសរុបពី រថយន្តរបស់គេវិញ  មានច្រើនសុទ្ធសឹងតែជាម៉ាកល្បីៗ និងថ្លៃៗ ដូចជា Ferrari F430, Phantom Rolls-Royce, Lamborghini Aventador, Maserati GranCabrio និង Bentley Continental GTC ជាដើម -ល-។

ចំពោះការទិញរថយន្តដ៏ថ្លៃមួយគ្រឿងនេះវិញ ប្រភពបានឲ្យដឹងថា គឺជាការអបអរជ័យជំនះរបស់ខ្លួន ដែលបានលើកពាន EURO ក្នុងឆ្នាំ ២០១៦ នេះផងដែរ៕

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

Ronaldo ជះលុយជាង ២លានដុល្លារ ទិញរថយន្ត Bugatti មួយគ្រឿង អបអរខ្លួនឯង ក្រោយពីឈ្នះ EURO

Ronaldo ជះលុយជាង ២លានដុល្លារ ទិញរថយន្ត Bugatti មួយគ្រឿង អបអរខ្លួនឯង ក្រោយពីឈ្នះ EURO

Ronaldo ជះលុយជាង ២លានដុល្លារ ទិញរថយន្ត Bugatti មួយគ្រឿង អបអរខ្លួនឯង ក្រោយពីឈ្នះ EURO

Ronaldo ជះលុយជាង ២លានដុល្លារ ទិញរថយន្ត Bugatti មួយគ្រឿង អបអរខ្លួនឯង ក្រោយពីឈ្នះ EURO

Ronaldo ជះលុយជាង ២លានដុល្លារ ទិញរថយន្ត Bugatti មួយគ្រឿង អបអរខ្លួនឯង ក្រោយពីឈ្នះ EURO