សព​លោក កែម ឡី មិន​ទាន់​កំណត់​ការ​ដង្ហែ ខណៈ​មនុស្ស​ចូលរួម​បុណ្យ​តិច​នៅ​ព្រឹក​នេះ

រាជធានី​ភ្នំពេញ ៖ បើ​តាម​អ្នកឆ្លើយឆ្លង​ព័ត៌មាន​កោះសន្តិភាព​បាន​ឲ្យ​ដឹង​នៅ​ប៉ុន្មាន​នាទី​មុន​នេះ​ថា ប្រជាពលរដ្ឋ សង្គម​ស៊ី​វិល​នានា​ដែល​អញ្ជើញ​ទៅ​ចូលរួម​បុណ្យ​និង​គោរព​វិញ្ញាណ​ក្ខ​ន្ឋ​សព​លោក​បណ្ឌិត កែម ឡី គឺ​មាន​ចំនួន​តិច​ខុស​សព្វដង ហើយ​ថា​នៅ​ព្រឹក​ថ្ងៃ​ទី​១៨ កក្កដា​នេះ​ដែរ គេ​ឃើញ​ក្រុម​លោកស្រី ទេព វ៉ា​ន់​នី្ន និង​យាយ​ម៉ា​ម៉ា​សកម្មជន​ដីធ្លី​ក៍​ទៅ​ចូលរួម​ដែរ ។

សេចក្តីរាយការណ៍​ក៍បាន​ឲ្យ​ដឹង​ទៀត​ថា សព​លោក កែម ឡី មិន​ទាន់​ត្រូវ​បាន​ក្រុម​គ្រួសារ​បញ្ជាក់​ថា​នឹង​ត្រូវ​ដង្ហែ​ចេញពី​វត្ត​ចាស់​ក្នុង​សង្កាត់​ជ្រោយចង្វារ យក​ទៅ​បញ្ចុះ​នៅ​ស្រុក​កំណើត​លោក​កែម ឡី ក្នុងភូមិ​តា​កុប ឃុំ​លាយ​បូរ​ស្រុក​ត្រាំកក់ ខេត្តតាកែវ​នៅ​ពេលវេលា​និង​ថ្ងៃ​ណា​នោះ​ដែរ គ្រាន់តែ​បញ្ជាក់​ថា ខាង​គណកម្មការ​បុណ្យ​និង​ក្រុម​គ្រួសារ​នឹង​ពិភាក្សា​គ្នា​នៅ​ថ្ងៃ​ចន្ទ​នេះ ៕