Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

អាល្លឺម៉ង់៖ កិច្ចព្រមព្រៀងបានបញ្ចប់ ទីបំផុត Mario Gotze ដែលជាតួឯករបស់ក្រុមជម្រើសជាតិ អាល្លឺម៉ង់កាលពីឆ្នាំ២០១៤ បានវិលត្រលប់ទៅក្លិបចាស់របស់ខ្លួន Borussia Dortmund វិញ ដោយផ្ទេរពី Bayern Munich ក្នុងតម្លៃ ១៨ លានផោន (២៣.៨ លានដុល្លារ) ក្នុងកិច្ចសន្យារយៈពេល៤ឆ្នាំ ។

Gotze ដែលប្រិយមិត្តបានជ្រាបហើយកាលពីឆ្នាំ២០១៤នោះ កីឡាកររូបនេះហើយជាអ្នកស៊ុតចូល ជួយឲ្យអាល្លឺម៉ង់ឈ្នះ World Cup ហើយចាប់តាំងពីពេលនោះមក កេរ្តិ៍ឈ្មោះរបស់កីឡាកររូបនេះ ត្រូវបានគេស្គាល់គ្រប់គ្នា ។

គួររំលឹកផងដែរថា មុននឹងរូបគេលេងឲ្យក្លិប Bayern Munich នោះ កីឡាកររូបនេះក៏ធ្លាប់លេងឲ្យក្លិប Dormund ដែរ ប៉ុន្តែត្រូវ Bayern Munich ទិញយក កាលពីឆ្នាំ២០១៣ ។ ក្នុងអំឡុងពេលលេងឲ្យក្លិបកំពូល Bayern Munich ក្នុងលីកអាល្លឺម៉ង់នេះ Gotze មិនសូវមានឱកាសបញ្ចេញសមត្ថភាពក្នុងទីលានទេ ហើយនឹងកម្របានស៊ុតបញ្ចូលទីទៀត ពោលគឺភាគច្រើន ជាកីឡាករបំរុង ហេតុដូច្នេះហើយទើបថ្មីៗ Gotze ក៏សម្រេចចិត្តផ្លាស់មកលេងឲ្យ Dortmund វិញបន្ទាប់ពីចំណាយពេល ៣ឆ្នាំ នៅ Bayern Munich ។

ចំពោះការផ្ទេរមកលេងឲ្យ Dortmund នេះវិញ Gotze ផ្ទាល់បានថ្លែងដែរថា «កាលពីខ្ញុំផ្ទេរពី Dortmund ទៅ Bayern Munich កាលពីឆ្នាំ២០១៣នោះ ខ្ញុំបានគិតយ៉ាងជាក់លាក់ ដោយមិនបានស្តាយក្រោយ រហូតមកដល់៣ឆ្នាំក្រោយនេះ ការផ្ទេរមកលេងឲ្យ Dortmund វិញ ខ្ញុំក៏បានធ្វើការសម្រចចិត្តមួយដោយមិនស្តាយដូចគ្នា» ។ Gotze បន្តទៀតថា «ខ្ញុំជឿជាក់ថាអ្នកគាំទ្រនឹងទទួលយកការសម្រចចិត្តរបស់ខ្ញុំ ហើយខ្ញុំនឹងខំព្យាយាមលេងឲ្យបានល្អ សម្រាប់ក្លិប និងសម្រាប់អ្នកគាំទ្រ Dortmund»

សូមបញ្ជាក់ផងដែរថា Gotze និងវិលត្រលប់មកជួបជុំ នឹងចាប់ដៃគូជាមួយមិត្តជិតស្និទ្ធិរបស់គេវិញគឺ Marco Reus ដែលកន្លងមកអ្នកទាំង២ ធ្លាប់ជាដៃគូដ៏ល្អក្នុងទីលានផងដែរ៕ 

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)

Mario Gotze វិលរកទ្រនំចាស់ Dortmund វិញ ក្នុងតម្លៃ ១៨លានផោន (មានវីដេអូ)