បើក​កិច្ចប្រជុំ​ប្រចាំខែ​របស់​ក្រុមការងារ​ថ្នាក់​ជាតិ​ចុះ​មូលដ្ឋាន​ខេត្តកំពង់ធំ

​ខេត្តកំពង់​ធំ​ ៖ លោក​​ថោ​ង ខុន​ រដ្ឋ​មន្ត្រី​​ក្រសួង​ទេស​ចរណ៍ និង​ជា​ប្រធាន​ក្រុមការងារ​ថ្នាក់​ជាតិ​ចុះ​មូលដ្ឋាន​ខេត្តកំពង់​ធំ បាន​
អ​ញ្ជើញ​​ជា​អធិបតី​​ក្នុង​កិច្ច​ប្រជុំ​ប្រចាំខែ​​​​របស់​ក្រុមការងារ​ថ្នាក់​ជាតិ​ចុះ​មូលដ្ឋាន​ខេត្តកំពង់ធំ កាលពី​ព្រឹក​ថ្ងៃទី​២៣ កក្កដា ២០១៦ ដែលរៀបចំ​នៅ​​សាលាខេត្ត​កំពង់ធំ ​។

កិច្ច​ប្រជុំ​នេះ ទី១​-​ការ​ផ្សព្វផ្សាយ​ស្តី​ពី​ឯក​សរ​ស្តង់ដា​បដិសណ្ឋារកិច្ច​ក្នុង​សេវា​សាធារណៈ​ (​ស្ថាប័ន​ថ្នាក់​មូលដ្ឋាន​ឃុំ​-​សង្កាត់-មន្ទីរ​ពាក់ព័ន្ធ​​ខេត្តកំពង់ធំ​)​ ។ ទី​២-វឌ្ឍនភាព​​នៃ​ការងារ​ឆ្វៀល​ដី​ អាស្រ័យ​ផល​នៅ​តំបន់​បី និង​តំបន់​២​ និង​ការ​ចេញ​សា​លក​បត្រ​ព័​ត៌​មាន​ជូន​ប្រជាពលរដ្ឋ​ និងទី៣​-វឌ្ឍនភាព​នៃ​ការ​ផ្តល់​ជូន​អត្ត​សញ្ញា​ណ​​ប័ណ្ណ​គំរូ​ថ្មី​​ជូន​ប្រជាពលរដ្ឋ​ ។