អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

ព័រទុយហ្គាល់៖ កីឡាករឆ្នើម Cristiano Ronaldo បានសាងកេរ្តិ៍ឈ្មោះមួយលើកទៀតហើយ ដែលកាលពីពេលថ្មីៗនេះ ឈ្មោះរបស់លោក ត្រូវបានផ្តល់ជាកិត្តិយស យកទៅតំណាងឲ្យព្រលានយន្តហោះមួយកន្លែង នៅប្រទេសព័រទុយហ្គាល់។ 

បន្ទាប់ពីលំហែកាយរយៈពេលមួយសប្តាហ៍​ នៅកោះ Ibiza ប្រទេសអេស្ប៉ាញ រួចមក កីឡាករឆ្នើម Cristiano Ronaldo បានវិលមកកាន់ស្រុកកំណើតរបស់ខ្លួនវិញ ហើយស្របពេលជាមួយគ្នានេះ រូបគេត្រូវបានព្រលានយន្តហោះមួយកន្លែង នៅកោះ Madeira ប្រទេសព័រទុយហ្គាល់ យកឈ្មោះរបស់កីឡារូបនេះ យកមកតំណាង ដោយប្តូរទៅជាឈ្មោះ «Madeira Cristiano Ronaldo Airport» វិញ ដែលនេះគឺជាកិត្តិយសដ៏ធំធេងបំផុតរបស់កីឡារករឆ្នើម លំដាប់ពិភពលោកមួយនេះ ។

ក្នុងនោះដែរ ប្រធានាធិបតី នៃកោះ Madeira លោក Miguel Albuquerque ក៏បានប្រកាសជាផ្លូវការដែរថា ព្រលានយន្តហោះតែមួយគត់ នៅ Madeira នឹងប្តូរឈ្មោះពី Madeira Airport ទៅជា Madeira Cristiano Ronaldo Airport វិញ ដើម្បីផ្តល់ជាកិត្តិយសឲ្យ Ronaldo ដែលរូបគេជួយឲ្យ ព័រទុយហ្គាល់ ឈ្នះពាន EURO ។

សូមបញ្ជាក់ផងដែរថា កោះ Madeira ដែលជាកោះមួយស្ថិតក្នុងភាគខាងត្បូង ឈានខាងលិច ប្រទេសព័រទុយហ្គាល់នេះ គឺជាស្រុកកំណើតផ្ទាល់របស់ កីឡាករ Cristiano Ronaldo ដែលរស់នៅទីនោះតាំងពីនៅតូច ។ ហើយក្នុងការវិលត្រលប់មកស្រុកកំណើត របស់ Ronaldo ក្នុងគ្រានេះដែរ គឺគោលបំណង ដើម្បីមកជួបជុំគ្រួសារ និងមកសម្ពោធសណ្ឋាគារ ផ្កាយ៥ របស់លោកផ្ទាល់ ដែលមានឈ្មោះថា Hotel Pestana CR7 នៅទីនោះផងដែរ ។

គួររំលឹកផងដែរថា សមិទ្ធិផលរបស់កីឡាកររូបនេះ មិនត្រឹមមានតែប៉ុណ្ណឹងនោះទេ Ronaldo ក៏ធ្លាប់ត្រូវបានប្រជាជននៅ Madeira សាងរូបសំណាកមួយតំណាងនៅទីនោះទៀតផង ហើយបន្ថែមពីនេះទៀត Ronaldo ក៏មានសារមន្ទីរផ្ទាល់ខ្លួននៅទីនោះផងដែរ៕

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង

អស្ចារ្យ! Ronaldo ត្រូវបានផ្តល់កិត្តិយស ដោយព្រលានយន្តហោះមួយ យកឈ្មោះរបស់ខ្លួន ទៅតំណាង