ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​

រាជធានី​ភ្នំពេញ ៖ រថយន្ត​​ម៉ាកមែរ​ហ្សឺ​ដែ​ស ​S-320មួយ​គ្រឿង ត្រូវ​​​បុរស​​ម្នាក់​បើក​ទៅ​​កន្លែង​ទទួល​​ផ្ញើ​រថយន្ត​ សរុប​រយៈ​ពេ​ល​​ជាង​៣​​ខែ​​​​មក​​ហើយ មិន​ទាន់​ឃើញ​ម្ចាស់​ទៅ​ទទួលយក​​វិញទេ ​ធ្វើ​ឱ្យ​ម្ចាស់​ទីតាំង​ទទួល​​បញ្ញើរ​មានការ​សង្ស័យ​ថា​​រថយន្ត​នោះ មាន​ជាប់​ពាក់ព័ន្ធ​ទៅ​នឹង​បទ​ល្មើស​អ្វីមួយ ទើប​ប្ដឹង​ឱ្យ​​នគរបាល​ប៉ុស្ដិ៍​ចោម​ចៅ យកទៅ​រក្សា​ទុក​បណ្ដោះអាសន្នវិញ​ រង់ចាំ​ការ​ស្រាវជ្រាវរក​ម្ចាស់​ និង​ដើមចម​នៃ​ការ​យក​រថយន្ត​ទៅ​ផ្ញើ​​ចោល​បែប​នេះ ​។

នគរបាល​ប៉ុស្ដិ៍​ចោម​ចៅ​បាន​ទៅ​ទទួលយក​រថយន្ត​នោះ​ពី​កន្លែង​​ទទួលបញ្ញើ​ដែល​មាន​ទីតាំង ស្ថិត​នៅ​ក្នុងភូមិ​ព្រៃ​ទា សង្កាត់​ចោម​ចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ យក​ទៅ​រក្សា​ទុក​នៅ​ប៉ុស្ដិ៍ កាលពី​វេលា​ព្រឹក​ថ្ងៃ​ទី​៧ ​សីហា ​​២០១៦​។

អ្នក​ទទួលបញ្ញើ​បាន​ប្រាប់​នគរបាល​ថា រ​ថ​យន្ត​មួយ​គ្រឿង​នោះ ម៉ាក​មែក​សឺ​ដែ​ស​ S-320 ព​ណ៌​ខ្មៅ​ ពាក់​ស្លាក​លេខ​ភ្នំពេញ​ 2D- 7227 និង​មិនត្រូវ​បាន​គេ​ស្គាល់​អត្តសញ្ញាណ​ម្ចាស់​នោះ​​ឡើយ ហើយ​ម្ចាស់​នោះ​ បាន​យក​ទៅ​ផ្ញើ​​នៅ​ទីតាំង​ខាងលើ​តាំងពី​អំឡុង ​មេសា​ ​២០១៦ ​មក​ម្ល៉េះ មិនឃើញ​ត្រឡប់​ទៅ​យក​វិញ​សោះ​ ។

​ដោយនៅ​ក្នុងអំឡុងពេល​នោះ ​មាន​បុរស​ម្នាក់​បាន​បើក​យក​ទៅ​ផ្ញើ​ បន្ទាប់​មក​ក៏​បាន​ចាកចេញ​ទៅ​បាត់​ស្រមោល​តែ​ម្ដង មិនដឹង​ថា​មាន​បញ្ហា​អ្វីមួយ ស្លាប់​ឬ​ក៏​រស់ ឬ​ក៏​រថយន្ត​នោះ​មានការ​ជាប់​ពាក់ព័ន្ធ​ម​ទៅ​នឹង​​អំពើ​ចោរកម្ម លួច ឆក់ ប្លន់ ឬ​បែប ណា​នោះ​ឡើយ​។

ដោយសារ​ចាំ​មើលផ្លូវ ម្ចាស់​ត្រឡប់​ទៅ​យក​វិញ​មិនឃើញ​ បាត់​ស្រមោល​ឈឹង​ ក៏​មានការ​បារម្ភ​ខ្លាច​មាន​បញ្ហា​ដល់​ខ្លួន ទើប​ឈប់​រង់​ចាំ​តទៅ​ទៀត ហើយ​សម្រេចចិត្ត​ប្ដឹង​នគរបាល​ឱ្យ​​នគរ​បាល​ចុះ​យក​រថយន្ត​នោះ​ទៅ​រក្សា​ទុក​តែ​ម្ដង ​។

នគរបាល​​ឱ្យ​​ដឹង​ថា រថយន្ត​នោះ​​នៅ​អាច​ប្រើ​ការ​បាន មិន​ទាន់​ចាស់​ទ្រុឌទ្រោម​នោះ​ឡើយ ហើយ​បន្ទាប់​ពី​ម្ចាស់​ទីតាំង​ខាងលើ ប្ដឹង​និង​ប្រគល់​ឱ្យ​កម្លាំង​ ក៏​បាន​ចុះ​ទៅ​នាំ​យក​ទៅ​រក្សា​ទុក​នៅ​ប៉ុស្ដិ៍ ​ដើម្បី​ស្រាវជ្រាវ​រក​ម្ចាស់ឱ្យ​​ទៅ​ទទួលយក​វិញ ហើយ​ក៏​មិន​ទាន់​ដឹង​ថា​រថយន្ត​នោះ មាន​ជាប់​ពាក់ព័ន្ធ​ទៅ​នឹង​សកម្មភាព​អ្វីមួយ​ ឬ​អត់​នោះ​ឡើយ​ ៕

ប្រភព ៖

កំណត់ហេតុខ្មែរឡូត៖ ស្រដៀងគ្នានេះដែរ ករណីមួយផ្សេងទៀត ប្រទេះ​ឃើញ​ចត​ទុក​​ចោល​​មិនឃើញ​​ម្ចាស់​​​​មក​យក​ក៏​ប្តឹង​សមត្ថកិច្ច​មូលដ្ឋាន​ឱ្យ​​ចុះ​ទៅ​ត្រួតពិនិត្យ ​កាលពី​ម៉ោង​៧​យប់​ថ្ងៃ​ទី​​៩ ខែមករា នៅ​ចំណុច​មុខ​ផ្ទះ​លេខ​២២០ ផ្លូវ​បេតុង ក្រុម​១៤ ភូមិ​ប៉ប្រក​ខាងត្បូង សង្កាត់​កា​កាប ខណ្ឌ​ពោធិ៍​សែន​ជ័យ​ ។

ប្រភព​ពី​ស្ត្រី​ម្នាក់​ឈ្មោះ សុខ ធា​រី អាយុ​៤៨​ឆ្នាំ ​​ស្នាក់​នៅ​ភូមិ​ខាងលើ​បាន​ប្រាប់​សមត្ថកិច្ច​ថា កាលពី​ម៉ោង​៣​និង​៣០​នាទី​ទៀប​ភ្លឺ​ថ្ងៃ​ទី​៩ ខែមករា គាត់​បាន​បើកទ្វារ​ផ្ទះ​ឲ្យ​ប្តី​ចេញ​ទៅ​ធ្វើការ ​ស្រាប់តែ​ប្រទេះ​ឃើញ​រថយន្ត​ខាងលើ​​​ចត​ទុក​​ចោល​នៅ​មុខ​ផ្ទះ​​​គាត់​​រហូត​ដល់​ម៉ោង​ខាងលើ​នៅ​​តែ​មិន​​​ឃើញ​ម្ចាស់​មក​យក​រថយន្ត​​ទៀត ​ដោយ​​ខ្លាច​មាន​ជន​ឆ្លៀតឱកាស​មក​ធ្វើ​សកម្មភាព​មិនល្អ​​​​ គាត់​ក៍រាយ​ការណ៍​ទៅ​ប្រជា​ការពារ​ភូមិ​ឱ្យ​​ដឹង ​ហើយ​ប្រជា​ការពារ​ភូមិ​ក៍បាន​រាយការណ៍​បន្ត​ឱ្យ​​សមត្ថកិច្ច​មូលដ្ឋាន​​ចុះ​មក​ត្រួត​ពិនិត្យ​ ។  

សមត្ថកិច្ច​មូលដ្ឋាន​បាន​ប្រាប់​ថា ក្រោយ​ពី​មាន​ប្រជាពលរដ្ឋ​រាយការណ៍​ពី​រថយន្ត​ខាងលើ​ សមត្ថកិច្ច​មូលដ្ឋាន​បាន​ឆែក​មើល​តាម​រយៈ​ស្លាក​លេខ​រថយន្ត​នេះ​ឃើញ​ថា​រថយន្ត​មាន​ម្ចាស់​ដើម​ឈ្មោះ​ អៀ​ប ប៊ុ​ន​ថា​ន បច្ចុប្បន្ន​ស្នាក់​នៅផ្ទះ​លេខ​៨៤Eoz ផ្លូវ​​លេខ​១០៧ ក្នុង​សង្កាត់​វាលវង់ ខណ្ឌ​៧​មក​រា ប៉ុន្តែ​ពេល​សមត្ថកិច្ច​​ទាក់​​ទៅ​ខាង​មូលដ្ឋាន​ខណ្ឌ​៧​មក​រា ​តាម​រយៈ​អាស្រ័យ​ដ្ឋា​ន​ខាងលើ ​បែរជា​មិន​មាន​ទៅ​វិញ​ ។

​​​សមត្ថកិច្ច​នគរបាល​ខណ្ឌ​ពោធិ៍​សែន​ជ័យ ​បាន​និង​​កំពុង​​ស្រាវជ្រាវ​ករណី​រថយន្ត​ខាងលើ​នេះ ដោយ​រក្សា​ទុក​នៅ​កន្លែង​ដដែល​សិន ​រង់​ចាំ​​ស្រាវ​ជ្រាវ​ប​ន្ត​ទៀត ​៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​

ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​

ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​

ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​

ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​

ស្គាល់​ម្ចាស់​​ឡានមែរហ្សែដែស​នេះទេ? ផ្ញើចោលជាង៣ខែហើយ​