នាយករដ្ឋមន្ដ្រីសម្រេចឲ្យអាជីវករលក់ដូរនៅខេត្ដកំពង់ឆ្នាំង ឥតបង់ថ្លៃតូប

នាយករដ្ឋមន្ដ្រីលោក ហ៊ុន សែន ប្រកាសថាអាជីវករអាចលក់ដូរនៅផ្សារលើខេត្ដកំពង់ឆ្នាំងដោយឥតបោះបង់ថ្លៃឈ្នូលតូបរយៈពេល១៥ឆ្នាំ ក្រោយពេលក្រុមហ៊ុនបញ្ចប់កិច្ចសន្យាវិនិយោគនៅឆ្នាំ២០២៥។

លោក ហ៊ុន សែន បានប្រកាសបែបនេះ នៅពេលលោកចុះជួបសំណេះសំណាលជាមួយប្រជាពលរដ្ឋនៅផ្សារលើខេត្ដកំពង់ឆ្នាំ នៅព្រឹកថ្ងៃអង្គារនេះ។

នៅលើហ្វេសប៊ុកនាយករដ្ឋមន្ដ្រី លោក ហ៊ុន សែន បានបញ្ជាក់ថាអាជីវករលក់ដូរនៅផ្សារលើទីរួមខេត្តកំពង់ឆ្នាំងនឹងមិនតម្រូវអោយបង់ថ្លៃតូបរយៈពេល១៥ ដោយចាប់ពីឆ្នាំ២០២៥ដល់ឆ្នាំ២០៤០ គឺក្រោយពេលដែលក្រុមហ៊ុនឯកជនបញ្ចប់កិច្ចសន្យាវិនិយោគនៅឆ្នាំ២០២៥។

គួរបញ្ជាក់ថាលោកនាយករដ្ឋមន្ដ្រី ហ៊ុន សែន ប្រកាសធ្វើយុទ្ធនាការ២៥ខេត្ដ-រាជធានីដោយថា ដើម្បីជួបផ្ទាល់ជាមួយប្រជាពលរដ្ឋដែលជួបបញ្ហាលំបាក។ ក្នុងពេលយុទ្ធនាការនោះ លោកបានសម្រេចថាឲ្យអាជីវករអាចលក់ដូរអស់មួយជីវិតដូចជាផ្សារនៅខេត្ដកំពង់ធំ ខេត្ដស្ទឹងត្រែង និងខេត្ដកំពង់ស្ពឺជាដើម៕

ប្រភព៖ VOD


នាយករដ្ឋមន្ដ្រីសម្រេចឲ្យអាជីវករលក់ដូរនៅខេត្ដកំពង់ឆ្នាំង ឥតបង់ថ្លៃតូប

លោក​ហ៊ុន សែន​៖​ ពលរដ្ឋ​អាច​ចុះ​​ឈ្មោះ​បោះ​ឆ្នោត​នៅ​កន្លែង​ពួកគេ​​ស្នាក់នៅ ​និង​​​ធ្វើការ​បាន

នាយករដ្ឋមន្ដ្រីសម្រេចឲ្យអាជីវករលក់ដូរនៅខេត្ដកំពង់ឆ្នាំង ឥតបង់ថ្លៃតូប

គ.ជ.ប ថាទទួលបានសម្ភារៈចុះឈ្មោះបោះឆ្នោត៩៥ភាគរយពីសហភាពអ៊ឺរ៉ុប