ប្រទះឃើញសពអ្នកបើករថយន្តម្នាក់ នៅក្នុងផែស្ងួត «តេងឡាយ» មិនទាន់ដឹងមូលហេតុ

(ភ្នំពេញ)៖ បុរសម្នាក់ដែលជាអ្នកបើក រថយន្តឲ្យក្រុមហ៊ុនផែស្ងួត «តេងឡាយ» ត្រូវបានគេប្រទះឃើញស្លាប់នៅកាប៊ីនរថយន្តកុងតឺន័រមួយគ្រឿង ដែលឈប់ចតនៅក្នុងផែរបស់ក្រុមហ៊ុន ដែលការស្លាប់របស់ជនរងគ្រោះនេះ គេមិនទាន់ដឹងថា ជាករណីអ្វីនោះទេ បើទោះបីជាអ្នកខ្លះសង្ស័យជាករណីឃាតកម្មក៏ដោយ។

ការភ្ញាក់ផ្អើល ប្រទះឃើញសពជនរងគ្រោះនេះ បានកើតឡើងនៅព្រឹកថ្ងៃទី១១ ខែសីហា ឆ្នាំ២០១៦ស្ថិតនៅក្នុងផែស្ងួត «តេងឡាយ» តាមបណ្ដោយផ្លូវអូរឌឹមកប់ស្រូវភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ។ 

ជនរងគ្រោះមានឈ្មោះ ផាត់ វីរៈហៅរឿង អាយុ៣០ឆ្នាំមានស្រុកកំណើត នៅក្នុងភូមិក្រោលគោ ឃុំក្រោលគោ ស្រុកស្វាយជ្រុំ ខេត្តស្វាយរៀងនិងស្នាក់នៅក្នុងក្រុមហ៊ុនខាងលើ។ បើតាមសាក្សី ជនរងគ្រោះបានដេកស្លាប់នៅក្នុងកាប៊ីនរថយន្ត១គ្រឿង ម៉ាកនីស្សាន់ឌីសែល ពណ៌ខៀវពាក់ស្លាកលេខ ភ្នំពេញ3A-8639។ សម្រាប់ករណីខាងលើនេះ ខាងក្រុមហ៊ុន «តេងឡាយ» បានព្យាយាមលាក់បាំង និងដេញអ្នកកាសែត មិនឲ្យចូលទៅយកព័ត៌មាននោះឡើយ៕

ប្រភព ៖

កំណត់ហេតុខ្មែរឡូត៖

ដោយឡែក ករណីមួយផ្សេងទៀត កាលពីលើកមុន   ស្ថិតក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ ខណៈសមត្ថកិច្ចជំនាញកុសល្យវិច្ច័យ បានដាក់ការសង្ស័យថា ជាអំពើឃាតកម្ម។

លោក ឯក សេរីវុធ អធិការរងនគរបាលយុត្តិធម៌ខណ្ឌជ្រោយចង្វារ បានប្រាប់ឲ្យដឹងថា ជនរងគ្រោះជាស្ត្រីដែលបានដេកស្លាប់ហើមស្អុយ រលួយនេះ នៅពុំទាន់ស្គាល់ពីអត្តសញ្ញាណ្ណ នៅឡើយទេ ដោយ សមត្ថកិច្ចកំពុងបន្តសហការស្រាវជ្រាវ និងធ្វើកុសល្យវិច្ច័យ ។

លោកបានបន្ដថា បន្ទាប់ពីសហការបើក ការស្រាវជ្រាវប៉ុន្មានម៉ោងក្រោយ និងជំហ៊ានដំបូងកម្លាំងសមត្ថកិច្ច បានដាក់ការសង្ស័យថា ជាករណីឃាតកម្ម ព្រោះស្ត្រីរងគ្រោះដែលស្លាប់នេះ គឺត្រូវជនសង្ស័យដែលមិនស្គាល់ពីអត្តសញ្ញាណសម្លាប់ ដោយប្រើដំបងវាយ បណ្ដាលឲ្យបែកលលាក្បាលពីក្រោយ។

ដោយឡែកសាកសពស្ត្រីរងគ្រោះ ត្រូវបានកម្លាំងសមត្ថកិច្ចមូលដ្ឋានសហការយកទៅតម្កល់ បូជាតាមប្រពៃណីនៅឯវត្តសំបួរមាស ស្ថិតក្នុងខណ្ឌដង្កោ។

បច្ចប្បន្ន កម្លាំងនគរបាលមូលដ្ឋានខណ្ឌជ្រោយចង្វារ កំពុងបន្តសហការ ជាមួយកម្លាំងនគរបាលកុសល្យវិច្ច័យ ដើម្បីស៊ើបអង្កេតរក អត្តសញ្ញាណជនរងគ្រោះ និងកំណត់អត្តសញ្ញាណជនត្រូវសង្ស័យដែលបាន ធ្វើសកម្មភាពវាយសម្លាប់ជនរងគ្រោះ។

ជាមួយគ្នានោះ លោកវរសេនីយ៍ត្រី ឯក សេរីវុធ អធិការរងនគរបាលយុត្តិធម៌ បានអំពាវនាវរកក្រុមគ្រួសារ ដែលបានបាត់សមាជិករបស់ខ្លួន សូមទំនាក់ទំនងលេខទូរស័ព្ទ០១៦ ៨៩៣ ១៣៥/០១២ ៨៩៣ ១៣៥៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ប្រទះឃើញសពអ្នកបើករថយន្តម្នាក់ នៅក្នុងផែស្ងួត «តេងឡាយ» មិនទាន់ដឹងមូលហេតុ

ប្រទះឃើញសពអ្នកបើករថយន្តម្នាក់ នៅក្នុងផែស្ងួត «តេងឡាយ» មិនទាន់ដឹងមូលហេតុ

ប្រទះឃើញសពអ្នកបើករថយន្តម្នាក់ នៅក្នុងផែស្ងួត «តេងឡាយ» មិនទាន់ដឹងមូលហេតុ

ប្រទះឃើញសពអ្នកបើករថយន្តម្នាក់ នៅក្នុងផែស្ងួត «តេងឡាយ» មិនទាន់ដឹងមូលហេតុ

ប្រទះឃើញសពអ្នកបើករថយន្តម្នាក់ នៅក្នុងផែស្ងួត «តេងឡាយ» មិនទាន់ដឹងមូលហេតុ