ស្គាល់​អត្តសញ្ញាណ​ពូ​និង​ក្មួយ​ដែល​ត្រូវ​រន្ទះបាញ់​ស្លាប់​នៅ​ថៃ

ខេត្តបន្ទាយមានជ័យ ៖ បើ​តាម​អ្នកឆ្លើយ​ឆ្ក​ង​ព័ត៌មាន​កោះសន្តិភាព​បាន​ឲ្យ​ដឹង​ថា បុរស​ជនជាតិ​ខ្មែរ​ពីរ​រូប​ដែល​ត្រូវ​រន្ទះបាញ់​ស្លាប់ នៅ​ក្នុង​ចំការ​អំពៅ​មួយ​កន្លែង ស្ថិត​ក្នុងស្រុក​អារញ្ញ ខេត្ត​ស្រះ​កែវ ប្រទេស​ថៃ កាលពី​រសៀល​ថ្ងៃ​ទី​១៦ សីហា ២០១៦​នោះ បាន​ត្រូវ​អាជ្ញាធរ​ថៃ​ប្រគល់​ឲ្យ​អាជ្ញាធរ​ខ្មែរ​ដើម្បី​ប្រគល់​បន្ត​ទៅ​ឲ្យ​ក្រុម​គ្រួសារ​ជន​រង​គ្រោះ​យក​ទៅ​ធ្វើបុណ្យ​ហើយ ហើយ​ជន​រង​គ្រោះ​ទាំង​ពីរ​នាក់​នោះ ម្នាក់​ឈ្មោះ​អេ​ង ដេ​ត អាយុ​២៥​ឆ្នាំ និង​ម្នាក់​ទៀត​ឈ្មោះ​អេ​ង ណា អាយុ​២០​ឆ្នាំ អ្នក​ទាំង​ពីរ​មាន​ទីលំនៅ ភូមិ​ព្រៃ​ស្វាយ ឃុំ​អូរ​ស្រឡៅ ស្រុក​ម៉ា​ឡៃ ខេត្តបន្ទាយមានជ័យ​ជា​ពលករ​ទៅ​ធ្វើការ​លើ​ទឹកដី​ថៃ​៕