ខ្យល់កន្ទ្រាក់ បំផ្លាញផ្ទះ ប្រជាពលរដ្ឋ ៧៦ខ្នង នៅក្រុងកំពត

កំពត៖ ផ្ទះពលរដ្ឋ ចំនួន៧៦ខ្នង ក្នុងសង្កាត់ចំនួនពីរ នៃក្រុងកំពត ត្រូវខ្យល់កន្ទ្រាក់ បំផ្លាញ កាលពីម៉ោង៥និង ២០នាទីទៀបភ្លឺ ថ្ងៃទី១៩ ខែសីហា ឆ្នាំ២០១៦។

នគរបាលក្រុង បានប្រាប់ឲ្យដឹងថា ខ្យល់កន្ទ្រាក់ បណ្តាលឲ្យប៉ះពាល់ រលំផ្ទះ ប៉ើដំបូល ក្នុងសង្កាត់ចំនួន០២ នៃភូមិសាស្ត្រក្រុងកំពត ដែលក្នុងរួមមាន នៅសង្កាត់ត្រើយកោះ ចំនួន៤២ខ្នង ក្នុង ភូមិចំនួន៣ ទី១.ភូមិស្រែចំនួន២៦ខ្នង ធ្ងន់ធ្ងរ៤ខ្នង, ទី២.ភូមិ បឹងតាព្រាម ៩ខ្នងផ្ទះ ៣ខ្នងប៉ះពាល់ធ្ងន់ធ្ង ឃ្លាំងអំបិល ចំនួន២ខ្នង រងផលប៉ះពាល់ធ្ងន់ធ្ងរ និងទី៣.ភូមិដូនតោក ៧ខ្នង ធ្ងន់ធ្ងរ ៤ខ្នង។

មន្រ្តីនគរបាល ដដែលបានបន្តថា ដោយឡែក ក្នុងសង្កាត់អណ្តូងខ្មែរ ប៉ះពាល់ ១ភូមិ គឺភូមិតាឌឹប ចំនួន៣៤ខ្នងផ្ទះ ក្នុងនោះរលំខូចខាតទាំងស្រុង ៣ខ្នង ករណីខ្យល់កន្ទ្រាក់ រលំផ្ទះ ប៉ើងដំបូល ជញ្ជាំង ខាងលើ មិនបណ្តាលឲ្យប៉ះពាល់ ដល់ជីវិតមនុស្ស និងសត្វឡើយ៕

ប្រភព ៖

ការចាប់អារម្មណ៍ខ្មែរឡូត៖

គួររំលឹកថា កាលពីថ្ងៃម្សលមិញនេះដូចគ្នា នៅឯព្រះសីហនុនិងច្រើននាក់ទៀត​ជួយ សង្រ្គោះ​ទាន់ពេលវេលា។

នៅម៉ោងប្រមាណ ៤រសៀលថ្ងៃទី១៩ ខែសីហា ឆ្នាំ២០១៦នេះ នៅឆ្នេរសមុទ្រក្នុងឆ្នេរអូរឈើទាល បានជួបខ្យល់គួចខ្លាំង បណ្តាលរលកសមុទ្របក់បោកខ្លាំង រហូតបណ្តាលឲ្យអ្នកលេង ទឹកសមុទ្រម្នាក់ស្លាប់ និងជាច្រើននាក់ទៀតបានជួយសង្រ្គោះទាន់ពេលវេលា។

យោងតាមសេចក្តីរាយការណ៍ ព័ត៌មានបឋមបានឲ្យដឹងថា នៅមុនពេលកើតហេតុមានអ្នកទេសចរជាតិ និងអន្តរជាតិជាច្រើននាក់នាំគ្នា លេងទឹកនៅឆ្នេរអូរឈើទាល នៅចំណុចតូបលេខ៦៦៦ ស្ថិតក្នុងសង្កាត់លេខ៤ ក្រុងខេត្តព្រះសីហនុ ស្រាប់តែមានខ្យល់បោកបក់ និងគួចខ្លាំងលាយឡំជាមួយភ្លៀងបង្កជារលកសមុទ្រធំៗ បោកលើអ្នកលេងទឹកសមុទ្រ។

ភ្លាមៗនោះ អ្នកលេងទឹកសមុទ្រ បានផ្អើលឈូឆររត់ឡើងគោក តែជាអកុសល្យ បុរសម្នាក់បានលង់ទឹកស្លាប់ភ្លាមៗ បើទោះបីជាមានការ ព្យាយាមជួយសង្រ្គោះយ៉ាងណាក្តី។ ដោយឡែកភ្ញៀវទេសចរ ជាច្រើនទៀត ត្រូវបានក្រុមម៉ូតូទឹកនៅកន្លែងកើតហេតុ បានចេញជួយសង្រ្គោះទាន់ពេលវេលា។

ក្រោយការសួរនាំ ជនរងគ្រោះដែលបានស្លាប់នេះមានឈ្មោះ កាន់ គុយហ៊ាង អាយុ៤៨ឆ្នាំ ជាកូនតាកូយ យាយផេត ផ្ទះនៅផ្លូវកណ្តាល ក្រុងកំពង់ចាម ហើយនៅពេលនេះសពកំពុងដឹកយកទៅផ្ទះឯស្រុកកំណើត ទឹកដីខេត្តកំពង់ចាម។

ជុំវិញបញ្ហានេះប្រជាពលរដ្ឋ បានធ្វើការរឹះគន់ត្រង់ៗ មកអាជ្ញាធរពាក់ព័ន្ធ ជាពិសេសគណៈកម្មាធិការគ្រប់គ្រង់ និង អភិវឌ្ឍតំបន់ឆ្នេរខេត្ត ថាអត់សមត្ថភាពក្នុងការការពារសុវត្ថិភាពជូនភ្ញៀវទេសចរ ដោយពួកគេហាក់មិនបាន ជូនដំណឹងពីការវិវឌ្ឍន៍ នៃអាកាសធាតុនោះឡើយ ។ សូមរំលឹកថា រដូវនេះជារដូវវស្សា ដែលនៅតាមសមុទ្រឧស្សាហ៍ កើតមានបាតុភូតខ្យល់បោកបក់ខ្លាំង ជាញឹកញាប់ ដែលអាជ្ញាធរគ្រប់ គ្រងឆ្នេរ គួរបង្កើនការជូនដំណឹងដល់ភ្ញៀវឲ្យ មានការប្រុងប្រយ័ត្នខ្ពស់ពេល ទៅលេងទឹកសមុទ្រ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ខ្យល់កន្ទ្រាក់ បំផ្លាញផ្ទះ ប្រជាពលរដ្ឋ ៧៦ខ្នង នៅក្រុងកំពត

ខ្យល់កន្ទ្រាក់ បំផ្លាញផ្ទះ ប្រជាពលរដ្ឋ ៧៦ខ្នង នៅក្រុងកំពត