ជប៉ុននឹងផលិត មេដាយអូឡាំពិក ឆ្នាំ២០២០ ពី Smartphone ដែលគេបោះបង់ចោល

ជប៉ុន៖ ទីភ្នាក់ងារសារព័ត៌មានជប៉ុន Nikkei បានចុះផ្សាយឲ្យដឹងថា អ្នករៀបចំកីឡាអូឡាំពិករដូវក្តៅឆ្នាំ២០២០ នៅទីក្រុងតូក្យូ គ្រោងនឹងផលិតមេដាយ មាស ប្រាក់ និងសំរិទ្ធសម្រាប់ប្រគល់ជូនដល់អត្តពលិក  ដោយយកវត្ថុធាតុដើមដែលធ្វើឡើងចេញពីទូរស័ព្ទ Smartphone ចាស់ៗ និងនិងគ្រឿងអេឡិចត្រូនិចដែលគេបោះបង់ចោល។

គួរបញ្ជាក់ថា លោហៈធាតុមានតម្លៃទាំង៣នេះ ត្រូវបានប្រើក្នុងសមាសភាគផ្សេងគ្នា ទៅលើទូរស័ព្ទ និងគ្រឿងអេឡិចត្រូនិចនានា ដោយសារតែពួកវាចម្លងចរន្តបានល្អ និងងាយស្រួលក្នុងការចាក់ពុម្ពជារូបរាងផ្សេងៗផងដែរ។

ប្រភពបន្តថា តម្រូវការសម្រាប់វត្ថុធាតុដើមជាបញ្ហាចោទ ជាឧទាហរណ៍ស្រាប់នៅព្រឹត្តិការណ៍កីឡាអូឡាំពិកក្នុងទីក្រុងឡុងដ៍ ឆ្នាំ២០១២ មាស ៩,៦ គីឡូក្រាម, ប្រាក់ ១ ២១០ គីឡូក្រាម និង ទង់ដែង ៧០០ គីឡូក្រាម ត្រូវបានប្រើដើម្បីធ្វើជាមេដាយសម្រាប់អត្តពលិក។

ប៉ុន្តែសម្រាប់ប្រទេសជប៉ុនវិញ វាមិនមែនជាបញ្ហាអ្វីធំនោះឡើយ សម្រាប់ការរៀបចំមេដាយកីឡាអូឡាំពិកឆ្នាំ២០២០ ដោយសារប្រទេសជប៉ុន ប្រមូលបាន មាស ១៤៣ គីឡូក្រាម  ប្រាក់ ១,៥៥៦ គីឡូក្រាម និងទង់ដែង ១,១១២ គីឡូក្រាម ពីកាកសំណល់អេឡិចត្រូនិកកាលពីឆ្នាំ២០១៤។

ជារៀងរាល់ឆ្នាំ រដ្ឋាភិបាលប្រទេសជប៉ុន ប្រមែលប្រមូលបានកាកសំណល់ជាង ១០០,០០០តោន ពីកាកសំណល់គ្រឿងអេឡិចត្រូនិចសរុប ដែលត្រូវបានបោះចោល ៦៥០,០០០តោន៕

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ជប៉ុននឹងផលិត មេដាយអូឡាំពិក ឆ្នាំ២០២០ ពី Smartphone ដែលគេបោះបង់ចោល
រូបតំណាងមេដាយ

ជប៉ុននឹងផលិត មេដាយអូឡាំពិក ឆ្នាំ២០២០ ពី Smartphone ដែលគេបោះបង់ចោល

ជប៉ុននឹងផលិត មេដាយអូឡាំពិក ឆ្នាំ២០២០ ពី Smartphone ដែលគេបោះបង់ចោល

ជប៉ុននឹងផលិត មេដាយអូឡាំពិក ឆ្នាំ២០២០ ពី Smartphone ដែលគេបោះបង់ចោល