តួកគី កំពុង​ចល័ត​រថក្រោះ ជាង​២០​គ្រឿង ចូល​ទឹក​ដី​ស៊ីរី ​ទោះ​បី​រដ្ឋា​ភិបាល​ស៊ីរី​ថ្កោស​ទោស​ក្ដី

(អង់ការ៉ា)៖ នៅក្នុងប្រតិបត្តិការជីកឫសគល់មួយ សកម្មប្រយុទ្ធរដ្ឋអ៉ីស្លាម ISIS ក្នុងតំបន់ភាគខាងជើង ប្រទេសស៊ីរី ជាប់ព្រំដែនតួកគីនោះ យោធាតួកគីបានសម្រេចបញ្ជូនរថក្រោះជាង ២០គ្រឿងចូលទៅក្នុង ទឹកដីស៊ីរីនោះតែម្តង ហើយក៏បានអះអាងទៀតថា នឹងបញ្ជូនទៅបន្ថែមទៀត ប្រសិនបើចំាបាច់។ នេះបើតាមការចេញផ្សាយនៅមុននេះ បន្តិចដោយសារព័ត៌មាន ABC News នារសៀលថ្ងៃព្រហស្បតិ៍ ទី២៥ ខែសីហា ឆ្នាំ២០១៦។

តួកគី កំពុង​ចល័ត​រថក្រោះ ជាង​២០​គ្រឿង ចូល​ទឹក​ដី​ស៊ីរី ​ទោះ​បី​រដ្ឋា​ភិបាល​ស៊ីរី​ថ្កោស​ទោស​ក្ដី

នេះជាការសងសឹក ចំពោះការបំផ្ទុះគ្រាប់បែកសម្លាប់ជនជាតិតួកគី ៥៤នាក់ និងរបួស ២០០នាក់ កាលពីសប្តាហ៍មុន ហើយនៅសប្តាហ៍នេះ កងទ័ពតួកគីបានបើកការវាយប្រហារទ្រង់ទ្រាយធំ និងបានផ្តាច់ជីវិតពួក ISIS ចំនួន ៤៦នាក់ នៅភាគខាងជើងស៊ីរី ប៉ុន្តែវាក៏ត្រូវបានរដ្ឋាភិបាលស៊ីរី ប្រកាសថ្កោលទោស ដោយបានចោទថា ជាទង្វើរំលោភបំពានទឹកដី របស់ខ្លួន។

រដ្ឋាភិបាលតួកគី បានចេញសេចក្តីថ្លែងការណ៍នៅថ្ងៃពុធថា ពីដំបូងយោធាតួកគីបានចាប់ផ្តើមបើកការ វាយប្រហារដោយកាំភ្លើងធំ ទៅលើទីក្រុង Jarablus តាមព្រំដែនស៊ីរី ដែលបានធ្វើឡើងតាំងពីម៉ោង ១៖០០នាទី រំលងអាធ្រាត ឈានចូលថ្ងៃពុធ។ ផ្សែងហុយខ្មួលខ្មាញ់ចេញពីទីក្រុង ISIS ខាងលើនេះ ត្រូវបានសារព័ត៌មាន CNN ចាប់រូបភាពបានពី ទីក្រុង Karkamis របស់ប្រទេសតួកគី ផងដែរ៕

ប្រភព ៖ khmertalking

  • តួកគី កំពុង​ចល័ត​រថក្រោះ ជាង​២០​គ្រឿង ចូល​ទឹក​ដី​ស៊ីរី ​ទោះ​បី​រដ្ឋា​ភិបាល​ស៊ីរី​ថ្កោស​ទោស​ក្ដី已关闭评论
  • 11 views
  • Hide Sidebar
    A+
Publish on:2016/08/25  Category:កំសាន្ត
Tags: