នឹក​ស្រណោះ​ពី​ថ្ងៃ​ត្អូញ​ប្រាប់​គេ​ឯងថា «​ឈឺ​គ្រាប់ភ្នែក​ណាស់​»

ខេត្តកណ្ដាល​ ៖ ​សេចក្តីរាយការណ៍ឱ្យ​ដឹងថា បុរសម្នាក់ជាមេបញ្ជាការរង​កងពលតូច​ដឹក​ជញ្ជូន​លេខ​៩០ ​ត្រូវ​បានគេ​ដេក​ស្លាប់​នៅ​លើ​សួន​ច្បារ​​​ក្នុង​ទីធ្លា​​ទីបញ្ជាការដ្ឋាន កាលពី​​វេលា​ទៀបភ្លឺថ្ងៃទី​៣០ សីហា ២០១៦ បង្កឱ្យមានការ​ភ្ញាក់ផ្អើល​យ៉ាង​ខ្លាំង ហើយ​កម្លាំង​នគរបាល​ព្រហ្មទណ្ឌ​ស្រុក​អង្គស្នួល​បាន​ចុះ​ទៅ​កាន់​ទីនោះ ធ្វើការ​ពិនិត្យ​កោ​សល្យវិច័យ ហើយសន្និដ្ឋានថា ​សង្ស័យ​ស្លាប់​ដោយ​ជំងឺលើសឈាម ព្រោះ​បើតាម​ក្រុម​គ្រួសារ​ថា ​គាត់​មាន​ជំងឺលើសឈាម​ច្រើន​ឆ្នាំ​​មក​ហើយ​ ។

បើតាមប្រភពពី​ឈ្មោះឡុ​ង សុ​ផា​ន់​ណា ភេទ​ប្រុស​ អាយុ​៣២​ឆ្នាំ ​ត្រូវជា​កូនបង្កើត​ជន​រង​គ្រោះប្រាប់ឱ្យដឹង​ថា ​​ឪពុក​របស់​ខ្លួនមាន​អាយុ​៥៦​ឆ្នាំ ជាមេបញ្ជាការរង​កងពលតូច​ដឹក​ជញ្ជូនលេខ​៩០ មាន​ទីលំនៅ​​ក្នុងភូមិ​ទួលសង្កែ សង្កាត់​ទួល​សង្កែ ខណ្ឌប្ញស្សី​កែវ រាជ​ធានី​ភ្នំពេញ​ ។​ សព្វថ្ងៃ លោក​មានជំ​ងឺ​ប្រចាំ​កាយ​ (ជំងឺលើសឈាម) ជាយូរ​ឆ្នាំ​​​មក​ហើយ មើល​មិនជា​នោះ​ទេ ។

ហើយនៅថ្ងៃកើតហេតុ ត្រូវ​សង្ស័យជំងឺ​គាត់​រើ​ឡើង ហើយ​គ្មាន​អ្នក​នៅ​ក្បែរដឹង ទើប​ដួល​បណ្ដាល​​​ឱ្យស្លាប់​បែប​នេះ​ ។ ​​ក្រុម​គ្រួសារ មិន​បាន​ប្ដឹងផ្ដល់​អ្វី​នោះ​ឡើយ​ ។

ចំណែកនគរបាលក៏​បានឱ្យដឹង​ដែរថា ​​កាលពី​វេលា​ម៉ោង​៤​រសៀល​ថ្ងៃ​ទី​២៩ ​សីហា ​២០១៦ លោក​ឧត្តមសេនីយ៍ត្រី ឡុ​ង សា​វុ​ធ បាន​អង្គុយ​លេង​នៅ​លើ​សា​ឡុ​ង​ខាង​មុខ​​ទីបញ្ជាការ ហើយ​បាន​និយាយ​ត្អូញត្អែ​រ​ប្រាប់​លោក​ថា គាត់​ហាក់​ឈឺ​គ្រាប់ភ្នែក​ខ្លាំង​​ណាស់ មិន​បាន​ទៅ​ហូប​បាយ​នោះ​ទេ​ ។ ​បន្ទាប់​មក ​គាត់​ក៏​ចូល​ទៅ​សំរាក​ក្នុង​បន្ទប់​របស់​គាត់​បាត់​ទៅ និង​ក្រោយមក​ មិន​មាន​នរណា​បាន​ដឹង​ថា មាន​បញ្ហា​អ្វី​កើតឡើង ​​។

​លុះដល់​វេលា​ម៉ោង​០៣​ និង​៤៥​នាទីជិត​ភ្លឺ​ (ថ្ងៃ​កើតហេតុ) លោក​ឃួ​ន ឈឿ​ន​ បាន​ក្រោក​ដើរ​ចេញពី​ក្នុង​បន្ទប់ ដើម្បី​បត់ជើងតូច​ ក៏​ប្រទះ​ឃើញ​លោក​ឧត្តមសេនីយ៍ត្រី ឡុ​ង សា​វុ​ធ ដួល​ដេក​ស្លាប់ នៅ​លើ​សួនច្បារ​ខាង​មុខ​ទីបញ្ជាការ ដោយ​មាន​ស្លៀក​ក្រមាព័ទ្ធ​ពី​ខាងក្រៅ និងមាន​ស្លៀក​ខោខ្លី​ខាងក្នុង ទើប​ង្ក​ឲ្យ​មានការ​ភ្ញាក់ផ្អើល​ឡើង​តែ​ម្ដង​។

ប្រភព ៖

កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីលើកមុន ភ្លាម​ៗ​នោះ​អ្នកធ្វើការ​ជាមួយ​ក៏​បញ្ជូន​ទៅ​សង្គ្រោះ តែ​ជា​អកុសល​ពេល​ដល់​មន្ទីរពេទ្យ​ជន​រង​គ្រោះ​បាន​ស្លាប់​បាត់​ទៅ​ហើយ ។

ហេតុការណ៍​នេះ​កើតឡើង​កាលពី​វេលា​ម៉ោង​ម៉ោង​ជិត​១០​ព្រឹក​ ថ្ងៃ​ទី​២៨ ខែសីហា ឆ្នាំ​២០១៦ នៅ​ក្នុង​ហាង​ខារ៉ាអូខេ យីហោ​ឌឹ​ហ្គោ​ល ស្ថិត​ក្នុងភូមិ​បា​លិ​លេ​យ្យ​២ សង្កាត់​ប៉ោយ​ប៉ែ​ត ក្រុង​ប៉ោយ​ប៉ែ​ត ។

សមត្ថកិច្ច​បាន​ឲ្យ​ដឹង​ថា ជន​រង​គ្រោះ​ឈ្មោះ និ​ន សុ​ភ័​ណ ភេទ​ប្រុស អាយុ​២៧​ឆ្នាំ ជា​ជាង​ពិ​ដាន មាន​ទីលំនៅ​ភូមិ​មល់ ឃុំរ​កាត ស្រុក​ភ្នំ​ក្រ​វ៉ា​ញ ខេត្តពោធិ៍សាត់ ។

ឈ្មោះ អ៊ា​ត ច​ន ភេទ​ប្រុស អាយុ​២៤​ឆ្នាំ ជា​កម្មករ​រួម​អាជីព​ជាមួយ​ជន​រង​គ្រោះ​បាន​ប្រាប់​សមត្ថកិច្ច​ថា ដំបូង​ជន​រង​គ្រោះ​ឡើង​ទៅ​រៀប​ពិ​ដាន​ឡៅតឿ​នៅ​ចំណុច​ខារ៉ាអូខេ​ខាងលើ ស្រាប់តែ​ស្រែក​អូយ បន្ទាប់​មក​ក៏​ទ្រេត​ខ្លួន​ប្រុង​ធ្លាក់ តែ​ខ្លួន​ត្រកង​បី​ទាន់​ពេល តែ​ជន​រង​គ្រោះ​ខាំធ្មេញ ហើយ​ដៃជើង​ញ័រ​ដូច​ចាប់​អង្រួន​អ៊ីចឹង មិនដឹង​ថា ជា​ករណី​ឆក់ ឬ​ខ្យល់គរ​នោះ​ទេ ។ 

ក្រុម​កម្មករ​រួម​អាជីព​បន្ត​ថា ពេល​ភ្លាម​ៗ​នោះ​ក៏​នាំ​គ្នា​បញ្ជូន​ជន​រង​គ្រោះ​ទៅ​កាន់​មន្ទីរពេទ្យ​បង្អែក​ក្រុង​ប៉ោយ​ប៉ែ​ត តែ​ពេល​ទៅ​ដល់​ក្រុម​គ្រូពេទ្យ​ប្រាប់​ថា ជន​រង​គ្រោះ​បាន​ដាច់ខ្យល់​ស្លាប់​ទៅ​ហើយ ។

យោង​ការ​លើក​ឡើង​របស់​កម្មករ​រួម​អាជីព​ដែល​ថា ក្រោយ​ជន​រង​គ្រោះ​ស្រែក​នាំ​គ្នា​ទៅ​បីត្រកង ហើយ​ជន​រង​គ្រោះ​ដៃជើង​ជាប់​លើ​រន្ទា​តែ​មិន​ឆក់​ដល់​ពួក​ខ្លួន​នោះ បាន​ធ្វើ​ឲ្យ​កើតជា​ច​ម្ង​ល់ ហើយ​ដាក់​ការ​សង្ស័យ​ថា ជន​រង​គ្រោះ​អាច​កើត​ជម្ងឺ​ខ្យល់គរ ។

ជុំវិញ​បញ្ហា​ខាងលើ​នេះ លោក អ៊ឹម សុ​ភារៈ មេ​ប៉ុស្តិ៍​រដ្ឋបាល​នគរបាល​សង្កាត់​ប៉ោយ​ប៉ែ​ត​បាន​ប្រាប់​ឲ្យ​ដឹង​ថា យោង​ការ​សួរនាំ​ពី​កម្មករ​រួម​អាជីព ខ្លះ​ថា​សង្ស័យ​ឆក់​ចរន្ត​អគ្គី​ស​នី ព្រោះ​ជន​រង​គ្រោះ​ដាក់​រន្ទា​ចំ​លើ​ខ្សែភ្លើង ។ យ៉ាងណា​ក៏​ដោយ​ករណី​ខាងលើ លោក​មិន​ទាន់​ប្រាកដ​ថា​ជា​ករណី​ស្លាប់​ដោយ​អ្វី​ពិតប្រាកដ​នៅឡើយ​ទេ រង់ចាំ​ការ​ធ្វើការ​ត្រួតពិនិត្យ និង​កោសល្យ​វិ​ច្ច័​យ​ពី​ជំនាញ​សិន ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

នឹក​ស្រណោះ​ពី​ថ្ងៃ​ត្អូញ​ប្រាប់​គេ​ឯងថា «​ឈឺ​គ្រាប់ភ្នែក​ណាស់​»

នឹក​ស្រណោះ​ពី​ថ្ងៃ​ត្អូញ​ប្រាប់​គេ​ឯងថា «​ឈឺ​គ្រាប់ភ្នែក​ណាស់​»

នឹក​ស្រណោះ​ពី​ថ្ងៃ​ត្អូញ​ប្រាប់​គេ​ឯងថា «​ឈឺ​គ្រាប់ភ្នែក​ណាស់​»