​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

គេហទំព័រទេសចរណ៍អន្តរជាតិ Touropia បានចាត់ថ្នាក់សំណង់ប្រាសាទថ្មីចាស់ មិនប្រកាន់សាសនា នៅជុំវិញពិភពលោក ដោយរកឃើញប្រាសាទចំនួន ១០មានទំហំធំជាងគេ ក្នុងនោះកម្ពុជាមានប្រាសាទអង្គរវត្ត ទទួលបានចំណាត់ថ្នាក់លេខ១ កំពូលគេ។

១០. ប្រាសាទ Baalbek នៅប្រទេសលីបង់

ប្រាសាទ Baalbek ឬគេស្គាល់ថា Heliopolis ត្រូវបានសាងសង់ឡើងតាំងពីសតវត្សទី ១មុនគ.ស មានបណ្ដោយ ៦៩ម៉ែត្រ ទទឹង ៣៦ម៉ែត្រ កម្ពស់ ១៩ម៉ែត្រ និងសសរបញ្ឈរចំនួន ៤២ដើម។ ជនជាតិរ៉ូម៉ាំងបានសង់វាឡើងក្នុងរយៈពេលជាង ២សតវត្សទើបរួច។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៩. វិហារគ្រិស្ត Christ the Saviour នៅរុស្ស៊ី

Christ the Saviour ជាវិហារសាសនាគ្រិស្តខ្ពស់បំផុតនៅក្នុងលោក កម្ពស់ ១០៣ម៉ែត្រ ដែលត្រូវបានកសាងក្នុងសតវត្សទី ១៩ និងរយៈពេល ៤០ឆ្នាំ។ ក្នុងឆ្នាំ១៩៣១ វិហារនេះត្រូវបានគេកម្ទេច ក្រោមបញ្ជារបស់មេដឹកនាំស្តាលីន ដើម្បីធ្វើជាវាំងរបស់សូវៀត។ រហូតដល់ឆ្នាំ ១៩៩០ វិហាររុស្ស៊ី Russian Orthodox ទទួលបានការអនុញ្ញាតឲ្យស្ថាបនាវិហារឡើងវិញ និងរួចជាស្ថាពរក្នុងឆ្នាំ ២០០០។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៨. វិហារ Saint Sava នៅប្រទេសស៊ែប៊ី

វិហារនេះចាប់ផ្ដើមសាងសង់ក្នុងឆ្នាំ ១៩៨៥ និងបញ្ចប់ក្នុងឆ្នាំ ២០០៤ តែគ្រឿងតុបតែងមិនទាន់រួចរាល់។ វាមានប្រវែង ៩១ម៉ែត្រ ទទឹង ៨១ម៉ែត្រ កម្ពស់ ៧០ម៉ែត្រ និងនៅលើផ្ទៃដី ៣ ៥០០ម៉ែត្រការ៉េ។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៧. ប្រាសាទ Tikal ឬប្រាសាទបួន នៅសាធារណរដ្ឋហ្គាតាម៉ាឡា

Tikal ជាទីក្រុងMayan ធំបំផុត ក្នុងចន្លោះឆ្នាំ ២០០ ដល់ ៩០០នៃគ.ស ដែលកាលនោះមានប្រជាជនរស់នៅ ១០ទៅ ២០ម៉ឺននាក់។ ប្រាសាទនេះមានកម្ពស់ ៧២ម៉ែត្រ និងបញ្ចប់ការសាងសង់នៅឆ្នាំ ៧០២។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៦. ចេតិយ Jetavanaramaya នៅស្រីលង្កា

Jetavanaramaya ស្ថិតនៅទីក្រុង Anuradhapura ប្រទេសស្រីលង្កា ដែលជាចេតិយធំបំផុតលើលោក។ សំណង់នេះត្រូវបានកសាងដោយស្ដេច Mahasena ក្នុងសតវត្សទី៣ ចំណាយពេល ១៥ឆ្នាំ និងឥដ្ឋ ៩៣,៣លានដុំ ជាមួយកម្ពស់ ១២២ម៉ែត្រ។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៥. ប្រាសាទ Sri Ranganathaswamy នៅឥណ្ឌា

ប្រាសាទនេះសង់ឡើងសម្រាប់ឧទ្ទិសដល់ព្រះវិស្ណុ សង់ក្នុងសតវត្សទី១៧ លើផ្ទៃ ១៥៦អា មានប៉មចំនួន ២១ និងកម្ពស់ ៧៣ម៉ែត្រ។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៤. ប្រាសាទ Akshardham នៅឥណ្ឌា

ប្រាសាទនេះទើបសាងសង់បញ្ចប់ក្នុងឆ្នាំ ២០០៥ របស់អង្គការ BAPS ដោយកំពូលកណ្ដាលគេកម្ពស់ ៤៣ម៉ែត្រ ទទឹង ៩៦ម៉ែត្រ និងប្រវែង ១១០ម៉ែត្រ ជាមួយសួនច្បារខាងក្រោមយ៉ាងស្រស់បំព្រង។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

៣. ប្រាសាទ Borobudurនៅឥណ្ឌូណេស៊ី

ប្រាសាទបុរាណរាងជាន់ថ្នាក់ៗ នេះស្ថិតនៅកោះជ្វា ចម្ងាយ ៤០គីឡូម៉ែត្រភាគខាងពាយ័ព្យទីក្រុង Yogyakarta.។ Borobudur ត្រូវបានសង់ក្នុងសតវត្សទី៨ និងជាប្រាសាទសម្រាប់ព្រះពុទ្ធសាសនាធំជាងគេបំផុតក្នុងលោក។ ដុំថ្មប្រើសម្រាប់សង់មានចំនួន ២លានដុំ ក្នុងទំហំ ១២៣ x ១២៣ម៉ែត្រ កំពូលខ្ពស់ជាងគេកម្ពស់ ៣៥ម៉ែត្រ។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

២. ប្រាសាទ Karnak នៅអេហ្ស៊ីប

Kanak ជាប្រាសាទបុរាណមានបរិវេណធំជាងគេបំផុតក្នុងលោក មានសសរចំនួន ១៣៤ដើម ចំនួន ១៦ជួរសម្រាប់ទ្រដំបូល ដែលមានកម្ពស់ ២៤ម៉ែត្រ។

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

១. ប្រាសាទអង្គរវត្ត នៅកម្ពុជា

ប្រាសាទអង្គរវត្តមានគោបុរៈចំនួនបី គោបុរៈក្រៅគេមានទំហំ ១៨៧ x ២១៥ម៉ែត្រ, គោបុរៈទីពីរមានទំហំ ១០០ x ១១៥ម៉ែត្រ, ខាងក្នុងគេទំហំ ៦០ x ៦០ម៉ែត្រ និងកំពូលកណ្ដាលកម្ពស់ ៦៥ម៉ែត្រ៕

​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១

ប្រភព ៖ vd7news

  • ​​​សំណង់​ប្រាសាទ​​មហិមា​​ទាំង​១០​លើ​​លោក ​​​ខ្មែរ​​លេខ​១已关闭评论
  • 2 views
  • Hide Sidebar
    A+
Publish on:2016/09/01  Category:ជីវិតនិងសង្គម
Tags: