អាជ្ញាធរហុងកុងហាមសិស្សានុសិស្សមិនឲ្យចែកចាយខិតប័ណ្ណនយោបាយ

នៅពេលដែលរដ្ឋាភិបាលហុងកុង កំពុងបង្កើនការគៀបសង្កត់ទៅលើក្រុមអ្នកទាមទារឯករាជ្យផ្តាច់ខ្លួនចេញពីប៉េកាំង សិស្សនៅវិទ្យាល័យនិងអនុវិទ្យាល័យដែលគាំទ្រការទាមទារឯករាជ្យនៅហុងកុង ក៏ត្រូវអាជ្ញាធរហាមប្រាមមិនឲ្យធ្វើសកម្មភាពចែកចាយខិត្តប័ណ្ណនយោបាយនៅពីមុខអគារសាលារៀនដែរ។

ចាប់តាំងពីបវេសនកាលចាប់ផ្តើមនៅសប្តាហ៍មុនមក សិស្សអនុវិទ្យាល័យនិងវិទ្យាល័យនៅហុងកុង បាននាំគ្នាធ្វើការចែកចាយខិត្តប័ណ្ណនយោបាយនៅពីមុខសាលារៀននានាដើម្បីគាំទ្រការទាមទារឯករាជ្យនៅហុងកុង។

ហុងកុងដែលជាអតីតដែនដីអាណានិគមអង់គ្លេសហើយក្លាយជាទឹកដីចិនវិញតាំងពីឆ្នាំ១៩៩៧មក បានស្គាល់វិបត្តិនយោបាយដ៏ធ្ងន់ធ្ងរកាលពីឆ្នាំ២០១៤ ដោយសារតែមានចលនាមហាបាតុកម្មបិទខ្ទប់សង្កាត់នានាទាំងស្រុងនៅហុងកុងដឹកនាំដោយចលនាទាមទារលិទ្ធិប្រជាធិបតេយ្យ។

រីឯ អាជ្ញាធរចិនវិញ តែងតែចាត់ទុកចលនាទាមទារឯករាជ្យនៅហុងកុងនោះ ថាជាចលនាខុសច្បាប់ច្រើនជាងខាងអាជ្ញាធរនៅហុងកុង។

ដោយហេតុថា ថ្វីត្បិតមានការហាមប្រាមពីសំណាក់អាជ្ញាធរតំបន់ មិនឲ្យខាងចលនាទាមទារឯករាជ្យឈរឈ្មោះនៅក្នុងការបោះឆ្នោតសភានៅហុងកុងក្តី ក៏នៅតែមានបេក្ខជន៥នាក់ដែលមកពីខាងអ្នកទាមទារឯករាជ្យ បានជាប់ឆ្នោតជាសមាជិកក្រុមប្រឹក្សានីតិបញ្ញត្តិហុងកុងជាលើកដំបូងបង្អស់ដែរ។

ក្នុងពេលនេះ ពួកសិស្សានុសិស្សទាំងអស់ បានពន្យល់ប្រាប់អ្នកសាព័តមានថា បុគ្គលិកធ្វើការនៅអគារវិទ្យាល័យ បានរារាំងឃាត់ពួកគេមិនឲ្យចែកចាយខិត្តប័ណ្ណនិងក៏មិនឲ្យឆ្លើយតបនឹងសំណួររបស់អ្នកកាសែតផងដែរ-នេះជាសេចក្តីជូនដំណឹងមួយធ្វើឡើងដោយក្រុមសិស្សវិទ្យាល័យនិងអនុវិទ្យាល័យមកពីអគារសិក្សាចំនួន២១កន្លែង។

មិនតែប៉ុណ្ណោះ បុគ្គលិកបំរើការងារនៅវិទ្យាល័យ បានគំរាមទៀតថា”បើសិនជា មានសាលារៀនផ្សេងៗទៀត ព្យាយាមចង់ដាក់គំនាបលើអ្នកដឹកនាំសាលារៀន នោះពូកគេក៏មិនខ្លាចនឹងតបតដោយប្រើធម៌ក្តៅវិញដែរ។

ដោយឡែក យោងតាមកាសែត The South China Morning Post ក្រុមនិស្សិតហុងកុង មានបំណងធ្វើការឡោមព័ទ្ធអគារវិទ្យាល័យនានានិងប្រាថ្នាទាមទារឲ្យហុងកុង អាចធ្វើការសម្រេចចិត្តដោយខ្លួនឯងនៅក្នុងការផ្តាច់ខ្លួនចេញពីប្រទេសចិននៅឆ្នាំ២០៤៧។

នៅខណៈនេះ រដ្ឋាភិបាលហុងកុង បានសុំឲ្យគ្រូបង្រៀនទាំងអស់ កុំឲ្យធ្វើការគាំទ្រលើកតម្កើងគំនិតខាងលើនេះនៅក្នុងថ្នាក់រៀន បើពុំដូច្នោះទេ ពួកគ្រូទាំងនោះ ច្បាស់ជានឹងត្រូវអាជ្ញាធរចាប់ថ្នាក់ជាមិនខាន៕

ប្រភព៖ RFI


អាជ្ញាធរហុងកុងហាមសិស្សានុសិស្សមិនឲ្យចែកចាយខិតប័ណ្ណនយោបាយ

បញ្ហាឆ្លងវីរុសហ្ស៊ីកាធ្វើឲ្យ WHO ប្រាប់បណ្តាជនឲ្យតមការរួមរក្ស ឬក៏រួមរក្សដោយប្រើវិធីការពារសុវត្ថិភាព៦ខែ

អាជ្ញាធរហុងកុងហាមសិស្សានុសិស្សមិនឲ្យចែកចាយខិតប័ណ្ណនយោបាយ

សហរដ្ឋអាមេរិកឲ្យឡាវ៩០លានដុល្លារសម្រាប់ដោះគ្រាប់មិនទាន់ផ្ទុះក្រោយទម្លាក់គ្រាប់បែកច្រើនលានគ្រាប់ក្នុងសម័យសង្គ្រាម