ម្ចាស់​មេ​ដាយ​កីឡា​អូឡាំ​ពិក ១២​សម័យ​របស់​អា​មេ​រិក Lochte នឹង​ត្រូវ​ព្យួរ​ជើង ១០​ខែ ពី​បទ​បង្ក​បញ្ហា​នៅ Rio Olympic 2016(មានវិដេអូ)

(ញូវយ៉ក)៖ កីឡាករជើងខ្លាំងហែលទឹក Ryan Lochte និងជាម្ចាស់មេដាយកីឡាអូឡាំពិក ១២សម័យកាលរបស់អាមេរិកផងដែរនោះ នឹងត្រូវបានព្យួរការប្រកួតរយៈពេល ១០ខែ ពីបទការបង្កអសន្តិសុខ និងភូតកុហកករណីចោរប្លន់ នៅអំឡុង Rio Olympic Games 2016 នៅប្រទេសប្រេស៊ីល។

14233269_1774517962787721_3428155348519887033_n

តាមរយៈសារព័ត៌មាន CNN បានចេញផ្សាយនៅថ្ងៃទី០៨ ខែកញ្ញា ឆ្នាំ២០១៦ នេះដោយបានដកស្រង់សេចក្តីប្រកាស របស់គណៈកម្មាធិការអូឡាំពិកអាមេរិក (USOC) និងសហព័ន្ធកីឡាហែលទឹកអាមេរិក រួមជាមួយគណៈគ្រប់គ្រងកីឡា ជាតិអាមេរិកជាច្រើនរូបទៀត កំពុងជួបប្រជុំគ្នានៅថ្ងៃព្រហស្បតិ៍ ទី០៨ កញ្ញានេះ ដើម្បីដាក់ទណ្ឌកម្មកីឡាករវ័យ៣២ឆ្នាំ Ryan Lochte។

14231935_1774517969454387_6189031744371223693_o

ករណីនេះដែរ Lochte អាចនឹងត្រូវព្យួរការប្រកួតរយៈពេល ១០ខែឡើងទៅទៀតផង នោះមានន័យថា Lochte នឹងត្រូវ អវត្តមានពីការចូលរួមប្រកួតជើងឯកកីឡាហែលទឹកពិភពលោក ឆ្នាំ២០១៧ ដ៏ខ្លីខាងមុខ។

14231398_1774517966121054_1862228633057688646_o

ដូចគ្នានោះដែរ ក្រុមមន្រ្តីអាជ្ញាធរប្រេស៊ីល ក៏បានធ្វើការពិន័យ Lochte ជាទឹកប្រាក់ ១០៨០០ដុល្លាររួចរាល់ដែរ ព្រម ទាំងប្តឹងឲ្យជាប់ពន្ធនាគាររយៈពេល ៦ខែទៀតផង ខណៈដែលមិត្តរួមជាតិរបស់គេ៣រូបផ្សេងទៀត មិនត្រូវបានធ្វើការ ពិន័យអ្វីឡើយ បើទោះបីជាស្ថិតក្នុងហេតុការណ៍នោះជាមួយគ្នាក៏ដោយ។

14225529_1774517996121051_6006969315521806455_n

សូមរំលឹកផងដែរថា អត្តពលិកអាមេរិកទាំង ៤រូបរួមមាន Ryan Lochte, Gunnar Bentz, Jack Conger និង James Feigen បានធ្វើឲ្យខូចខាតរបស់របរបន្តិចបន្ទួចមានតម្លៃត្រឹមតែ ៥០ដុល្លារប៉ុណ្ណោះនៅស្ថានីយ៍ចាក់សាំងមួយកន្លែង ស្ថិតក្នុងទីក្រុង Rio ពេលពួកគេត្រឡប់មកពីប្រកួតកីឡាអូឡាំពិក រដូវក្តៅ ឆ្នាំ២០១៦ តាមតាក់ស៊ីឆ្ពោះទៅកាន់កន្លែង ស្នាក់វិញ តែពួកគេបានបំប៉ោងព័ត៌មានថា មានចោរប្រដាប់ដោយអាវុធប្លន់ពួកគេទៅវិញ នេះបើយោងតាមការឆែក កាមេរ៉ាសុវត្ថិភាព និងលោក Christine Brennan៕

សូមទស្សនាវិដេអូហែលទឹករបស់ Ryan Lochte

ប្រភពពី kmertalking

The post ម្ចាស់​មេ​ដាយ​កីឡា​អូឡាំ​ពិក ១២​សម័យ​របស់​អា​មេ​រិក Lochte នឹង​ត្រូវ​ព្យួរ​ជើង ១០​ខែ ពី​បទ​បង្ក​បញ្ហា​នៅ Rio Olympic 2016(មានវិដេអូ) appeared first on CamboSport.