សង្គម​ស៊ីវិល​ផលិត​ស្នាដៃ​សិល្បៈ​ចំនួន​៥​បង្ហាញ​ពី​កិត្តិសព្ទ​ព្រៃឡង់​

សង្គម​ស៊ីវិល​ដែល​ធ្វើ​ការ​ពាក់ព័ន្ធ​នឹង​កិច្ច​ការពារ​បរិស្ថាន និង​ព្រៃឈើ ចាត់​ទុក​ព្រៃឡង់​ជា​កន្លែង​ដែល​បាន​ផ្ដល់​ជា​ជម្រក និង​សេចក្ដី​ស្រឡាញ់​សម្រាប់​មនុស្ស សត្វ និង​រុក្ខជាតិ​នានា។ ដោយ​មើល​ឃើញ​ពី​អត្ថប្រយោជន៍​របស់​ព្រៃឡង់ សង្គម​ស៊ីវិល​បាន​ផលិត​ស្នាដៃ​សិល្បៈ​ចំនួន​៥ ដើម្បី​បង្ហាញ​ពី​កិត្តិសព្ទ​ដ៏​យូរ​អង្វែង​របស់​ព្រៃឡង់​កម្ពុជា។

ស្នាដៃ​សិល្បៈ​ចំនួន ៥ ដែល​ផលិត​បាន​រួម​មាន ចំរៀង​ចាប៉ី​ដង​វែង​រៀប​រាប់​ពី​ព្រៃឡង់​ចំនួន ៧​បទ ច្រៀង​ដោយ​ក្រុម​សិល្បៈ​ចាប៉ី​អមតៈ វីដេអូ​ចម្រៀង​បែប​សម័យ​យុវវ័យ​មាន​ចំណង​ជើង​ថា "ជិះកង់" ច្រៀង​ដោយ​លោក ជីមី ឃីស (Jimmy Kiss) ផ្ទាំង​រូប​គំនូរ​និយាយ​ពី "លោក​តា​ព្រៃឡង់" គូរ​ដោយ​ស្រ្តី​ខ្មែរ​ម្នាក់​រស់​នៅ​ប្រទេស​អាល្លឺម៉ង ខ្សែ​ភាពយន្ត​ខ្លី​ដែល​មាន​ចំណង​ជើង​ថា "ព្រៃចុងក្រោយ" ផលិត​ដោយ​ផលិតកម្ម ឃីត មេឌា (Kid Media) និង​ស្នាដៃ​ទី​៥ មហោស្រព​ព្រៃឈើ​កម្ពុជា។

ស្នាដៃ​សិល្បៈ​ទាំង​៥ បង្ហាញ​ពី​កិត្តិសព្ទ​ព្រៃឡង់​កម្ពុជា​នេះ ត្រូវ​បាន​បង្ហាញ​ឡើង​នៅ​ក្នុង​កម្មវិធី​ព្រឹត្តិការណ៍​វប្បធម៌ ដើម្បី​ផ្សព្វផ្សាយ​អំពី​ព្រៃឡង់​ដែល​ប្រារព្ធ​ឡើង​នា​មជ្ឈមណ្ឌល​វប្បធម៌​បារាំង នៅ​ថ្ងៃ​ទី​៩ ខែ​កញ្ញា។

សូម​រង់ចាំ​អាន​និង​ស្ដាប់​ព័ត៌មាន​ពិស្ដារ...

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។