កម្ពុជានាំចេញអង្ករ បាន៣២ម៉ឺនតោន ធ្លាក់ចុះ៦ភាគរយ នៅរយៈពេល៨ខែ ឆ្នាំ២០១៦នេះ

(ភ្នំពេញ)៖ របាយការណ៍របស់លេខាធិការដ្ឋាន ច្រកចេញចូលតែមួយ សម្រាប់បំពេញបែបបទនាំចេញអង្ករ បានបញ្ជាក់ថា នៅរយៈពេល ៨ខែ ឆ្នាំ២០១៦នេះ កម្ពុជាបានចេញអង្ករបាន៣២ម៉ឺនតោន ធ្លាក់ចុះ៦ភាគរយ បើធៀបនឹងរយៈពេលដូចគ្នាឆ្នាំ២០១៥។

របាយការណ៍បានបញ្ជាក់ថា ចាប់ពីខែមករា ដល់ខែសីហា ឆ្នាំ២០១៦ កម្ពុជានាំចេញអង្ករបាន ៣២០,០៧៦តោន ធ្លាក់ចុះ ៦.៤ភាគរយ បើធៀបនឹងរយៈពេលដូចគ្នាកាលពីឆ្នាំ២០១៥ ដែលមាន ៣៤២,១៣៦តោន។   

សូមជម្រាបថា នៅឆ្នាំ២០១៥ កម្ពុជាអាចនាំអង្ករចេញ បានជាងកន្លះលានតោន៕

ប្រភព ៖

កំណត់ហេតុខ្មែរឡូត៖

ដោយឡែក ករណីមួយផ្សេងទៀត កាលពីលើកមុន 

បើតាមប្រធាន និង ជាអគ្គនាយក ស្ថាប័នខាងលើ លោក Jeremy Zwinger បានឲ្យដឹងថា ការប្រកួតប្រជែងនេះ គឺមានការចូលរួម ពីអង្ករចំនួន ២៥ ប្រភេទ ដែលមកពី បណ្តាប្រទេស ដូចជា កម្ពុជា, ថៃ, វៀតណាម, ឥណ្ឌា, មីយ៉ាន់ម៉ា និង សហរដ្ឋអាមេរិក។ លោកបានបន្តទៀតថា ដោយផ្អែកទៅលើ រូបរាងខាងក្រៅ និង រសជាតិរបស់អង្ករនោះ អង្កររបស់កម្ពុជា និងថៃ ត្រូវបានជ្រើសរើស ជាប់ជាអង្ករល្អបំផុត របស់ពិភពលោក។

«នេះជាឆ្នាំទីបីតៗគ្នាហើយ ដែលអង្ករផ្ការំដួល របស់យើង អាចជាប់ជា អង្ករល្អបំផុត របស់ពិភពលោក។ វាអាចជា មោទនភាពមួយ សម្រាប់កម្ពុជា ដែលអាចឆ្លុះបញ្ចាំងពី គុណភាពខ្ពស់ និងរសជាតិឆ្ងាញ់ របស់អង្ករកម្ពុជា។ ខ្ញុំសង្ឃឹមថា ពានរង្វាន់នេះ នឹងអាចជម្រុញកេរ្តិ៍ឈ្មោះ របស់អង្ករខ្មែរ ឲ្យល្បីល្បាញនៅលើឆាក អន្តរជាតិ»។ នេះបើតាមសម្តី របស់លោក សុខ ពុទ្ធិវុធ ប្រធានសហព័ន្ធ ស្រូវអង្ករកម្ពុជា។

គួរបញ្ជាក់ផងដែរថា បើគិតពីដើមឆ្នាំ ២០១៤ មកដល់ពេលនេះ ដែលមានរយៈពេល សរុបទាំងអស់ ១០ ខែនោះ កម្ពុជាបាននាំចេញ អង្ករ សរុប ៣០៤ ៧៨៨ តោន ដែលរកបាន ប្រាក់ចំណូល សរុបប្រមាណជា ១៨០ លានដុល្លារ សហរដ្ឋអាមេរិក៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

កម្ពុជានាំចេញអង្ករ បាន៣២ម៉ឺនតោន ធ្លាក់ចុះ៦ភាគរយ នៅរយៈពេល៨ខែ ឆ្នាំ២០១៦នេះ

កម្ពុជានាំចេញអង្ករ បាន៣២ម៉ឺនតោន ធ្លាក់ចុះ៦ភាគរយ នៅរយៈពេល៨ខែ ឆ្នាំ២០១៦នេះ