ហួសចិត្ត ! ខ្លួន​ជា​អ្នកកាសែត​បែរជា​នាំ​ស្រី​ស្នេហ៍​និង​គូកន​ធ្វើ​បែប​នេះ

ខេត្ត​កែប ៖ អ្នកកាសែត​ម្នាក់ និង​ស្រី​ស្នេហ៍ ព្រមទាំង​គូកន​ម្នាក់​ទៀត​ត្រូវ​បាន​សមត្ថកិច្ច​ចាប់ខ្លួន​នៅ​ក្នុង​សណ្ឋាគារ អូ​ប៉ា​រ៉ា​ឌី ប្លឺ​រ ដែល​មាន​ទីតាំង​ស្ថិត​នៅ​ក្នុងភូមិ​កែប សង្កាត់​កែប ក្រុងកែប ខេត្ត​កែប​កាលពី​ព្រឹក​ថ្ងៃ​ទី​១០ ខែកញ្ញា ឆ្នាំ​២០១៦ ដោយ​ចោទប្រកាន់​ពី​បទ​រក្សា​ទុក ចែកចាយ និង​ប្រើប្រាស់​គ្រឿងញៀន ។

បើ​តាម​សមត្ថកិច្ច​ចម្រុះ​ដែល​ចុះ​បង្ក្រាប​បាន​ឲ្យ​ដឹង​ថា ក្នុង​ករណី​បង្ក្រាប​គ្រឿងញៀន​ខាងលើ កម្លាំង​សមត្ថកិច្ច​ចម្រុះ​បាន​ឃាត់ខ្លួន​ជនសង្ស័យ​៣​នាក់ មាន ១-​ឈ្មោះ តាន់ លន់ ភេទ​ប្រុស អាយុ​៣៣​ឆ្នាំ រស់នៅ​ភូមិ​កោះ​គ្រឹ​ស្នា ឃុំ​ឫស្សីស្រុក​ខាងលិច ស្រុក​កំពង់ត្រាច ខេត្តកំពត មានមុខ​ងារ​ជា​ប្រធាន​សាខា​សារព័ត៌មាន​កម្ពុជា​ជោគជ័យ (CSN) ប្រចាំ​ខេត្តកំពត (​កាសែត​ពុំ​សូវ​ឮឈ្មោះ​), ២-​ឈ្មោះ ម៉ា រី​ដា ភេទ​ស្រី អាយុ​១៧​ឆ្នាំ រស់នៅ​ភូមិ​សាលា​លេខ​៥ ឃុំ​ឈូកស ស្រុក​កំពង់ត្រឡាច ខេត្ត​កំ​ពង​ឆ្នាំង សព្វ​ថ្ងៃជា​នារី​បម្រើ​ការ​នៅ​ហាង​ម្លប់​ស្បូវ​ស្រី​ពេជ្រ នៅ​ភូមិ​ដំណាក់​ចង្អើរ សង្កាត់​ព្រៃធំ ក្រុងកែប ខេត្ត​កែប និង​ជា​ស្រី​ស្នេហ៍​របស់​ជនសង្ស័យ​ទី​១ ឃាត់ខ្លួន​នៅ​ក្នុង​បន្ទប់ដេក ក្នុង​សណ្ឋាគារ​ខាងលើ​ជាមួយ​តាន់ លន់​, ៣-​ឈ្មោះ ទ្រី សុភា ភេទ​ប្រុស អាយុ​២០​ឆ្នាំ រស់នៅ​ភូមិ​ថ្មី សង្កាត់​ព្រៃធំ ក្រុងកែប ខេត្ត​កែប ។

ខណៈ​ពេល​ចាប់ខ្លួន សមត្ថកិច្ច​ដកហូត​បាន​វត្ថុ​តាង​រួម​មាន ម្សៅ​ក្រាម​ពណ៌​ស ម៉ា​ទឹកកក ២​កញ្ចប់​, ម្សៅ WY ពណ៌​ទឹកក្រូច​កិន​ហើយ​១​កញ្ចប់​, បំពង់​ជក់​មួយ​កំ​ប្លេ​រ​, ទូរ​សព្ទ័​ដៃ​៥​គ្រឿង​, ម៉ូតូ​សេ​១២៥​មួយ​គ្រឿង (​ដោះ​ស្លាក​លេខ​ទុក​នៅ​ក្នុង​កែប​) និង​ប​ណ្ណ័​សំគាល់​ប្រធាន​សាខា​កាសែត​១​ច្បាប់ ។

ក្រោយ​ពេល​ចាប់ខ្លួន ជនសង្ស័យ​ទាំង​៣​នាក់​ត្រូវ​បាន​បញ្ជូន​ខ្លួន​ទៅ​កាន់​ស្នងការ​ខេត្ត​កែប ដើម្បី​កសាង​សំណុំរឿង​បញ្ជូន​ទៅ​តុលាការ​ចាត់ការ​បន្ត​តាម​នីតិវិធី​ច្បាប់ ៕

ប្រភព ៖

កំណត់ហេតុខ្មែរឡូត៖

 គួររំលឹកផងដែរថា យុវជន​ម្នាក់​ត្រូវ​សមត្ថកិច្ច​ចាប់​ឃាត់ខ្លួន​ខណៈ​កំពុង​ច្រៀង​ក្នុង​ហាង​ខារ៉ាអូខេ «​វង់​ភ័ក្ត្រ​ថ្មី​» ដែល​មាន​ទីតាំង​ស្ថិត​នៅ​ចំណុច​ផ្សារ​ថ្មី ក្នុងភូមិ​អូរ​ច្រា​កើត សង្កាត់​ទួល​ល្វា ក្រុងប៉ៃលិន​កាលពី​វេលា​ម៉ោង​១០ និង​១០​នាទី​យប់ ថ្ងៃ​ទី​០៩ ខែកញ្ញា ឆ្នាំ​២០១៦ ។

ប្រភព​ព័ត៌មាន​បានឱ្យ​ដឹង​ថា ជនសង្ស័យ​ឈ្មោះ ម៉េ​ង ចាន់ ភេទ​ប្រុស អាយុ​២៥​ឆ្នាំ មុខរបរ​មិន​ពិតប្រាកដ ធ្លាប់​ប្រើប្រាស់​គ្រឿងញៀន រស់នៅ​ភូមិ​ផ្សារ​ព្រំ ឃុំ​ស្ទឹង​កាច់ ស្រុក​សាលា​ក្រៅ ។ ចំណែក​ម្ចាស់​ម៉ូតូ​រង​គ្រោះ​ឈ្មោះ ឆុង សុ​ខែ​ម ភេទ​ប្រុស អាយុ​៣២​ឆ្នាំ ជា​អ្នក​រត់​ម៉ូតូឌុប រស់នៅ​ភូមិ​ជាមួយ​គ្នា រីឯ​ម៉ូតូ​ដែល​ត្រូវ​ជនសង្ស័យ​យក​ទៅ​បញ្ចាំ​នោះ​ម៉ាក​ហុងដា​ឌ្រី​ម ពណ៌​ខ្មៅ ស៊េរី​ឆ្នាំ​២០០៩ ពាក់​ស្លាក​លេខ កំពង់ឆ្នាំង 1B-7044 ត្រូវ​ជនសង្ស័យ​ដោះ​ស្លាក​លេខ​ចេញពី​ម៉ូតូ ។

ប្រភព​ព័ត៌មាន​ពី​ម្ចាស់​ម៉ូតូ​ឈ្មោះ ឆុង សុ​ខែ​ម បានឱ្យ​ដឹង​ថា កាលពី​វេលា​ម៉ោង​៦ និង​៣០​នាទី​ល្ងាច​ថ្ងៃ​ទី​០៤ ខែកញ្ញា ឆ្នាំ​២០១៦ រូបគេ​បាន​ជួបជុំ​មិត្តភក្តិ​៤​ទៅ​៥​នាក់​នាំ​គ្នា​អង្គុយ​ផឹកស៊ី​នៅ​ក្នុងផ្ទះ​របស់​ខ្លួន ដោយពេល​នោះ​ជនសង្ស័យ​ដែល​ទើប​រាប់អាន​គ្នា​បាន​រយៈពេល​ជាង​៣​ខែ​ចូល​មក​អង្គុយ​ផឹកស៊ី​ផង​ដែរ ។ មួយសន្ទុះ​ក្រោយមក ជនសង្ស័យ​បាន​ខ្ចី​ម៉ូតូ​មួយ​ភ្លែត​ដើម្បី​ជិះ​ទៅ​ទិញ​សាច់​ក្លែម ក្រោយ​ពី​ចាំ​បាត់​ៗ ទើប​ដឹង​ថា ជនសង្ស័យ​ស៊ីដាច់​ម៉ូតូ​ក៏​ប្រញាប់​ដាក់​ពាក្យបណ្តឹង​ទៅ​នគរបាល​ប៉ុស្តិ៍​ឱ្យ​ចាត់ការ​តែ​ម្តង ។ លុះ​ប្រហែល​១​អាទិត្យ​ក្រោយ​ក៏​មាន​គេ​ប្រទះ​ឃើញ​ជនសង្ស័យ​យក​ម៉ូតូ​របស់​ខ្លួន​ទៅ​បញ្ចាំ​ក្នុង​ហាង​កា​រ៉ា​អូ​ខេ​ខាងលើ ហើយ​កំពុង​ច្រៀង​ដោយ​ជំពាក់​ថ្លៃ​ផឹកស៊ី​អស់​៩០​ម៉ឺន​រៀល​ថែម​ទៀត ក៏​ប្រាប់​ឱ្យ​សមត្ថកិច្ច​ឲ្យ​ចុះ​ទៅ​ចាប់​ឃាត់ខ្លួន​បាន​ភ្លាម​ៗ​តែ​ម្តង ។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ហួសចិត្ត ! ខ្លួន​ជា​អ្នកកាសែត​បែរជា​នាំ​ស្រី​ស្នេហ៍​និង​គូកន​ធ្វើ​បែប​នេះ

ហួសចិត្ត ! ខ្លួន​ជា​អ្នកកាសែត​បែរជា​នាំ​ស្រី​ស្នេហ៍​និង​គូកន​ធ្វើ​បែប​នេះ

ហួសចិត្ត ! ខ្លួន​ជា​អ្នកកាសែត​បែរជា​នាំ​ស្រី​ស្នេហ៍​និង​គូកន​ធ្វើ​បែប​នេះ