ចិន​ថា គួរ​រក្សា​សន្តិភាព​ក្នុង​តំបន់​ជាមួយ​វៀតណាម

ទីភ្នាក់ងារព័ត៌មាន Reuters បានផ្សាយថា នាយករដ្ឋមន្ត្រីចិន លោក លី ឃឹជាំង បានប្រាប់ទៅនាយករដ្ឋមន្ត្រីវៀតណាម លោក ង្វៀន ស៊ួនផុក ថាចិននិងវៀតណាម គួរតែធ្វើការរួមគ្នាដើម្បីថែរក្សាសន្តិភាពនិងស្ថិរភាពនៅសមុទ្រចិនខាងត្បូងនិងព្យាយាមគ្រប់គ្រងជម្លោះនោះ។

ចិន​ថា គួរ​រក្សា​សន្តិភាព​ក្នុង​តំបន់​ជាមួយ​វៀតណាម

ប្រទេសចិនបានអះអាងជាម្ចាស់លើដែនសមុទ្រចិនខាងត្បូងស្ទើរតែទាំងអស់ ដែលទីនោះគឺជាច្រកចេញចូលនៃនាវាដឹកជញ្ជូនទំនិញឆ្លងកាត់មានតម្លៃប្រហែល៥ពាន់ពាន់លានដុល្លារក្នុងមួយឆ្នាំ។ ប៉ុន្តែ ប៊្រុយណេ ម៉ាឡេស៊ី ហ្វីលីពីន តៃវ៉ាន់ និងវៀតណាម ក៏បានអះអាងជាម្ចាស់លើដែនទឹកមានជម្លោះនោះផងដែរ ដែលទីនោះគេជឿថាសម្បូរទៅដោយប្រេងនិងឧស្ម័ន។

បើតាម Reuters វៀតណាមកំពុងតែសម្ងំកសាងកម្លាំងយោធារបស់ខ្លួនដែលអ្នកវិភាគយល់ថា ដើម្បីធានាតំបន់សេដ្ឋកិច្ចផ្ដាច់មុខចម្ងាយ២០០ម៉ៃយ៍របស់ខ្លួន ខណៈដែលចិនកាន់តែគឃ្លើននៅលើតំបន់នេះ។

ក្នុងជំនួបនៅទីក្រុងប៉េកាំងកាលពីថ្ងៃម្សិលមិញ លោក លី ឃឹជាំង បានប្រាប់ទៅលោក ង្វៀន ស៊ួនផុក ថាសមុទ្រចិនខាងត្បូងមានបញ្ហាទាំងខាងអធិបតេយ្យភាពនិងសិទ្ធិសមុទ្រ ព្រមទាំង “អារម្មណ៍ជាតិ”។ នេះដោយយោងតាមសេចក្ដីថ្លែងការណ៍របស់ក្រសួងការបរទេសចិនដែល Reuters ទទួលបាននៅថ្ងៃនេះ៕

ប្រភព ៖ vodhotnews

  • ចិន​ថា គួរ​រក្សា​សន្តិភាព​ក្នុង​តំបន់​ជាមួយ​វៀតណាម已关闭评论
  • 8 views
  • Hide Sidebar
    A+
Publish on:2016/09/13  Category:ជីវិតនិងសង្គម
Tags: