ក្រសួងសុខាភិបាល បញ្ជាក់ពីវិធីបង្ការជំងឺឆ្លង ZiKa សម្រាប់ស្ត្រីមានផ្ទៃពោះ និងប្រជាពលរដ្ឋកម្ពុជាទូទៅ

(ភ្នំពេញ)៖ ក្រសួងសុខាភិបាលនៅថ្ងៃទី១៣ ខែកញ្ញា ឆ្នាំ២០១៦ បានចេញសេចក្តីប្រកាសព័ត៌មាន ដើម្បីបញ្ជាក់ប្រាប់សាធារណជន អំពីវិធីបង្ការ បណ្តាលមកពីវីរុស ZiKa សម្រាប់បងប្អូនស្ត្រីមានផ្ទៃពោះ និងប្រជាពលរដ្ឋទូទៅនៅក្នុងប្រទេសកម្ពុជា។

ក្រសួងសុខាភិបាលបានបញ្ជាក់ថា ជំងឺ Zika ឆ្លងតាមរយៈមូសខ្លាខាំ ដែលជាប្រភេទមូសដែលបង្កឲ្យមានជំងឺគ្រុនឈាម មិនមែនឆ្លង ដោយសារមូសអង្កាមខាំទេ និងអាចឆ្លងតាមរយៈការរួមភេទ ជាមួយអ្នកដែលមានវីរុស Zika ពីព្រោះវីរុសនេះមាននៅក្នុងទឹកកាម ឈាម ទឹកនោម ទឹកភ្លោះ ទឹកមាត់ ព្រមទាំងសារធាតុរាវ រាងកាយនៅក្នុងខួរក្បាល និងខួរឆ្អឹងខ្នង។ វីរុស Zika ឆ្លងពីម្តាយទៅកូន ក្នុងអំឡុងពេល មានផ្ទៃពោះ និងនៅពេលសម្រាល។

ក្រសួងសុខាភិបាលបានបញ្ជាក់ទៀតថា «ជំងឺ Zika មានរោគសញ្ញាស្រដៀងគ្នាទៅនឹងជំងឺគ្រុនឈាមដែល គឺគ្រុនក្តៅ ឈឹក្បាល មានកន្ទួលក្រហមលើស្បែក ក្រហមភ្នែក និងឈឺសន្លាក់ជាដើម។ ភាគច្រើននៃជំងឺនេះនិងជាសះស្បើយក្នុងអំឡុងពេលពី ២ទៅ៧ថ្ងៃ ហើយអត្រាស្លាប់មានកម្រិតតិចតួចណាស់។ មានករណីតិចតួចបំផុត ដែលអាចវិវត្តន៍ទៅជាទុនដៃទុនជើង ហើយបើកើតមានលើស្ត្រី មានផ្ទៃពោះ គឺអាចឲ្យទារកស្លាប់ក្នុងផ្ទៃឬក្បាលទារក អាចតួចជាងធម្មតា»។

វិធីបង្ការ នៃជំងឺ Zika នេះ សូមអានសេចក្តីប្រកាសព័ត៌មានរបស់ក្រសួងសុខាភិបាលទាំងស្រុងដូចខាងក្រោម៖

ប្រភព ៖

កំណត់ហេតុខ្មែរឡូត៖

គួររំលឹកផងដែរថា លោកវេជ្ជបណ្ឌិត លី សូវ៉ាន់ អ្នកនាំពាក្យក្រសួងសុខាភិបាល បានបញ្ជាក់ម្តងទៀតថា កាលពីល្ងាចថ្ងៃអាទិត្យ ទី១១ ខែកញ្ញា ឆ្នាំ២០១៦នេះ មិនមានករណីមេរោគ Zika ណាមួយបានមកដល់ប្រទេសកម្ពុជានោះទេ ខណៈដែលនៅលើបណ្តាញសង្គម Facebook មានការបំផុសតៗគ្នាថា មានករណីយុវតីខ្មែរម្នាក់បានស្លាប់ដោយ សារជំងឺ Zika នៅក្នុងប្រទេសកម្ពុជា។

លោក លី សូវ៉ាន់ បានចាត់ទុកថា ការបំផុសព័ត៌មានបែបនេះ គឺជាការភូតកុហក ហើយក្នុងន័យបង្កចលាចល នៅក្នុងប្រទេសកម្ពុជា។ លោកថាបន្ទាប់ពីទទួលបានព័ត៌មាននោះ ក្រសួងសុខាភិបាល បានឆែកនៅតាមមន្ទីរពេទ្យ តាមតម្រុយដែលប្រភពនៅលើ Facebook អះអាង ប៉ុន្តែការពិតមិនមានករណីនេះកើតឡើងទេ។ 

លោក លី សូវ៉ាន់ បានលើកឡើងថា «ដូចជាករណី អេបូឡាអញ្ចឹងដែរ គឺពេលដែលយើងកំពុងព្រួយបារម្ភអញ្ចឹងទៅ វាក៏បានបង្កើតរឿងធ្វើឱ្យចលាចល ប៉ុន្តែតាមពិតអត់មានរឿងនេះកើតឡើងទេ ហើយខ្ញុំក៏បានឆែកនៅលើ Page ហ្នឹងដែរ ក៏អត់មានឃើញសកម្មភាពអ្វី ឃើញថាអត់ដែលបានបង្ហោះអ្វីតាំងពីថ្ងៃទី២០ ខែកក្កដាមកម្ល៉េះ ប្រហែលជាមានអ្នក Hack ទំព័ររបស់គាត់។ ពេលនេះទំនងលុបចោលហើយ ព្រោះខ្ញុំឆែកទៀតអត់ឃើញ»។

លោកថានៅកម្ពុជាមានតែមន្ទីរពេទ្យ២ប៉ុណ្ណោះ ដែលអាចស្កេនរកមេរោគ Zika នេះបាន ក្នុងនោះមានវិទ្យាស្ថានប៉ាស្ទ័រ ជាមួយនឹងវិទ្យាស្ថានស្រាវជ្រាវសុខភាពសាធារណៈរបស់រដ្ឋ។ បើសិនជាមានមេរោគនេះមែននោះ លទ្ធផលនឹងទៅដល់នាយកដ្ឋានរបស់លោកមុនគេ។

បើតាម Facebook របស់នារីម្នាក់ឈ្មោះ Phai Bopha ដែលជាអ្នកផ្សព្វផ្សាយនូវការបំផុសនេះបានអះអាងថា នៅពេលថ្មីៗនេះ ប្អូនរបស់នាងមានឈ្មោះ វ៉ាន់ ស៊ីវម៉ី អាយុ១៦ឆ្នាំ បានស្លាប់ដោយជំងឺ Zika ។ នាងថា ប្អូនរបស់នាងបានឆ្លងជំងឺថ្មីនេះ ហើយត្រូវបានបញ្ជូនទៅកាន់មន្ទីរពេទ្យកាល់ម៉ែត។ Facebook នេះ ក៏បានអំពាវនាវឱ្យប្រជាពលរដ្ឋខ្មែរមានការប្រុងប្រយ័ត្នផងដែរ។

ទោះជាយ៉ាងណា លោក លី សូវ៉ាន់ បានអះអាងថា លោកបានឆែកនៅមន្ទីរពេទ្យកាល់ម៉ែតរួចហើយដែរ តាមតម្រុយនេះហើយ ប៉ុន្តែមិនមានឈ្មោះខាងលើ និងមិនមានករណីនេះកើតឡើងដែរ។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ក្រសួងសុខាភិបាល បញ្ជាក់ពីវិធីបង្ការជំងឺឆ្លង ZiKa សម្រាប់ស្ត្រីមានផ្ទៃពោះ និងប្រជាពលរដ្ឋកម្ពុជាទូទៅ

ក្រសួងសុខាភិបាល បញ្ជាក់ពីវិធីបង្ការជំងឺឆ្លង ZiKa សម្រាប់ស្ត្រីមានផ្ទៃពោះ និងប្រជាពលរដ្ឋកម្ពុជាទូទៅ

ក្រសួងសុខាភិបាល បញ្ជាក់ពីវិធីបង្ការជំងឺឆ្លង ZiKa សម្រាប់ស្ត្រីមានផ្ទៃពោះ និងប្រជាពលរដ្ឋកម្ពុជាទូទៅ