អតីតយោធាហ្វីលីពីន៖ លោក Rodrigo Duterte ធា្លប់បញ្ជាឱ្យសម្លាប់ក្រុមឧក្រិដ្ឋជន ដោយបោះឱ្យសត្វក្រពើស៊ី

អតីតយោធាហ្វីលីពីន៖ លោក Rodrigo Duterte ធា្លប់បញ្ជាឱ្យសម្លាប់ក្រុមឧក្រិដ្ឋជន ដោយបោះឱ្យសត្វក្រពើស៊ី

(ម៉ានីល)៖ អតីតមន្ត្រីយោធាហ្វីលីពីនម្នាក់ បានផ្ដល់សក្ខីកម្មនៅចំពោះមុខព្រឹទ្ធសភាហ្វីលីពីនថា ប្រធានាធិបតីហ្វីលីពីនបច្ចុប្បន្ន លោក Rodrigo Duterte កាលពីជំនាន់លោកកាន់ដំណែងជាអភិបាល ក្រុង Davao លោកធ្លាប់បានបញ្ជាឱ្យ មន្ត្រីក្រោមឱវាទរូបនេះ និង គូកនមួយចំនួនផ្សេងទៀតធ្វើការ សម្លាប់ក្រុមឧក្រិដ្ឋជនជាង ១,០០០ នាក់ឯណោះ។ នេះបើតាមការចុះផ្សាយរបស់សារព័ត៌មាន Washington Top នៅព្រឹកថ្ងៃព្រហស្បតិ៍ ទី១៥ ខែកញ្ញា ឆ្នាំ២០១៦។

លោក Edgar Matobato អាយុ៥៧ឆ្នាំ ជាអតីតមន្ត្រីយោធាខាងលើនេះ បានប្រាប់ព្រឹទ្ធសភាហ្វីលីពីនថា លោកធ្លាប់ស្ដាប់ឮលោក Duterte បញ្ជាឱ្យសម្លាប់ក្រុមឧក្រិដ្ឋជន តែលោកក៏បាន ទទួលស្គាល់ខ្លួនឯងដែរថា លោកបានចាប់ពង្រត់ និងសម្លាប់មនុស្ស ក្នុងនោះរួមមានទំាងបុរសម្នាក់ ដែលត្រូវបានគេយកទៅបោះឱ្យសត្វក្រពើស៊ី នៅភាគខាងត្បូងទីក្រុង Davao កាលពីឆ្នាំ២០០៧ ថែមទៀតផង។

ទោះបីជាយ៉ាងណា គេពុំទាន់ឃើញមានប្រតិកម្មពី លោក Duterte ដែលធ្លាប់បដិសេធថា លោកមិនដែលបានជាប់ ពាក់ព័ន្ធនឹងការសម្លាប់ក្រុមឧក្រិដ្ឋជន ក្រៅប្រព័ន្ធតុលាការនោះនៅឡើយទេ កាលពីជំនាន់លោកកាន់ដំណែងជាអភិបាលក្រុង Davao និងបន្ទាប់ពីការស្បថចូលកាន់តំណែងជា ប្រធានាធិបតីហ្វីលីពីន កាលពីខែមិថុនា កន្លងទៅនេះ៕

ប្រភព៖ Fresh News

  • អតីតយោធាហ្វីលីពីន៖ លោក Rodrigo Duterte ធា្លប់បញ្ជាឱ្យសម្លាប់ក្រុមឧក្រិដ្ឋជន ដោយបោះឱ្យសត្វក្រពើស៊ី已关闭评论
  • 4 views
  • Hide Sidebar
    A+
Publish on:2016/09/15  Category:ជីវិតនិងសង្គម
Tags: