មន្រ្តីកាំកុងត្រូល ខេត្តបន្ទាយមានជ័យ ចុះដកហូតទឹកខ្មេះ នំ និងដំណាប់ ចាហ៊ួយ ខូចគុណភាពជាច្រើន​នៅផ្សារត្រី

(បន្ទាយមានជ័យ)៖ មន្ត្រីសាខាកាំកុងត្រូលខេត្តបន្ទាយមានជ័យ សហការជាមួយកម្លាំងនគរបាលប្រឆាំងបទល្មើសសេដ្ឋកិច្ច-ក្រសួង និងមន្ទីរពាណិជ្ជកម្ម ក្រោមការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត នៅថ្ងៃទី២១ ខែកញ្ញា ឆ្នាំ២០១៦នេះ បានបន្តចុះពិនិត្យមើលទំនិញ ផ្សព្វផ្សាយអំពីគុណភាព និងសុវត្ថិភាពម្ហូបអាហារនៅផ្សារត្រី ក្រុងប៉ោយប៉ែត ខេត្តបន្ទាយមានជ័យ។

លោក ហុង លៀង អនុប្រធានសាខាកាំកុងត្រូល ខេត្តបន្ទាយមានជ័យ ទទួលបន្ទុកស្ថិតិ និងទីផ្សារ បានឲ្យដឹងថា ការចុះពិនិត្យទំនិញក្នុងផ្សារខាងលើក្រោមការណែនាំផ្ទាល់ពីលោក ស៊ាន ស៊ីណាត ប្រធានសាខាកាំកុងត្រូលខេត្ត ជាលទ្ធផលក្រុមការងាររបស់លោក បានរកឃើញផលិតផល ទំនិញខូចគុណភាព ហួសកាលបរិច្ឆេទប្រើប្រាស់មួយចំនួន។ បើតាមលោក ហុង លៀង ទំនិញដែលខូចគុណភាពនោះរួមមាន៖ ទឹកខ្មេះរូបទន្សាយ១៧ដប នំចំរុះ97kg និងដំណាប់ចាហ៊ួយ100kg។ 

ជាមួយគ្នានេះ មន្រ្តីសាខាកាំកុងត្រូលខេត្តបន្ទាយមានជ័យ បានអំពាវនាវដល់អាជីវករទាំងអស់ សូមកុំខឹងនឹងក្រុមការងាររបស់លោកដែលចុះទៅពិនិត្យ និងដកហូតទំនិញ ខូចគុណភាពទាំងនោះ ព្រោះថាបើមិនដកហូតទេ មិនដឹងថាប្រជាពលរដ្ឋប៉ុន្មាននាក់ ដែលទទួលទាន ហើយខូចសុខភាពនោះ។

លោកក៏បានអំពាវនាវដល់អាជីវករ អ្នកលក់ដូរទាំងអស់ ឲ្យប្រុងប្រយ័ត្ន និងយកចិត្តទុកដាក់ខ្ពស់ ព្រោះរដូវនេះ ជារដូវបុណ្យទានផង គឺលក់ដូរ និងចែកចាយតែទំនិញ ផលិតផលម្ហូបអាហារណា ដែលមានគុណភាពមិនប៉ះពាល់ដល់ សុខភាពអ្នកប្រើប្រាស់ ជាពិសេសនារដូវបុណ្យភ្ជំបិណ្ឌនេះតែម្តង។ សូមជម្រាបថា ក្រោមការណែនាំពីលោក ម៉ក់ ពេជ្ជរិទ្ធ ប្រតិភូរាជរដ្ឋាភិបាលទទួលបន្ទុក ជាអគ្គនាយកកាំកុងត្រូល នៃក្រសួងពាណិជ្ជកម្ម សាខាកាំក្រុងត្រូលនៅទូទាំងប្រទេស បាននិងកំពុងបន្តយុទ្ធនាការ ចុះត្រួតពិនិត្យមើលទំនិញ ដែលដាក់តាំងលក់តាមទីផ្សារ ដើម្បីចូលរួមចំណែកលើការការពារ សុវត្ថិភាពចំណីអាហារ ដល់ប្រជាពលរដ្ឋ៕ 

ប្រភព ៖

កំណត់ហេតុខ្មែរឡូត៖ 

ដោយឡែក ករណីមួយផ្សេងទៀត កាលពីលើកមុននិងផ្សព្វផ្សាយ អំពីគុណភាព និងសុវត្ថិភាពម្ហូបអាហារ ដែលដាក់តាំងលក់តាមផ្ទះលក់ទំនិញ ស្ថិតនៅតាមសងខាងផ្លូវ ៦០ម៉ែត្រ ក្នុងសង្កាត់ស្លរក្រាម ក្រុងសៀម រាបខេត្តសៀម រាប ( ផ្លូវទៅកាន់ អង្គរ ឃ្យុងយូ )។

មន្រ្តីកាំកុងត្រូលបានឲ្យដឹងថា បន្ទាបពីការពិនិត្យ មើលលើផលិតផលកំប៉ុង ដប និងផលិតផលវិចខ្ចប់រួច ដែលកំពុងដាក់តាំងលក់នៅតាមផ្ទះមួយចំនួនលទ្ធផល ពិនិត្យឃើញមានផលិតផលមួយចំនួនប្រែប្រួលខូចគុណភាព ហួសកាលបរិច្ឆេទ ប្រើប្រាស់ ហើយត្រូវបានសាខាកាំកុងត្រូលខេត្ត សៀម រាប ធ្វើកំណត់ហេតុដកហូត យកមករក្សាទុក ដើម្បីស្នើសុំគោលការណ៏កំទេចចោលនៅពេលក្រោយ។

មន្រ្តីកាំកុងត្រូលបានឲ្យដឹងថា បន្ទាប់ពីបានពិនិត្យ ទំនិញដែលដាក់តាំងលក់នៅ តាមសងខាងផ្លូវ ៦០ម៉ែត្រ ក្នុងសង្កាត់ស្លរក្រាម ក្រុងសៀម រាបខេត្តសៀម រាប ( ផ្លូវទៅកាន់ អង្គរ ឃ្យុងយូ ) បានរកឃើញផលិតផលខូចគុណភាពដែលបានដកហូតរួមមាន ៖

_ ទឹកក្រូចដបជ័រខ្នាតធំចំណុះ ១.២៥លីត្រ ផលិតនៅប្រទេសថៃ ចំនួន១៤ដប ។

_ ទឹកក្រូចដបជ័រចំណុះ ០.៤៥លីត្រ ផលិតនៅប្រទេសថៃ ចំនួន៤៥ដប ។

_ ទឹកដោះគោឆៅប្រអប់ក្រដាស (Chock Chai Farm) ផលិត នៅថៃ ចំនួន១៨ប្រអប់ ។

_ នំដំឡូងស្រួយ សណ្តែកដីកញ្ចប់ និងនំកញ្ចប់ស្រួយផលិតនៅប្រទេសថៃចំនួន ២០កញ្ចប់ ។

ជាមួយគ្នានោះ លោក ង៉ែត ចេក ប្រធានសាខាកាំកុងត្រូលសាខាសៀមរាប និងអាកាសយានដ្ឋានអន្តរជាតិសៀម រាប ក៏បានសំណូមពរដល់អាជីវករទាំងអស់ សូមកុំខឹងមន្រ្តីរបស់លោក ដែលចុះ ទៅ ពិនិត្យ និងដកហូតទំនិញខូចគុណភាពទាំងនោះ ព្រោះថា បើមិនដកហូតទេ មិនដឹងថា ប្រជាពលរដ្ឋ ប៉ុន្មាននាក់ ដែលទទួលទាន ហើយខូចសុខភាពនោះ។

ជាមួយគ្នានេះដែរ លោកក៏បានអំពាវនាវ ដល់អាជីវករ អ្នកលក់ដូរទាំងអស់ ឲ្យប្រុងប្រយ័ត្ន និងយកចិត្តទុកដាក់ខ្ពស់ គឺលក់ដូរ និងចែកចាយតែ ទំនិញ ផលិតផលម្ហូបអាហារណាដែលមានគុណភាព មិនប៉ះពាល់ដល់ សុខមាលភាព អ្នកប្រើប្រាស់។

ជាមួយនិងការណែនាំរបស់លោក ម៉ក់ ពេជ្ជរិទ្ធ ប្រតិភូរាជរដ្ឋាភិបាល ទទួលបន្ទុកអគ្គកាំកុងត្រូល នៃក្រសួងពាណិជ្ជកម្ម សាខាកាំក្រុងទូទាំងប្រទេស បាននិងកំពុងបន្តយុទ្ធនាការ ចុះត្រួតពិនិត្យមើលទំនិញ ដែលដាក់លក់តាមទីផ្សារ ដើម្បីចូលរួមចំណែកលើការការពារ សុវត្ថិភាពចំណីអាហារ ដល់ប្រជាពលរដ្ឋ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

មន្រ្តីកាំកុងត្រូល ខេត្តបន្ទាយមានជ័យ ចុះដកហូតទឹកខ្មេះ នំ និងដំណាប់ ចាហ៊ួយ ខូចគុណភាពជាច្រើន​នៅផ្សារត្រី

មន្រ្តីកាំកុងត្រូល ខេត្តបន្ទាយមានជ័យ ចុះដកហូតទឹកខ្មេះ នំ និងដំណាប់ ចាហ៊ួយ ខូចគុណភាពជាច្រើន​នៅផ្សារត្រី

មន្រ្តីកាំកុងត្រូល ខេត្តបន្ទាយមានជ័យ ចុះដកហូតទឹកខ្មេះ នំ និងដំណាប់ ចាហ៊ួយ ខូចគុណភាពជាច្រើន​នៅផ្សារត្រី

មន្រ្តីកាំកុងត្រូល ខេត្តបន្ទាយមានជ័យ ចុះដកហូតទឹកខ្មេះ នំ និងដំណាប់ ចាហ៊ួយ ខូចគុណភាពជាច្រើន​នៅផ្សារត្រី