ហួសចិត្ត! ដោយសារតែរូបថតមួយសន្លឹកនេះ មន្ត្រីក្រសួងអប់រំចិនម្នាក់ ត្រូវបានគេបញ្ឈប់ពីការងារ

ចិន៖ ជារឿងដ៏អាម៉ាស់មួយដែល មន្ត្រីមានមុខតំណែងម្នាក់នៅក្នុងក្រសួងអប់រំ ត្រូវបានបាត់បង់ការងារ ដោយសារតែរូបថតមួយសន្លឹក។

លោក Bao Xuwei ដែលជាភ្នាក់ងារមន្ត្រីក្រសួងអប់រំម្នាក់ ក្នុងខេត្ត Zhejiang ត្រូវបានគេថតរូបជាប់ ខណៈដែលគាត់កំពុងត្រូវបានគេសែងចេញពីភក់ដ៏ជោគជាំ ក្រោយពីរងគ្រោះព្យុះទីហ្វុង កាលពីសប្តាហ៍មុន។ ក្រោយមក រូបថតមួយសន្លឹកនេះ ក៏ត្រូវបានផ្សព្វផ្សាយចេញនៅក្នុងបណ្តាញសង្គម ធ្វើឲ្យ លោក Bao មានការអៀនខ្មាសខ្លាំង រហូតដល់ថ្នាក់ត្រូវបញ្ឈប់ពីមុខតំណែងជាមន្ត្រីក្រសួងអប់រំទៀតផង។

ទន្ទឹមនឹងការបញ្ឈប់មុខតំណែងរបស់ លោក Bao ការិយាល័យអប់រំដែលស្ថិតក្នុងខេត្ត Zhejiang ក៏បានបើកការស៊ើបអង្កេតពីបញ្ហានេះផងដែរ ដើម្បីឲ្យដឹងពីរឿងរ៉ាវជុំវិញរូបថតមួយសន្លឹកនេះ។

លោក Bao បានបញ្ជាក់ពីដើមហេតុថា មូលហេតុដែលលោកត្រូវបានគេសែង ពីព្រោះអំឡុងពេលនោះ លោកទើបតែចេញពីប្រជុំ ហើយត្រូវដើរឆ្លងកាត់ដីសើមទាំងនោះ តែភ្លាមៗ លោកគ្មានស្បែកជើងដើម្បីការពារទឹកជ្រាប ម្លោះហើយទើប ភ្នាក់ងារធានារ៉ាប់រង២នាក់ ក្នុងរូបនេះ សែងលោកចេញ ប៉ុន្តែក្នុងរយៈពេលមួយភ្លែតតែប៉ុណ្ណោះ ។

ក្រោយពីមានបញ្ហានេះបានកើតឡើង ភ្នាក់ងារធានារ៉ាប់រង២រូបនេះ ក៏ចេញមកបកស្រាយការពិតផងដែរ ហើយចំនែកឯអ្នកដែលបានថតរូបមួយសន្លឹកនេះ ក៏បានចេញមុខសុំទោស លោក Bao ទៀតផង ដោយសារគេគិតថារូបមួយនេះ គឺតំណាងឲ្យការជួយគ្នាទៅវិញទៅមក ប៉ុន្តែមិននឹកស្មានថាមានបញ្ហាធំបែបនេះកើតឡើងទេ។

ប៉ុន្តែទោះជាយ៉ាងណាក៏ដោយ ករណីនេះស្ថិតនៅក្រោមការស៊ើបអង្កេតនៅឡើយ ខណៈដែលលោក ត្រូវបាត់បង់មុខតំណែងជាមន្រ្តីក្រសួងអប់រំ៕

ប្រភព ៖

កំណត់ហេតុខ្មែរឡូត៖

ហេតុការណ៍ដ៏ហួសចិត្តនេះ កើតឡើងនៅប្រទេសមិុចស៊ិក ដែលមានអ្នករាយការណ៍ស្រី សញ្ជាតិ មិុចស៊ិកម្នាក់នេះ មានឈ្មោះថា Lydia Cumming ជាបុគ្គលិកបំរើការងារឲ្យក្រុមហ៊ុនទូរទស្សន៍មួយឈ្មោះថា Azteca Puebla។

គួរបញ្ជាក់ថា នៅថ្ងៃសុក្រកន្លងទៅនេះ នៅទីក្រុង Peubla ប្រទេសមិុចស៊ិក បានរងគ្រោះទឹកជំនន់ បណ្តាលឲ្យមានការលិចទឹកនៅតាមដងផ្លូវ ហេតុដូច្នេះហើយទើបធ្វើឲ្យនាង Lydia ដែលជាអ្នករាយការណ៍ព័ត៌មាន បានចុះទៅយកព័ត៌មាននៅកន្លែងកើតហេតុផ្ទាល់ តែស្របពេលជាមួយគ្នានោះដែរ រូបនាងត្រូវគេថតបានសកម្មភាព របស់នាង កំពុងឲ្យជនរងគ្រោះដោយសារទឹកជំនន់ ជួយលើកបីនាង ដើម្បីការពារកុំឲ្យស្បែកជើងមានតម្លៃរបស់នាង ប្រឡាក់នឹងទឹក។

បន្ទាប់មករូបភាពនេះ ត្រូវបានចែកចាយតៗគ្នានៅលើអិុនធើណែត ហើយនាងក៏ត្រូវបានគេបញ្ឍប់ពីការងារតែម្តង។​ ក្នុងនោះអ្នកគ្រប់គ្រងរបស់នាង បានសរសេរលើបណ្តាញសង្គម Twitter ថា «សម្រាប់រឿងដែលបានកើតឡើងថ្មីៗនេះ នាងត្រូវបានបញ្ឍប់ពីការងារ ដោយសារតែសកម្មភាពមួយនេះ មិនអាចទទួលយកបាន» ។

គួរបញ្ជាក់ផងដែរ អ្នករាយការណ៍ព័ត៌មានស្រីរូបនេះ ក៏បានចេញមុខអះអាងផងដែរ ដោយយោងតាមទស្សនាវដ្ដី El Pais នាងបាននិយាយថា តាមពិតទៅនាងក៏មិនចង់ដែរ តែជនរងគ្រោះទេ ដែលចង់ជួយនាង ហើយនាងគួរតែបដិសេធភ្លាមៗដែរ ប៉ុន្តែវាហាក់បីដូចជាមិនសមរម្យពេក ប្រសិនបើនាងបដិសេធបំណងល្អរបស់ពួកគេ។ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ហួសចិត្ត! ដោយសារតែរូបថតមួយសន្លឹកនេះ មន្ត្រីក្រសួងអប់រំចិនម្នាក់ ត្រូវបានគេបញ្ឈប់ពីការងារ

ហួសចិត្ត! ដោយសារតែរូបថតមួយសន្លឹកនេះ មន្ត្រីក្រសួងអប់រំចិនម្នាក់ ត្រូវបានគេបញ្ឈប់ពីការងារ